Misamaanay Hano Padadotoc Kiso Minanam to Fangcalay Cudad?

1. O manan ko epoc tisowanan ano padadotoc minanam to Fangcalay Cudad?

Maherek kiso a miˈosi to taˈeneran no soˈlinay kimad itini toni cudad i, matongalay ko kaolah iso ci Yihofaan han? Nikawrira, o matiniay a olah padadotocen a palahad, padadotocen a misaˈangongol. (1 Pitiro 2:2) Ano makalimay kiso a tahadaˈoc ko ˈorip noikor i, padadotoc a minanam to Fangcalay Cudad, padadotoc a malawidang no Kawas.​—ˈOsien ko Yohani 17:3; Yuta 21.

Matongal ko kafanaˈ iso to Kawas i, tatanektek ko nika pakasoˈlin no falocoˈ i Cingranan. O nika pakasoˈlin iso mamahemek ko Kawas. (Hipray 11:1, 6) O mahaenay a noka pasoˈlin no falocoˈ mamicikeloh tisowanan pasasiyor to mararaway a demak iso, mifalic to kaˈorip no miso.​—ˈOsien ko Dmak 3:19.

2. O nika fanaˈ iso to Kawas, sasamaan a ciepoc to tao?

Ano pakatengil kita to ngaˈayay lihaf i, ciharatengay to sapasowalaw to tao. Matengil iso ko ngaˈayay lihaf no Fangcalay Cudad, ciharatengay kiso to sakafanaˈaw no tao. Ano padadotoc kiso minanam i, mamafanaˈ tano Fangcalay Cudad mitadtad toniya ngaˈayay lihaf i taowanan, mitadtad to misamaanay hano pakasoˈlin kiso ci Yihofaan.​—ˈOsien ko Loma 10:13-15.

O ˈalomanay tamdaw, tohati:niay isaˈayawan ko salawina a pasowal to ngaˈayay lihaf no Fangcalay Cudad. Nikawrira, sinanoten ko kasomowal iso. Aka a patodicek han pasowal to mararaway ko pihakelongan nangra, ao pasowalen to sakiˈok no Kawas ko ngaˈayay. O roma sa i, sinanoten ko waywayan iso, samanen ora waywayan iso ko mamisemer to falocoˈ nangra.​—ˈOsien ko 2 Timoti 2:24, 25.

3. Ira ko masamaanay noka lalaˈed iso ato Kawas?

Minanam to Fangcalay Cudad papadama tisowanan macakat i noˈadingoan. Saikor i, ira ko mikiriwiˈay a kalalaˈed iso ato kakarayan a Wama, micomod i taˈangayay a paro no lomaˈ a mala wawa ni Yihofa.​—ˈOsien ko 2 Korinto 6:18.

4. Sasamaan kiso padadotoc a macakat hani?

Ano padadotoc kiso minanam to Fangcalay Cudad i, mamafanaˈ a kalasaka dademak to safalod no Fangcalay Cudad. (Hipray 5:13, 14) Ngaˈayay kiso tano Mamananam Ita ko Manan Nai Fangcalay Cudad? sanay a cudad, malalengo ato Misawacayay Tamdaw ni Yihofa. Ano matongal ko kafanaˈ iso i, mamangalef ko hemek iso, malaˈosi ko hakelong no ˈorip iso.​—ˈOsien ko ˈOlic 1:1-3; 73:27, 28.

Ngaˈayay lihaf naitiraay ci Yihofaan, o lipahakay a Kawas Cingra. Ano misawidang kiso to midokoay to Kawas a tamdaw, mamakedec ko kalalaˈed iso ato Kawas. (Hipray 10:24, 25) Ano padotoc kiso a kiemel midemak to kaolahan no Kawas i, mamatama iso ko soˈlinay a ˈorip, o midaˈocay a ˈorip. Malawidang no Kawas tada o ciepocay a demak i tisowanan!​—ˈOsien ko 1 Timoti 1:11; 6:19.