O KAˈORIP NO KRISCIYAN

O Mararamoday Tamdaw Samaanen Patanektek to Kararamod Nangra

Ci Apraham aci Sara o ngaˈayay taˈarawan no mararamoday, makakaolahay ato makakangodoay cangra. (Satapangan 12:11-13; 1 Pitiro 3:6) Manaokaniw, cowa ko malefotay ko kararamod nangra, oha mamihadidi to pasangar nokaˈorip. O mararamoday tamdaw sasamaan pakayni pisinanot to taˈarawan na Apraham aci Sara a minanam hani?

Mararid a caciyaw tatosa. Ano caay ka ngaˈay ko sowal ningra to nika toled no falocoˈ i, rihadayen ko sowal a pacako. (Satapangan 16:5, 6) Palaken ko toki a malacafay. Itini i sasowalan, i waywayan a patahkal to olah iso. O roma i, pakaynien i picekiw, pitolon ato pakalomaˈay a pidoko papikapoten ci Yihofa i raramod namo. (Patnakay 4:12) O tanektekay a noka raramod paˈdilay ci Yihofaan, oya Pipowaran noni fangcalay limasmas a Kawas.

Minengneng to ika: Makedecayto ko Kalalaˈed no Raramod Niyam!, ikor pacaˈofen kora ilaenoay salicay:

Itira tora ika, iraay ko manan a tahapinangan na Siyo aci Kiku to satapangay a malaraay cangra?
Fowahen ko falocoˈ a masasowal, o masaka limlaan itini noka raramod?
O taˈarawan ni Apraham aci Sara samaanay padama ci Siyonan aci Kikuan?
Misamaanay to demak ci Siyo aci Kiku a patanektek to kararamod nangra?
O faˈinay ato fafahi hano cowa ko mamitokel to malefotay no kararamod nangra?

Coka: Naitiniay “Makedecayto ko Kalalaˈed no Raramod Niyam!” Siyon aci Kiara patanektekay ko kararamod nangra. 1. Malacinoway maroˈ cangra i ˈanengan. 2. Matatatiway ko kamay nangra. 3. Mahemekay cangra a mitosil — Ngangaˈay kiso patanektek to raramod iso!