Pinengnengan to Lalakaw no Mitosilay ato Nikaˈorip Rayray no Saˈopo
© 2023 Watch Tower Bible and Tract Society of Pennsylvania
SAKA 3 FOLAD 4-10 ROMIˈAD
O ODOˈ KO KIMAD NO KAWAS | ˈOLIC 16-17
“O Pipowaran no Raheker Ita ci Yihofa”
Kapah Tamdaw, Wa Ngaˈay Raheker ko Kaˈorip Iso
MICAWMAˈ TO CIEPOCAY A WIDANG
11 ˈOsien ko ˈOlic 16:3. Mafanaˈay ci Tafiti to samaanen mikilim to soˈlinay a widang, ‘mahemekay’ cingra malacafay toya maolahay ci Yihofaan a tamdaw, macacawmaˈ to mahaenay a widang tada mahemekayto ci Tafiti. “O soˈlinay a finawlan no Tapang” sanay ci Tafiti cangraanan, samanen o moecelay ko waywayan nangra. Pakayni mipiliˈ to widang, o roma mitiliday to ˈOlic a tamdaw, mahecaday to harateng ni Tafiti, sowal ningra: “O mangodoay Tisowanan, o midoedoay to rikec Iso a tamdaw i, o widang ako cangra a maemin.” (ˈOlic 119:63) ˈAyaway a lalakaw milengoay to ngaˈay kiso nai mikangodoay ato midoedoay ci Yihofaan a tamdaw a mikilim to sangaˈayay a widang, o hatiniay a widang mahawpay ko cowa ka hecad ko mihecaan a tamdaw.
w14-CH 2/15 29 fiedac 4 fatac
“Mitapal to Kahemekan a Sidaˈit ni Yihofa”
“Sowal ni Tafiti: ‘Ci Yihofa o malayapay no mako a hafay Cingra, o fanohongay a epah i takid no mako. Midimokosan Iso ko hafay no mako. Mifakeciwan Iso a mipafeli kako, o makapahay a sera.’ (ˈOlic 16:5, 6) Ora ‘malayapay a hafay’ ni Tafiti, mitoroˈan i, o ngaˈayay noka lalaed ningra aci Yihofa, marikoan nanay mihodop to Kawas. Matira ci Tafitian, soˈlinto mamihadidi kita to pasangaray, kawra malifokay ko adihayay a sapalemed! Nanay padadotoc kita maolah a misalimla to soˈlinay pidoko, mararid mitapal to noˈadingoan a sefi ni Yihofa.
w08-CH 2/15 3 fiedac 2-3 fatac
Micerid Minengneng ci Yihofaan Hato Itiniay i ˈAˈayaw
2 Ci Apraham, Sara, Mosi. Rucu, Tafiti, Istir, tarokos ci Pawlo sahtoay o kafanaˈan ita a tamdaw i Fangcalay Cudad, o ngangaˈay kita mikitini i nalifetan nangra minanam to adihayay a demak. O romaroma a tamdaw no Fangcalay Cudad cowa ko tada kafanaˈan, kawra, ano nengnengen ko nalifetan nangra i, adihayay ko haepoc ita. Soˈlinay haw i, ano dotimen ita ko maˈoningay i Fangcalay Cudad a demak, o mamatira to mitiliday to ˈOlic a tamdaw, saan ko sowal: ‘Marariday kako minengneng ci Yihofaan hato itiniay i ˈaˈayaw. Samanen itiniay i kawanan ako Cingra, cowa ko mamangiyangi kako.’ (ˈOlic 16:8) O manan ko tatodong nonini a sowal hani?
3 O sofitay tohati:niay mitatiway to fonos ko kawanan a kamay, mitatiway to sapatad ko kawili kamay, mansa cowa ka mapatada ko laenoay no kawanan a tireng. Kawra, ano ira ko cafay a sofitay i kawanan i, mamadipotto cingra. Ano mararid kita miharateng ci Yihofaan, mararid a midofdof to araaw Ningra i, o mamadipot Ningra kita. Mihaenay nengnengen ita, midotim to nalifetan no tamdaw i Fangcalay Cudad i, o papaˈicel to pasoˈlinay falocoˈ ita, hongaˈ ‘mararid a minengneng ci Yihofaan hato itiniay i ˈaˈayaw.’
Odoˈ no Sinael
it-2-CH 414-415 fiedac
ˈAmamosa
Ono Hipray sowal i·shohnʹ (Limoˈot 32:10: Taneng 7:2) ato ʽaʹyin (ayin, o mata ko mitoroˈan), onini tosa tilid ano pakakadepen i, ‘o mimingay tamdaw ilalomaˈ no mata’ sanay; malecaday, Radiw no mararomay 2:18 ano sakadademaken ko bath (pat, o wawa ko mitoroˈan), paihekalay “o wawa no mata” sanay. Onini tosa a tilid o ˈamamosa kora sanay. ˈOlic 17:8 pakakadepan konini tosa tilid (ʼi·shohnʹ bath-ʽaʹyin) mipaˈicelay to sowal, tatodong i, “mimingay wawa no mata” o sanay. Saka pihaen ko sowal samanen madingoˈay ko mimingay tamdaw i ˈamamosa.
O mata hananay cowa ko sakatatefingen; ano macocaˈ no mimingay fanoh anoca ˈalafoh i, tangsolay taˈeneken ko mata. Iraay ko kihepicay dafong mitahepo to ˈamamosa, misongilaˈay a midipot to mata, samanen ano madokaˈ hokira anoca ciadada a mangotaˈto ko mata, mamapalak ko pinengneng no mata, latek mapohawto. Mihaenay ko Fangcalay Cudad somowal o tamdaw ano midofdof to sarikec no Kawas, malecaday o misongilaˈay a midipot to “ˈamamosa no mata”. (Taneng 7:2) Limoˈot 32:10 sanay ko sowal, o Kawas matiraay o wama a midimokos to Israil tamdaw, misimaw cangranan matira o pisimaw to “ˈamamosa no mata.” Mingitangitay ci Tafiti to Kawas a midipot cingranan, matira o pidipot to “ˈamamosa no mata.” (ˈOlic 17:8) Halamhamay ci Tafiti ano maˈodis no ˈada cingra i, tangsol ci Yihofa a paˈading cingranan.
