MISADAY TO MITOSILAY | TONGALEN KO LIPAHAK A MITOSIL
Cadaen ko Sapadama no Salikaka
Pakaynian ni Yihofa to “polong a makakapotay salikaka” padama kitanan. (1 Pitiro 5:9) Papadama ko salikaka kitanan pakaremo to masiˈayaway i pitosilan a sapalifet. Patinakoen, ci Akuila, Priskira, Sira, aci Timoti, ato romaroma tamdaw padamaay ci Pawloan.—Dmak 18:1-5.
Itini pitosilan sasamaan ko salikaka padama tisowanan? Ano malifa iso ko cowa ka ngaˈay a cilomaˈay, itini pilisoˈan, patireng to pacekiway, ngangaˈay cangra pafeli tisowanan to ciepocay a sapaini. Haratengen cima ko ngangaˈay padama tisowanan, licayen cingra. Mihaen kiso i, caciepoc kamo tatosa, matongal ko lipahak namo.—Filipi 1:25.
MINENGNENG TO IKA MITOSIL PASIFANAˈ TO TAMDAW PALIPAHAKAY KITAANAN—SAKA DADEMAKEN KO MIKITINIAY CI YIHOFAAN A SAPADAMA—SALIKAKA, IKOR PACAˈOFEN KO ILAENOAY SALICAY:
Samaanan ni Iciyang pakalalok ci Tanna mirienang to saˈopo?
Misamaanay hano tahidangen ko roma salikaka mirienang to kalalengo no mita?
O naˈicelan no polong a kasakopang pala Krisciyang to cecay a tamdaw
Ci Tanna aci Panay, iraay ko manan kahecadan a kaolahan nangra?
Salikaka papaladaˈ tisowanan to masamaanay a fenek a mitosil?