Falahen ko Samiyay

Itini lintad ni Yakop, cowaho pikeceng ci Yihofa mitaˈong ko tamdaw to samiyay, kawra mafanaˈay ci Yakop edengan ci Yihofa ko sasarocoden a mikaolah. (Kasadakan 20:3-5) Mankora, ta papinokayen no Kawas ci Yakop tayra i Pitil i, palimoˈotan ci Yakop ato kalacafayay cingranan polong a tamdaw, papifalah to emin a samiyay no ˈalafang. Oraanto i, mitademan ni Yakop ko samiyay nangra ato paysinay a fitifiting nangra. (Satapangan 35:1-4) Mihaen ci Yakop misetek to demak, maedeng mahemekay ci Yihofa.

Anini, sasamaan kita patalahkal to nika pisarocod a maolah ci Yihofaan hani? O cecay a kalimlaan demak i, liyasen ko maamaan milingatay to samiyay ato miˈedaway a demak. Ano sahecien ko sowal, falahen a miemin ko sapiˈedaw a dafong, ato sinanoten ko lawla no niyah to milingatay to hatiraay han. Licayen ko niyah: ‘Maolahay kako minengneng to kaloykoy a ika ato cudad han? O mipiliˈan ako a lawla, cowa pakomaan to maangangay a demak han?’ Soˈlinay haw i, maamaan kaˈintehan ni Yihofa a demak, o sasinanoten ita a miliyas.—ˈOlic 97:10.

Minengneng to ika: “Micongangah ci Akomaan,” ikor pacaˈofen kora ilaenoay salicay:

• 

  Tahalifaay to maanan ci Palisa hani?

• 

  Ano tahalifa kita to maangangay a demak i, hano mamikilim to sadama no malohemay malitengay?

• 

  Ano sapilifokaw to sadipot ni Yihofa i, oha mamisaheci a miliyas to maanan a demak?

• Misetekay a misaˈosi ci Palisa to maanan a demak?

• Itini i niyaroˈ iso, o manan a demakan mamafiyor no tatiihay coyoh kiso? Wa misamaan kiso a miliyas?