SAKA 3 FOLAD 11-17 ROMIˈAD
O ODOˈ KO KIMAD NO KAWAS | ˈOLIC 18
“Ci Yihofa . . . o Milidongayto ˈOrip Ako a Tatapangan”
w09-CH 5/1 14 fiedac 4-5 fatac
O Hemek ci Yihofaan o Pisitaraan no Mako
O Fangcalay Cudad tano cowa ko maˈoripay dafong a patatinako ci Yihofaan, tinakoen Cingra i, “o ˈongcoy no Israil” ato “pisitaraan” sanay. (2 Samuil 23:3; ˈOlic 18:2; Limoˈot 32:4) O manan ko kalalecadan nonini sapatinako hani? Matira o tanektekay taˈangayay fakeloh cowa ka ngiyangi, mahaenay ci Yihofa tada o ngangaˈay a tiˈeren, o sakarihaday ato sadipot ita Cingra.
5 Itini i ˈOlic no Fangcalay Cudad adihayay ko sapatinako ci Yihofaan, onini a sapatinako papadama kitanan mafanaˈ to maamaan a capeling ni Yihofa. Tinakoen, ‘Olic 84:11 ci Yihofa ‘o cidal, o sapatadaˈ sanay, samanen o likat Cingra, o ˈorip, o ˈicel ato sakadipot ita. O roma i, o mamidipot ci Yihofa to midokoay Cingranan a tamdaw, madipot i kalaeno no “kamay” ato “sapikpik” Ningra, ho eca ka madokaˈ no sano namalay a pades.—Isaya 51:16; ˈOlic 17:8; 36:7.
it-2-CH 174 fiedac 5 fatac
Ngihaˈ
Matengilay no Kawas ko ngihaˈ no sikawdan Ningra. Tano falocoˈan ato soˈlinay kimad a midoko to Kawas a tamdaw papakasoˈlinen, ano o maananto a saowalan a mitolon, matengilayto mafanaˈayto mitengil ko Kawas. Soˈlinto i falocoˈay caay pangihaˈ a mitolon, oya micalepay to falocoˈ a Kawas “mamatengil” Ningra, mamidohingaˈ a mitengil Cingra. (‘Olic 66:19; 86:6; 116:1; 1 Samauil 1:13; Nihimiya 2:4) Pakatengilay ko Kawas to pingitangit no mapadesay tamdaw a milidong cangranan, hanaca pakatengilay to ngihaˈ no misafelitay ato mikariˈangay to madimadiay sikawdan Ningra a tamdaw, mafanaˈ to i falocoˈay a tatiihay a harateng nangra.—Satapangan 21:17; ˈOlic 55:18, 19; 69:33; 94:9-11; Yirimiya 23:25.
Samaan Malaˈosi a Miremo to Cariraw
2. Tikolen a miharateng. Haratengen ko nalifetan iso i salakat, iraay ko manan a sapalifet to pakayniay kiso i pitadiˈec to sapadama ni Yihofa ngaˈ malaˈosiay a miremo hokira? Tikolen a miharateng to samaanay ci Yihofa padama kitaanan ato roma madimadiay sikawdan Ningra, o mamilifokto kita to ˈicel, matongal ko pakasoˈlin Cingranan. (ˈOlic 18:17-19) O malohemay malitengay ci Ciyawsoya, saan ko sowal ningra: “Iraay ko cecay rayray ako, mitilidan ko pacaˈofan ni Yihofa a satolon ako, padamaay konini takowanan miharateng to na micangacangan ako ci Yihofaan a demak, ato samaanay Cingra mitoor to saali ako pacaˈof takowanan.” Songilaˈen ita a miharateng samaanay ci Yihofa isaˈayaw midama kitaanan, o tatalifakto, o ngangaˈayto padadotoc miremo to cariraw.
Odoˈ no Sinael
it-1-CH 659 fiedac 1 fatac
Kirupim a Coyoh
O faco no kirupim a coyoh makedecay malaliting to nika ira ni Yihofa. Na pasowalan no Kawas ci Mosi: ‘O aitira Kako i tisowanana patalahekal, nai satahaf no Lipa, itira fafekang no satahaf no Lipa kalalaed no tosa kirupim, pasowalen Ako ko kihecod a sowal i tisowanan.’ (Kasadakan 25:22; Saˈosi 7:89) Sowal sa ko Fangcalay Cudad, ci Yihofa ‘maroˈay i fafekang [anoca kalalaˈed] no faco no kirupim coyoh,’ sanay. (1 Samuil 4:4; 2 Samuil 6:2; 2 Hongti 19:15; 1 Rayray 13:6; ˈOlic 80:1; 99:1; Isaya 37:16) O faco no kirupim coyoh mitaypiyaway to midakawan ni Yihofa a “sapilood a paliding.” (1 Rayray 28:18) Macelak ko sapikpik mitaypiyaway to midipotay a milaoc, o roma mitaypiyaway to kalikiay ko demak. Mankora, itini i ˈolic somowalay ci Tafiti to nika kaliki ni Yihofa a mipadang cingranan, mahecaday “midakaway Cingra to kirupim a maefer, pakaynian Ningra i sapikpik no fali ko saka kaliki a maefer.”—2 Samuil 22:11; ˈOlic 18:10.
