Mikicowaay Ira ko ˈOrip?

‘O pipowaran no ˈorip ko [Kawas].’ (ˈOlic 36:9) Pakasoˈlinay kiso tonini han? O harateng no roma tamdaw, fahal sanay ira ko ˈorip sanay. Ano soˈlinay konini i, o sedak sanay a ira kita kira. Kawra ano o Kawas ci Yihofa ko misangaˈay to ˈorip i, nao iraay ko araaw no ˈorip, hatiraay saw?a Nengnengen ko sowal no Fangcalay Cudad misamaanay a misatapang ko ˈorip, ato misamaanay hano tada matatodongay ko sowal no Fangcalay Cudad.

1. Samaanay ko pisatapang no dohaw?

ˈAlomanay kakakusiya mihaiyay, iraay ko pisatapangan no dohaw. Sowal no Fangcalay Cudad: ‘Satapangan i, misangaˈan no Kawas ko kakarayan ato sera.’ (Satapangan 1:1) Ano hatiraay i, samaanan no Kawas misangaˈ ko dohaw hani? Pasadakan no Kawas ko fangcalay saocor Ningra a misangaˈ to maa:maan no dohaw, mahawpay ko adihayay makakapotay a fuˈis ato masakenakenaay a fuˈifuˈis.​—Satapangan 1:2.

2. Hano sangaˈen no Kawas ko cikiw?

Ci Yihofa ‘misangaˈ Cingra to cikiw, cowa ko mamalahorac. Patanektekan Ningra ko cikiw, toha kaitiraan no tamdaw.’ (Isaya 45:18) Misangaˈan no Kawas ko cikiw toha saka sinowayaw no tamdaw, midaˈoc a hakamaroˈan. (ˈOsien ko Isaya 40:28; 42:5.) Sowal no kakakusiya, o cikiw tada mikiriwiˈay, edengan ngaˈayay kaˈoripan no tamdaw sanay.

3. O tamdaw hano cowa ka lecad to ˈaˈadopen?

Maharek ci Yihofa misangaˈ to cikiw i, misangaˈayho to kahirahira a pinaˈorip. Salakatan Ningra misangaˈ ko pinaloma ato ˈaˈadopen. Dotoc i, ‘palecadan no Kawas i Cingraanan a misangaˈ ko tamdaw.’ (ˈOsien ko Satapangan 1:​27.) Mikiriwiˈay kita o tamdaw, hano haenen ko sowal hani? Palecadan no Kawas kita i Cingraanan a misangaˈ. Mansa, ngaˈay kita patalahkal to capeling no Kawas, tinakoen o olah ato masadafdafay. Pafeliayho ko Kawas kitaanan to inaneng a minanam to sasowalen, rahekeren a mitengil to radiw, mahemek to makapahay i nokaˈorip. Iraayho ko kasasiromaan no tamdaw ato ˈaˈadopen, mafanaˈay kita midoko to misangaˈay a Tatapangan, mala widang Ningra.

CALEPEN MIKADKAD

Dotoc mamananam iso: Iraay ko manan mamisawacay to misongilaˈan a misafaco ko ˈorip? Pakayni i nipisangaˈ o maˈoningay i Fangcalay Cudad, matatodongay han? Pakayni to Kawasan, iraay ko makapahay capeling no tamdaw mikitini tonini mananamay ita ko manan hani?

4. Misongilaˈan a misafaco ko ˈorip

Mikitiniay serayan ko tamdaw milifok to sapatemer, misafaco to adihayay tadamaanay a dafong, tada kasemeranto. Nao cima ko salakatay misangaˈ to serayan hani? Coko Cingra ko citodongay a papakahemeken han? Nengnengen ko IKA, ikor lengoen ko ilaenoay a salicay:

IKA: Soˈlinay Ira ko Kawas Han? (2:43)

• Mitodongan no tamdaw ko dafong no serayan a misafaco to manan?

O lomaˈ i, o tamdaw ko misafacoay ato misangaˈay, o dafong no serayan i, o cima ko misafacoay ato misangaˈay hani? ˈOsien ko Hipray 3:​4, ikor lengoen ko ilaenoay a salicay:

• O manan ko kaolahan iso to masafacoay i serayan?

