“Padadotocen a Miharateng Konini a Demak”

O manan a demak? O sowal itini i Filipi 4:8 “Ano o sakalatamdamdaw, ano o kakahemekan no falocoˈ to soˈlinay a demak, o fangcalay a demak, o moecelay a demak, o makoracay a demak, o kakaolahan a demak, o tadamaanay a demak i, o papakifalocoˈen namo konini a maemin.” Sanay. Manaokaniw, saheto ono Fangcalay Cudad ko haharatengen no Krisciyang cowa ka saan. Nikawrira, o miharatengan no falocoˈ ita o papahemek ci Yihofaan wangaˈ. Caay ko mamilonay to misetekan a saˈosi to saka madimadiaw Cingranan.—ˈOlic 19:14.

O mamisaˈicel kita miliyas to tatiihay a harateng. Cowa aca ko mamicoay to caay ka lefot a tireng ita, oha mamicoayho ci Satanan, o “kawas nonini a hekal.” (2 Korinto 4:4) Samanen maˈimeray ningra ko pakatilifiay, pakalaciyoay, wangcan, ato cudacudad noni hekal. Ano caka mipiliˈ kita to mamicomod i ponoˈ ita a demak i, mamanahor ko harateng ita, saikorto i, o mamafiyor ko waywayan ita.—Yakop 1:14, 15.

MINENGNENG TO IKA: LIYASEN KO MAMIPALAK TO MADIMADI A DEMAK ATO WAYWAYAN—TATIIHAY HALAMA, IKOR LENGOEN KORA ILAENOAY SALICAY:

• 

  O manan ko minengnengan nora faˈinayan salikaka i soci ningra? Samaanay mafiyor cingra?

• 

  Samaanay mapadama no Kalatiya 6:7, 8 ato ˈOlic 119:37 cingra?