SAKA 3 FOLAD 18-24 ROMIˈAD
O ODOˈ KO KIMAD NO KAWAS | ˈOLIC 19-21
“Pasowal ko Kakarakarayan to Nika Tadamaan no Kawas”
w04-CH 1/1 8 fiedac 1-2 fatac
Nanay Milasil ko Tamdamdaw to ˈOdingar ni Yihofa
Wawa ni Yisay ci Tafiti. Nano kaemanganho itiniay i palapalaan no Piclihim pakaen to siri no wama ci Tafiti. To dadaya itini rengorengosan awaay ko adeses, cecay ci Tafiti a misimaw to siri i, maedeng micaˈaay to kakarayan minengneng to caay ka saˈosi a foˈifoˈis. Ikor, tiya mapatemer no fangcalay saocor no Kawas ci Tafiti mitilid to saka 19 fedengan no ˈOlic i, maedeng masadakay i ponoˈ ningra koya kasemeran a foˈifoˈis no kakarayan, saka matilid ningra ko maka:pahay a ˈolic: ‘Takaraway a kakarayan milasilay to ˈodingar no Kawas, dohaw somowalay to nano demak no kamay Ningra. Ngihaˈ no takaraway a kakarayan miedefay i polong no sera, lihaf no dohaw matenakay i lihoc no sera.’—ˈOlic 19:1, 4.
2 O nisangaˈan ni Yihofa a kakarayan tada kasemeran no tamdaw, soˈlin caay ka caciyaw, caay ka pangihaˈ, kawra to romiˈamiˈad, to dadayadaya milasilay to ˈodingar no Kawas. O nisangaˈan a maamaan padadotocay a milasil to ˈodingar no Kawas, cowa ka tomerep. Haratengen hena, onini cowa ka caciyaw a masangaˈay a maamaan pasayniay i ‘polong no sera’ a misawacay to Kawasan, hato mimingayto saan ko tamdaw a miharateng to niyahan. ˈArawhan onini aca caay ka caciyaw a masangaˈay misawacay cowa ka edeng. Pakalalokay ko Fangcalay Cudad to madimadiay a sikawdan mifohat to ngoyos a pasowal, misawacay saki Kawas. O cecay cowa ko kafanaˈan ko ngangan a mitiliday to ˈOlic pasowalay to midokoay to Kawas a tamdaw: ‘Panokayen i Kawas ko ˈodingar ato ˈicel, o ˈodingar no ngangan ni Yihofa panokayen i Cingranan.’ (ˈOlic 96:7, 8) O miingiday to Kawas a tamdaw ifowaay tonini satahidang. Kawra, panokayen ko ˈodingar i Kawas sa i, milingatay to maanan hani?
w04-CH 6/1 11 fiedac 8-10 fatac
Milasilay to ˈOdingar no Kawas ko Nisangaˈan a Maamaan!
8 Dotoc somowalayho ci Tafiti to roma a fangcalay demak ni Yihofa: ‘Sangaˈen no Kawas ko taloˈan no cidal i dohaw no kakarayan. Matiya o faelohay a faˈinay ko cidal, nai kafotiˈan a masadak, matiya o cicediay a tamdaw, comikay i lalan, nanitira i fatiˈiyan no kakarayan, mitaliyok tayra i roma fatiˈiyan no kakarayan, awaay ko papakaliyas to nika tarang nira.’—ˈOlic 19:4-6.
9 Ano palalinien to caay tatemik a foˈis, o cidal o satenokay ko kataˈangay nira. Kawra, ano palalinien to tatemikay a foˈis isafaay ko kamiming to cidal. O sowal no piˈarawan a cudad, o kareteng no cidal maedeng 2x1027 ton sanay. O misolotay ˈicel no cidal tada matatodongay, toha sakangaˈay no cikiw maliyas ko cidal to 1 walwalan 5000 ˈofad a konli, caayto ka mararaay a maraay, caayto ka mangangata a mangata. O masadakay nai cidal a faedet, matatodongay to sakaˈorip no maamaan i cikiw.
10 O mitiliday to ˈOlic a tamdaw tano tamdamwan a mipatatinako, o ‘macediay tamdaw’ saan patinako to cidal, to romiˈad naitini i cecay fatiˈiyan no sera comikay tayra i roma fatiˈiyan no sera, to dadaya i, pahanhanay i ‘pakopangan’. Ano kitinien to iseraay a tamdaw a minengneng, micolemto ko cidal i, malecaday micomoday i ‘pakopangan’ a pahanhan. Tocila a papacem, mitelocay a masadak nai fatiˈiyan no sera, patedil to sera, ‘matira o faelohay a faˈinay, nai lomaˈ a masadak.’ Ci Tafiti nao mipakaenay to siri a tamdaw, matinakoay ko kasienaw to dadaya. (Satapangan 31:40) Masadakto ko cidal i, dihkoayto ko tireng ningra ato palapala. Mahapinangay itini, o cedal soˈlin ‘naitini i kawali comikay tayra i kaetip’ cowa ka malotayen. Masafafelitay, mahecaday ‘o cicediay a tamdaw’ a miliyaw a comikay mitaliyok to kakarayan
g95-CH 11/8 7 fiedac 3 fatac
Tadamaanay a Misangaˈay Cowa ka Sikoren Anini
Macakat macakat ko nika rihaked ita to nisangaˈan i serayan, matongalayto ko kafanaˈ ita to Nisangaˈay a Tatapangan. Maˈaraway icowacowa ko nisangaˈan Ningra maamaan. Kinacecayay, papisinanotan ni Yis ko nisawawaan a minengneng to hana i palapalaan. Sowal sa cingra: ‘Pasayra i hana no palapalaan a minanam, nengnengen to samaanay a lomahad cira; caay ka roray a matayal, caay pisangaˈ to rikoˈ; ˈarawhan i, pasowalen ako kamo, o nika tadamaanho ni Solomon, o rikoˈ ningra cowaho pakalecad tonini a cecay a hana.’ (Matay 6:28, 29) Patalipaˈelalay kitanan konini mimingay a hana no pala, cowa ka ecaka pikihar ko Kawas to saali no mita.
