To Romiˈamiˈad Padadotoc a Miˈosi to Fangcalay Cudad a Ngaˈayay Nanaman

Tada ˈifowaay ko kaˈorip nohatini, to romiˈamiˈad miˈosi to Fangcalay Cudad pasangaray nanay kiso han? (Yosuwa 1:8) Ano mahaenay i, tanamen ko ilaenoay sapaini.

• Misakadademak to soci a sapatalipaˈelal. Ngaˈayay saˈosien iso ko toki itini i soci a patalipaˈelal to niyah miˈosi to Fangcalay Cudad.

• Telien ko Fangcalay Cudad i madoloay maˈaraw a kitiraan. Ano o miinsacan ko miˈosian a Fangcalay Cudad i, ngaˈayay telien ko Fangcalay Cudad i madoloay maˈaraw iso a kitiraan.—Limoˈot 11:18.

• Tengilen ko milokoingan a Fangcalay Cudad. Ano dademak iso i lomaˈ i, ngaˈayay mitengil to milokoingan. O lafii ko sakatayal ni Tara, o misakafahay ato wina cingra. Sanay cingra: “Dademak kako i lomaˈ i, mitengilay to milokoingan a Fangcalay Cudad, ngaˈayayto to romiˈamiˈad padadotoc a miˈosi to Fangcalay Cudad a ngaˈayay nanaman.”

• Ka padadotoc a miˈosi. Ano fahal sa ko demak miafad to piˈosi iso to Fangcalay Cudad a nanaman i, ngaˈayay i ˈayaw no kafotiˈ iso miˈosi to pina a sinael. Soˈlin miming ko maˈosiay iso, wa ciepoc tisowanan.—1 Pitiro 2:2.