Saka Dademaken ko Sapatinako ato Tinakoan

Milisoˈ kita ato pacekiw to Fangcalay Cudad i, papahapinangen cangra to kalimlaan. Pakaynien to sapatinako mitadtad to kalimlaan, mihaen a misemer to falocoˈ nangra, sakangaˈay nangra a maharateng ko mananamay nangra.

Ano misaday to milisoˈay ato pacekiway i, piliˈen ko masaka limlaan aca a sasowalen. Itini kalo ˈorip mikilim to madoloay a sapatinako a mitadtad to kalimlaan. (Matay 5:14-16; Marko 2:21; Luka 14:7-11) Misaˈosi to hasapatinako i, saharateratengen ko kalomahadan ningra ato pinangan ningra. (Luka 5:2-11; Yohani 4:7-15) Maˈarawto no miso ko kacipinang ningra to cecay kalimlaan i, raraheker kiso.

Nengnengen ko Ika Mitosil Pasifanaˈ to Tamdaw Palipahakay Kitanan—Pacakaten ko Inaneng a Pasifanaˈ—Saka Dademaken ko Sapatinako ato Tinakoan, Ikor Pacaˈofen ko Ilaenoay Salicay:

• 

  O pacekiwan a tamdaw alatek misaaliay to sapadama a cipinang to tatodong no sinael, misamaanay hani?

• 

  Misamaanan ni Iciyang misaka dademak ko sapatinako a mitadtad to sinael i Loma 5:12?

• 

  Ngaˈayay a sapatinako samaanay mifiyor to tamdaw?

• Itini pitosilan i, saka dademaken ita ko ika no likakawa ni Yihofa ato romaroma lalosidan no sapasifanaˈ, misamaanay hani?