Odoˈ no Sinael
it-2-CH 499 fiedac
Hipray Sowal
Masaroyaroyay. O saka tosa rayaray a sowal, o miliyaway a somowal to tatodong no saka cecay rayaray a sowal, mitongal to faelohay a harateng, misakakahad to tatodong nira. ˈOlic 19:7-9 o cecay tinakoan:
Sarikec ni Yihofa malefotay,
O sakafaeloh no ˈorip no tamdaw;
Sapatalipaˈelal ni Yihofa ngaˈayay tiˈeren,
Sakacitaneng no awaay ko nalifetan a tamdaw;
O limoˈot ni Yihofa moecelay,
Palipahakay to falocoˈ no tamdaw;
O rikec ni Yihofa makoracay,
Patadengalay to mata no tamdaw,
O mikangodoay ci Yihofaan makoracay ko falocoˈ,
Tatahadaˈoc a materek,
O soˈlinay ko sarikec ni Yihofa;
Masongilaˈay a moecel.
Hapinangen ko saka tosa rayaray a sowal, misongilaˈay a somowal to tatodong nora saka cecay rayaray a sowal. O masaroyaroyay hananay konini. O miˈosiay tamdaw padotocen a miˈosi ko saka tosa rayaray ngaˈ masaheci ko kacipinang a miˈosi, tinakoen ‘o sakafaeloh no ˈorip no tamdaw’ ato ‘sakacitaneng no awaay ko nalifetan a tamdaw’, sanay a mitongoday a sowal, cipinangayto kita tada malefotay ko rikec no Kawas, cipinangayto o sapatalipaˈelal ni Yihofa tada ngaˈayay a tiˈeren. Mihaenay haw i, o hatiniay pakayraan a mitilid o masaroyaroyay hananay.
SAKA 3 FOLAD 25-31 ROMIˈAD
O ODOˈ KO KIMAD NO KAWAS | ˈOLIC 22
Pairasolay ko Fangcalay Cudad Mapatay ci Yis i, o Manan ko Mamifekad a Demak
w11-CH 8/15 15 fiedac 16 fatac
Mahelaayto Nangra ci Misiya
16 Ci Misiya hato mifalahan no Kawas. (ˈOsien ko ˈOlic 22:1.) Matira o sapairasol no Fangcalay Cudad, “ta tolo ko toki to herek no lahok i, satataˈang sa ci Yis to ngihaˈ a miceliˈ, iloi, iloi, loma sapaktani?” Saan. O tatodong nonini i: “Kawas ako Kawas ako, nawiro falahen Iso kako a miliyas saw?” Sanay. (Marko 15:34) Malahdawayto ko nika pakasoˈlin ni Yis cowa ka saan. Misawadan no Kawas ko pidipot ci Kristoan, hongaˈ masaheci ko ˈada to pipalifet to madimadi ningra. Itini pinengneng no tao hato mifalahan ci Yis. Ora pilekal ni Yis matatodongay to sapairasol no ˈOlic 22:1.
w11 8/15 15 fiedac 13 fatac
Mahelaayto Nangra ci Misiya
13 Pairasolay ci Tafiti to mamalokes no tamdaw ci Misiya. (ˈOsien ko ˈOlic 22:7, 8.) Tiya mapasemsem ci Yis i hecek i, milokesan no tamdaw cingra. Sanay ko sowal ni Matay: “Ingaˈing sa to fongoh ko mitaˈlifay tamdaw a milikaf i ci Yisan a somowal, “kiso oya pelengen ako ko sefi, ta patirengen konini to tolo a romiˈad, sanay a tamdaw, ano o Wawa no Kawas kiso, dadada, kaepod nai pisemseman a hecek!” Mahaenay ko ˈalomanay sakakaay saysi ato pasifanaˈay to Rikec ato tatoˈasan a mitongangan cingranan, sowal sa: “Pakapaˈorip cingra to tao i, caay pakaˈorip to tireng! Ano o hongti no Israil cingra i, mamaan maepod cingra imatini nai pisemseman a hecek, ta pasoˈlin kita i cingraan. O mitiˈeray cingra to Kawas. O wawa no Kawas kako saan cingra, Ano maolahay ko Kawas i cingranan i, mamaan paˈoripen Ningra cingra imatini. Kawra matomesay to tariˈang ci Yis a misemsem tonini kihecod, soˈlinay o ngaˈayay a taˈarawan no mita!
w11-CH 8/15 15 fiedac 14 fatac
Mahelaayto Nangra ci Misiya!
14 Iraay ko miritosay to rikoˈ ni Misiya. Sanay mitilid ko ˈOlic: “Sakilacen nangra ko kafafang ako, ritosen nangra ko lalomaˈay rikoˈ ako.” (ˈOlic 22:18) Soˈlinay hatira kora demak. O sofitay no Loma “tatingen ci Yis i hecek ikor, miritosay a misakilac to kafafang a rikoˈ ningra.”—Matay 27:35; ˈOsien ko Yohani 19:23, 24.
