O Polong a Sapalifet Iraay ko Pihererekan a Romiˈad

Ano tahalifa kita to sapalifet i, kahnayay a matoled, mangalef ano awaay ko tolas no sapalifet. Mafanaˈay ci Tafiti, oya sapalifet ni Sawlo wa ira ko hererekan a romiˈad, mahaen cingra to mikiˈokan ni Yihofa, wa mala faelohay hongti no Israil. (1 Samuil 16:13) Mihaenay haw i, wa ngaˈay cingra mihadidi a mitala ci Yihofaan.

Ano tahasiˈayaw to sapalifet i, alatek tano inaneng no niyah a sifanaˈ, ato niharatengan a misaysay. (2 Samuil 21:12-14; Taneng 1:4) Soˈlin misaˈicel kita a mitoor to safalod no Fangcalay Cudad a midemak, kawra kamayan padadotoc ko pasangar. Mihaenay haw i, hadidien ita a mitala ci Yihofa ngaˈ. Wa kalikito ci Yihofa mihaemin a misaysay to kihcod a pasangar, ‘sisiten Ningra ko kahacecay teraˈ a losaˈ ita.’ (Paˈarawan 21:4) Ano ci Yihofato ko padamaay, anca o roma hapakayraan a misaysay, pakasoˈlinen ita: O polong a sapalifet iraay ko pihererekan a romiˈad. Mafanaˈ tonini, mahinomay ko harateng ita.

NENGNENGEN KO IKA ITINI I MAFODIFODAY A HEKAL, MAKAKEDEC A MALACECAY, IKOR PACAˈOFEN KO ILAENOAY A SALICAY:

• Itini katimol no Padaka a salikaka, na misiˈayaway to masamaanay a sapalifet?

• Samaanay cangra paihkal to mihadidiay ato ciolahay a falocoˈ?

• Sapisamacayaw a midemak to masaka limlaan i, samaanan nangra ko demak?—Filipi 1:10