• Maa:maan no dohaw o misongilaˈan a misafaco, matatodongay konini a sowal sanay kiso han? Misamaanay?

Mafanaˈay kiso han?

Tayra i jw.org wangcan, itini “Iraay ko Misangaˈay Han?” ato “O Pinengneng Ako to Pipowaran no ˈOrip” mikilim to lalakaw ato ika.

‘Kahacecay a lomaˈ iraay ko tamdaw a misangaˈ, kawra o Kawas ko misangaˈay to polong a maamaan’

5. Pakayni i nipisangaˈ, maˈoningay i Fangcalay Cudad o matatodongay

IKA: O Maa:maan no Dohaw Samanay ko Kaira?​—JW TILIFI (3:51)

• Somowalay ko Fangcalay Cudad, o cikiw ato pinaˈorip itiniay ilalomaˈ no 6 romiˈad a masangaˈ han?

• Pakayni i nipisangaˈ maˈoningay i Fangcalay Cudad o matatodongay han? Misamaanay?

ˈOsien ko Satapangan 1:​1, ikor lengoen ko ilaenoay a salicay:

• Sowal no kakakusiya, iraay ko pisatapangan no dohaw sanay, mahahecaday toya miˈosian isawni a sinael han?

Harateng no roma tamdaw: Tano nisowalan no sinkalon a misangaˈ ko Kawas to masakenakenaay a pinaˈorip sanay, hatiraay han? ˈOsien ko Satapangan 1:​21, 25, 27, ikor lengoen ko ilaenoay a salicay:

• Icowaay ko midamaan no Fangcalay Cudad a sowal? (1) Salakatan no Kawas misangaˈ ko kantangay a pinaˈorip, oraanto i, palidlid sato malo masakenakenaay a pinaˈorip, tinakoen o futing, micocoay a pinaˈorip ato tamdaw. (2) Tangsolan no Kawas misangaˈ ko masakenakenaay ‘kahirahira no kahahecadan a pinaˈorip.’b

6. Ilalomaˈ no masangaˈay no Kawas a maa:maan, tada mikiriwiˈay ko tamdaw

Cowa ka lecad kita to ˈaˈadopen. ˈOsien ko Satapangan 1:​26, ikor lengoen ko ilaenoay a salicay:

• Palecadan no Kawas kita i Cingraanan a misangaˈ, iraay ko maolahay falocoˈ ato siniˈadaay a falocoˈ. Mikitini tonini, mahapinangay iso o masamaanay a Kawas ci Yihofa hani?

KALIMLAAN

Misangaˈan ni Yihofa ko maa:maan no dohaw.

Lomalen

• Pakayni satapangan no dohaw, samaanay ko sowal no Fangcalay Cudad?

• Salakatan no Kawas misangaˈ ko kantangay a pinaˈorip, oraanto i, tano nisowalan no sinkalon, palidlid sa ira ko pinaˈorip anoca tangsol hananay a misangaˈ ko kahirahira no pinaˈorip han?

• Iraay ko maanan mikiriwiˈay no tamdaw hani?

MALALITINGAY A LALAKAW

Nengnengen ko kasapaan a pisafaco to serayan.

“Patalahkalay to Manan ko Serayan?” (Katalipaˈelal!, Saka 9 Liyad 2006)

Nengnengen ko cecay wama samaanay mitadtad i wawa pakayni i nipisangaˈ a maˈoningay i Fangcalay Cudad.

Ci Yihofa ko Misangaˈay to Kihcod (2:37)

Midamaay ko Fangcalay Cudad to sinkalon han?

“Tano Nisowalan no Sinkalon a Misangaˈ ko Kawas to Masakenakenaay a Pinaˈorip Han?” (Lalakaw no wangcan)

Misangaˈan ko ˈorip anca fahal sanay a ira han? Nengnengen ko malo fakelohay a ˈokak ato mikingkiwan no kakaku midamaay to icowaay a sowal.

Pipowaran no ˈOrip​—Sasimsimen a Lima Salicay (Kihpicay a cudad)