Odoˈ no Sinael
w06-CH 11/1 29 fiedac 7 fatac
Sakaretegen ko Saˈopo no Krisciyang
7 Adihayay ko hapakayraan ita, patalahekal to pisakareteng to saˈopo no Krisciyang. O cecay a hapakayraan i, ano romadiw ko kasakopang to Hongti Kitakit radiw i, mikihatiya kita a romadiw. O adihayay a radiw no Hongti Kitakit sano mitolonay a pakayraan a tiliden, mankora o tatienecen i ta ko mangodoay falocoˈ a romadiw. Sakadademakan ni Pawlo ko ˈOlic saka 22 fedengan a sowal, somowal to nafalocoˈan ni Yis: ‘Lalasilen ako i salikaka ako ko ngangan no Miso, itini kako i kasakopang a pahemek Tisowanan.’ (Hipray 2:12) Mihaenay haw i, ˈayaw no milasil ko tatiyakan to raradiwen i, maroˈto i kamaroˈan, hanaca ano romadiwto i, sinanoten ko tatodong nora radiw. Sanay ko cecay mitiliday to ˈOlic a somowal: “Sarocoden ako ko falocoˈ a pahemek ci Yihofa. Itini i kacacawmaˈ to moecelay tamdaw, itini i kasaˈopoan pahemeken ako Cingra.’ (ˈOlic 111:1) Nanay kita tawmecen ko hatiniay a falocoˈ a romadiw. Hatiraayto, toha sapahemekaw a romadiw ci Yihofaan, iraay ko lalangian ita kahenay tangasa i kasaˈopoan, mahererekto ko saˈopo ngaˈ miliyas.
w03-CH 9/1 20 fiedac 1 fatac
Itini i Saˈopo Pahemek ci Yihofaan
Anini, kahacecay a Krisciyang malecaday to itiyaayho, iraay ko toki “itini i lalomaˈ no kasakopang” patalahekal to nika pakasoˈlin no niyah. Mameten ita konini toki, itini i saˈopo pasadak to sowal, pacaˈof to salicay no misikayay tamdaw. Aka misakahemaw to ˈicel no sapacaˈof. Tinakoen, ngangaˈay kita itini i pipacaˈof misadak to sapaini, ka piremo iso anoca miliyas to pasangar no ka ˈorip, padama to salikaka misetek to falocoˈ sapidoedoaw to safalod no Fangcalay Cudad a maˈorip. O romasa i, ngaˈayay pacaˈof kita to cowa ka masadak a sinael, ato milingatay to fatac a romaroma lalakaw, pakalalok to tao misalof to picekiw no niyah.
SAKA 4 FOLAD 1-7 ROMIˈAD
O ODOˈ KO KIMAD NO KAWAS | ˈOLIC 23-25
‘O Pakaenay ci Yihofa Takowanan’
w11-CH 5/1 31 fiedac 3 fatac
‘O Pakaenay ci Yihofa Takowanan’
Ci Yihofa mikayatay to siri Ningra. O siri ano awa ko mikayatay masiwalaay i lalan. Malecaday, misaaliay kita to sakayat no Kawas, mikilim to matatodongay a lalan nokaˈorip. (Yirimiya 10:23) Sowal ni Tafiti, mikayatan ni Yihofa ko finawlan Ningra tayra i ‘rengorengosan’ ato ‘matomesay ko nanaom a kitiraan a pahanhan’. Kayatan Ningra kita ‘romakat to moecelay lalan.’ (saka 2, 3 sinael) Onini a ˈolic tada mamipaˈicel to nika pakasoˈlin ita to Kawas. Ano tooren ita ko pakaynian i Fangcalay Cudad a sakayat no Kawas i, o mamarenec ko falocoˈ, rihaday ko falocoˈ.
w11-CH 5/1 31 fiedac 4 fatac
‘O Pakaenay ci Yihofa Takowanan’
Midipotan ni Yihofa ko siri Ningra. O siri ano awa ko mipakaenay tamdaw a midipot i, matalawan nanay. Pasowalan ni Yihofa ko finawlan Ningra, cangra soˈlinto itini i katoledan no kaˈorip, hato ‘romakatay i toemanay a tonoˈ’, caay ko mamatalaw. (Saka 4 sinael) O dadipoten ni Yihofa cangra, pasayra cangranan a milayaˈ to kamay a mipadang. O papafelien Ningra ko midokoay i Cingranan a tamdaw to taneng ato ˈicel, padama cangranan a pakaremo to masakekenaay a sapalifet.—Filipi 4:13; Yakop 1:2-5.
w11-CH 5/1 31 fiedac 5 fatac
‘O Pakaenay ci Yihofa Takowanan’
Mipakaenay ci Yihofa to siri Ningra. O siri misaaliay to mipakaenay tamdaw ngaˈ pakahela to kakaenen. Malecaday kita, misaaliay to sapadama no Kawas, wangaˈ marenec ko noˈadingoan a saali ita. (Matay 5:3) Mangangahay ci Yihofa pafeli to maamaan a saali no sikawdan Ningra, hato mipatalaay to kadofahay a taheka. (Saka 5 sinael) O Fangcalay Cudad ato romaroma mitepangan a sapicekiw a cudad, mahawpay kora ikamayay iso a casi, sahtoay o noˈadingoan a kakaenen. Onini cudad padamaay kitanana mafanaˈ to tatodong nokaˈorip ato o maanan ko araaw no Kawas i kitaanan, mirenec tono ˈadingoan a saali ita.
Odoˈ no Sinael
w11-CH 2/15 24 fiedac 1-3 fatac
Sarocoden ko Falocoˈ Maolah to Moecelay
Ci Yihofa pakaynian i kimad ato saocor Ningra a mikayat ko finawlan Ningra romakat to moecelay lalan. (ˈOlic 23:3) Kawra o cowa ko malefotay tamdaw kita, madoloay talafatiˈian, masiwir ko rakat. Ano masiwir kita, sapipatatikolaw i moeclay lalan i, seteken ko falocoˈ, halo misaˈicel wangaˈ. Mamisamaan kita to hakelong no ˈorip romakat i moecelay lalan hani? Matira ci Yisan, maolah to moecelay, maolah midemak to matatodongay a demak.—ˈOsien ko ˈOlic 45:7.
2 ‘Moecelay lalan’ hananay, o maanan hani? O tamdaw midoedoay to maecelay palinian ni Yihofa a romakat to lalan i nokaˈorip o sanay. O moecelay tamdaw mitooray to palinian no wayawyan. Tona o ‘moecelay ko kitiraan’ ni Yihofa, o midokoay Cingranan a tamdaw o mamakalim a mikilim to sakayat Ningra, mitadiˈec to sakayat Ningra a romakat to moecelay lalan.—Yirimiya 50:7.
3 Mamikiemel a misaˈicel kita mitoor to moecelay palinian no Kawas a dademak. Edengan a mihaen kita wangaˈ mapahemek ita ko Kawas. (Limoˈot 32:4) Tatodong i, mamisaˈicel kita minanam to Fangcalay Cudad, misaˈicel a minanom to pakayniay ci Yihofaan a sifanaˈ. Ano tanogngol ko kafanaˈ ita to Kawas i, mamatongal ko kapiingid Cingranan, mangalef ko kaolah to moecelay Ningra. (Yakop 4:8) O roma i, ano midemak kita to karetengay a asˈosi i, o mamitengil to sakayat no Kimad no Kawas.
SAKA 4 FOLAD 8-14 ROMIˈAD
O ODOˈ KO KIMAD NO KAWAS | ˈOLIC 26-28
Misamaanay ci Tafiti Hano Ngaˈay Midofdof to Palinian ni Yihofa Hani?
w04-CH 12/1 14 fiedac 8-9 fatac
Madimadi ko Kadademak
8 Sanay mitolon ci Tafiti: ‘Yihofaaw, nanay kingsaen Iso kako, lifeten kako, mipalifet to kemod no falocoˈ ako.’ (ˈOlic 26:2) O kemod no falocoˈ hananay i, o saikemoday a harateng no falocoˈ kora, o kemod no falocoˈ patinakoan to soˈlinay a waywayan no tamdaw, mahawpay ko misahalakaan no kemod no falocoˈ, harateng ato inaneng. Cangacangan ni Tafiti ci Yihofa a mikingsa cingranan, tatodong i, mingitangitay to Kawas a misongilaˈ a minengneng to ikemoday a harateng ato falocoˈ ningra.
9 Mingitangitay ci Tafiti ci Yihofaan a mipalifet to kemod no falocoˈ ningra. Sasamaanen ni Yihofa mipalifet ko soˈlinay a kemod a waywayan ita hani? Sowal sa ci Tafiti: ‘Pahemeken ako ci Yihofa, samanen palimoˈotay takowanan Cingra. To lafiiˈ, o kemod no falocoˈ ako mifikelay i takowanan.’ (ˈOlic 16:7) O maanan ko tatodong nonini sowal hani? Tatodong i, mitaeselay i falocoˈ ni Tafiti ko sapalimoˈot no Kawas o sanay, mifikel to kemoday a harateng ningra. Anini, pakaynian no Kawas i kimad Ningra, ifafekangay no sera a taypiyaw Ningra ato likakawa Ningra palimoˈot i kitaanan. Ano sinanoten ita konini sapalimoˈot, miakoˈid a micada, pakifalocoˈen i, o mamafikelto ko kemod no falocoˈ a harateng ita. Rariden a mihaen a mingitangit ko Kawas a mipalifet kitaanan, ho ngaˈayto a madimadi ko kadademak ita.
w04-CH 12/1 15 fiedac 12-13 fatac
Madimadi ko Kadademak
12 Somowalay ci Tafiti to roma lalangian hano ngaˈay cingra tanektek a madimadi, sowa sa: ‘Caay ka pikapot kakao to mariˈangay tamdaw a maroˈ, caay ka picamaˈ to misamangahay a tamdaw. ˈIntehay kako to tatiihay kapot, caay ka kalacafay cangranan a maro’’. (ˈOlic 26:4, 5) Ano ihekalen ko sowal, cowacowa ko cacicafay a maroˈ to mariˈangay tamdaw ci Tafiti. Manaˈayay cingra to tatiihay cawma’. ˈIntehay cingra to tatiihay cawmaˈ.
13 Kita i, samaanay hani? Ano misangwang, minengneng to tilifi, minengneng to ika, anoca pakayni to romaroma pakayraan a micawmaˈ, o nanaˈayen ita ko misamangahay a tamdaw han? Miliyasan ita ko misamangahay a tamdaw han? Misawidang to cafacafay micudad ato kapot a matayal alatek iraay ko roma falocoˈan nanga, ciharatengay kita makedec a micawmaˈ tora caay pidoedo to kimad no Kawas a tamdaw han? O mitowakangay to kimad a tamdaw ciharateng cangra kitanan ano sa ko sowal i, o falocoˈ nangra arawhan sapikayhidaw kitanan a miliyas ci Yihofaan. O Krisciyang a kasakopang samaanay hani? Ano ira ko mihatosaay to kaˈorip a tamdaw, o misamangahay a tamdaw cangra. Ci Cisen o dama a sikawdan, kaemangaho micawmaˈay to mahaenay misamangahay a widang. Pakayni to mahaenay widang sanay ko sowal ningra: “Iraay ko ccay romiˈad, sanay ko cecay nangra a pasowal: “Nohatini o maanan ko demak ita cowa ko masakalimlaan, ano irato ko faelohay hekal i, mamapatay kita maemin, kawra cowa ka fanaˈ kita o maanan ko raraw ita.” Onini a sowal patalipaˈelalay takowanan. Caay ka ciharateng kako ano irato ko faelohay hekal a mapatay.” Tangsolay misetek to falocoˈ ci Cisen miketon a micawmaˈ to matiniay a tamdaw. Parikecay ci Pawlo: ‘Aka maolat. Tatiihay a cawmaˈ mamipalak to ciepocay a nanaman.’ (1 Korinto 15:33) Miliyas to tatiihay cawmaˈ tada o masakalimlaan!
w04-CH 12/1 16 fiedac 17-18 fatac
Madimadi ko Kadademak
17 Nolitengan a Israil, itini i fangcalay kopang iraay ko pipatoˈayaan a cadada, o satenokan no pidokoan ci Yihofaan konini. Ci Tafiti tada maolahay tonini pidokoan a kitiraan. Sanay ko sowal ningra i satolon: ‘Yihofaaw, tohati:niay maolahay kako maroˈ i sefi Iso, maolahay to kaitiraan no ˈedil Iso.’—ˈOlic 26:8.
18 Maolahay kiso mikalacafay tamiyanan, minanam to sapasifanaˈ ni Yihofa han? Anini, o Hongti Kasaˈopoan matenakay icowacowa a pala, kahacecay a kasaˈopoan marariday ira ko noˈadingoan a pasifanaˈay, o satenokan no pidokoan ci Yihofaan kora. O romasa i, to mihecahecaan iraay ko kasapala taykay, kasakilac a taykay ato mikiriwiˈay a taykay. Onini a taykay milengoay to ‘sapatalipaˈelal to hekal tamdaw a sapalimoˈot no Kawas.’ Ano soˈlinay maolah kita to sapatalipaˈelal no Kawas i, ka pirienang to saˈopo, hanaca misongilaˈ a mitengil. (ˈOlic 119:167) Ngaˈay a mikalacafay to misasoˈlinay ciharateng i kitanan a tamdaw a malisopsop, malopakalalok makakakowad, makakapot a romakat to moecelay lalan, tada o kalipahakan a demak!—Hipray 10:24, 25.
Odoˈ no Sinael
w06-CH 7/15 28 fiedac 15 fatac
Milidongay ci Yihofa to Mararomay Tamdaw
15 Mitiliday to ˈOlic a Tafitian sanay a somowal: ‘Ano falafalahen no wama wina kako, alaen ni Yihofa kako.’ (ˈOlic 27:10) O olah ni Yihofa mikikakaay to cimacima a wama winaan i hekal, mafanaˈ toninian tada masayaray ko falocoˈ ita! Soˈlinto caka pisikor ko wama wina, misamsam anoca mifalah tisowanan mararomay ko falocoˈ iso, kawra cowa ka pifiyor konini to olah ni Yihofa i tisowanan. (Loma 8:38, 39) Aka mapawan o Kawas ko misolotay toya maolahay i Cingranan a tamdaw. (Yohani 3:16; 6:44) Ano samaamaanen no tao kiso, tangongolay ko olah no kakarayan Wama i tisowanan!
SAKA 4 FOLAD 15-21ROMIˈAD
O ODOˈ KO KIMAD NO KAWAS | ˈOLIC 29-31
O Sarikec o Olah ni Yihofa
it-1-CH 932 fiedac 13 fatac
Pising
‘Mitahepo to pising’ hananay i, iraay ko masasiromaay a tatodong, ora pakayraan ko pinengnengan. Mitahepoay ci Yihofa to pising sa i, marariday mitoroˈ to caayto ka siniˈada Cingra, caayto pipadang o sanay. Latek o pakayniay i pisafelit no tamdaw anoca kitakit alatek, mahaen o Israil a kitakit. (Yopu 34:29; ˈOlic 30:5-8; Isaya 54:8; 59:2) Nolatekay mitalaay ci Yihofa to misaˈosian a tatokian ngaˈ midemakay anoca pacaˈofay o sanay. (ˈOlic 13:1-3) Sanay pasowal ci Tafiti ci Yihofaan: ‘Nanay tahepoen ko pising Iso caka pinengneng to raraw ako’, o mingitangitay to Kawas a misodod to raraw ningra.—ˈOlic 51:9; roma nengnengen ko ˈOlic 10:11.
w07-CH 3/1 19 fiedac 1 fatac
Ka lipahak a Mitala ci Yihofaan
Mirikec ci Yihofa kitanan, o sakaciepocaw ita, ora demak mahecaday o kalohem no losay. Sowal no Fangcalay Cudad, o sarikec no Kawas pakayni to ‘mapalifetay a tamdaw mamilitod to rihadayay a minaroˈan, oniya moecelay a heci.’ Sanay. (Hipray 12:11) Sapifalicaw to waywayan a mitoor to sapasifanaˈ no Kawas misaaliay to toki, mahaen o losay mitaˈelifay to cecay laliyadan ngaˈ malohemay. Ano pakayniay i ˈamelasay ko waywayan ita a malahdaw ko ˈinorong i kasakopang i, ano makahi a mitala ci Yihofaan, caayto ka matoled a sapisawadaw sato. Itini to matiniay a pakayraan, oya nitilidan ni Tafiti ilaeno no sapatemer no fangcalay sapcor a sowal, tada mikowaday kitanan: ‘Cecay a melet ko keter no Kawas malasawadayto, midaˈocay tahatolas ko sidaˈit Ningra. Soˈliˈlin tahalosaˈ to dadaya, dafak sato i, malipahakto.’ (ˈOlic 30:5) Ano makahi kita a mitala, halo sakadademaken ko sapalimoˈot no Fangcalay Cudad ato likakawa no Kawas i, airato ko ‘kalipahakan’.
O Manan ko Soˈliˈlinay Pasasiyoray?
18 O cecay mafalahay a tamdaw ano sapisawacayaw to soˈliˈlinay pasasiyor ko niyah, o mamicerid mirienang to saˈopo, mitengilho a midofdof to sapalimoˈot no malohemay malitengay micerid mitolon ato micekiw to Fangcalay Cudad, o mamisaˈicel miliyas to mikayhiday cingranan miliyaw mararaw a demak. O cecay tamdaw misaˈicel misalof to kalawidang ato Kawas, o ngangaˈay pakasoˈlin to misongilaˈay ci Yihofa misodod cingranan, o malohemay malitengay papadama cingranan miliyaw malo salikaka. Samanen cowa ka lecad ko pakayraan no kahacecay a demak, o malohemay malitengay mihapinang to soˈliˈlinay pasasiyor ko cecay tamdaw hokira, o mamisongilaˈ misimsim to masakenaay a lalangian, cowa ko papakidem ko saali to mararaway a tamdaw.
Odoˈ no Sinael
wp23.1 6 fiedac 3 fatac
1. Mitolon—Patoroden ci Yihofa to Cariraw
Mitolonan ita ci Yihofa, wa mahapinang to kaciharatengan Ningra kitanan, mahecaday o cecay miˈolicay a sowal: ’Maˈaraway Iso ko karorayan ako, mafanaˈay to makesemay i kemod no faloco’ ako.’ (’Olic 31:7) Mafana’ to ciharatengay ci Yihofa kitanan, wa ira ko ’icel ita padadotoc a tanektek. Tada mafanaˈay Cingra to misiˈayaway ita a roray, wa tano Fangcalay Cudad a mihinom pakalalok kitanan.
Saka 4 Folad 22-28 Romiˈad
O ODOˈ KO KIMAD NO KAWAS | ˈOLIC 32-33
Ano Pakidem ko Raraw i, Hano Mamihayi Han Hani?
w93-CH 3/15 9 fiedac 7 fatac
O Sidaˈit ni Yihofa Milidongay Kitanan Miliyas to Matoleday Falocoˈ
7 Ano pakidem a misafelit kita to sarikec no Kawas i, latek psangaran a mihayi to raraw i tamdaw, anoca ci Yihofaan alatek. Ano hatiraay i, wa ira ko maanan demak a mafekad hani? Sanay ko sowal ni Tafiti i saka 32 fedengan no ˈOlic: ‘Ano caho ka pasowal a mihayi to raraw ako i, saromiˈamiˈad sa kako a tomangic, maˈicangto ko okak ako. To dadaya to romiˈad, kamay Iso [Yihofa] karetengay i tireng ako, [o salang no ˈorip] ako malahdawayto, hato o kacifelangan a makedal.’ (Saka 3, 4 sinael) Ta mararaw ci Tafiti i, sapitahepowaw cingra to raraw no niyah a mipaekel to kiyam no falocoˈ, teloc malotayay ko tireng ningra. O cariraw no falocoˈ mihetecay to ˈicel ningra, hato masano maˈicangayto a kilang, awaawaayto ko nanom no ˈorip. Soˈlinay haw i, tada masetiˈay ko falocoˈ ato tireng ni Tafiti. Samaamaanen awaayto ko hemek ni Tafiti. Kita ano iraay ko mahaenay a pakayraan i, sasamaan ko pidemak hani?
cl-CH 262 fiedac 8 fatac
Mangalayay ko Kawas a Misodod to Tamdaw
8 Pasasiyorto ci Tafiti i, sanay ko sowal ningra: “Patalahekalen ako ko raraw i Tisowanan, caayto pisimed kako to raraw ako, saka hepolen Iso ko raraw ako.” (ˈOlic 32:5) Ora “hepolen” sanay a tilid no Hipray itini, tatodong i, “tatiwen” anoca “hawikiden a miala” sanay, paihekalay to palasawadanto ko “kiyam no falocoˈ ato raraw” o sanay. Malecaday mitatiwan ni Yihofa ko raraw ni Tafiti, alaen a mihawikid. O mahaenay a pidemak tada palahedaway to kiyam no falocoˈ ni Tafiti. (ˈOlic 32:3) Kitato i, ngaˈayay pakasoˈlinen, ano ira ko pasoˈlinay falocoˈ ita to sapatefoc ni Yis, mingitangit to sasodod no Kawas i, o hahepolen Ningra a misodod ko raraw ita.—Matay 20:28.
w01-CH 6/1 30 fiedac 1 fatac
Ano Mihayi to Raraw Papadama a Mapalowad ko Noˈadingoan
Mihayito ci Tafiti to raraw cowato ka matoled, miharateng to awaay ko kapo no niyah. Itiniay i ˈOlic patalahekal ci Tafiti to pipasasiyor no falocoˈ, ora sowal ningra i ˈOlic patalahekalay to nika sayar no falocoˈ, halo misetekay ko falocoˈ papadadotoc a madimadi to Kawasan. Tinakoen, ˈosien ko ˈOlic 32 fedengan saka 1 sinael, sanay ko sowal: “O mahepolayto ko raraw, o masololayto a tamdaw i, tada o malemeday.” Ano hakowato ko kareteng no raraw no tamdaw, ano mikifalocoˈ a pasasiyor, ngangaˈayto a mapalemed. O cecay hapakayraan a mikifalocoˈ a pasasiyor i, matiraen ci Tafitian mitamorong to kihcod a ˈinorong no demak no niyah. (2 Samuil 12:13) Ci Tafiti cowa pikilif i kaˈayaw ni Yihofa to raraw no niyah, sapirorohaw to tao. Saka 5 sinael sanay ko sowal: “Patalahekalen ako ko raraw i Tisowanan, caayto pisimed kako to raraw ako. Sowal sa kako: Pahapinang hanto ako Tisowanan ko raraw ako, sowal sa kako hayien ako ci Yihofa to raraw ako, misodod kiso to raraw ako.’ O tamdaw ano mikifalocoˈ a mihayi to raraw i, o mamasayarto caayto ka cikiyamen ko falocoˈ to itiyaay a raraw.
Odoˈ no Sinael
w06-CH 5/15 20 fiedac 1 fatac
Kalimlaan no ˈOlic Cudad Saka Cecay
33:6; O manan kora ‘fali’ i ngoyos ni Yihofa hananay hani? Oya misaka dademakan no Kawas to sapisangaˈ to maamaan no hekal a ˈicel—fangcalay saocor. (Satapangan 1:1, 2) O fali no ngoyos Ningra hananay ko fangcalay saocor, samanen mahecaday miiyofan a pasadak a ciˈicelay a fali, o fangcalay saocor ngaˈayay ocoren tayra i maraayay a pala, palaˈosi to araaw no Kawas.
Saka 4 Folad 29–5 Folad 5 Romiˈad
O ODOˈ KO KIMAD NO KAWAS | ˈOLIC 34-35
“Ceriden Pakahemek ci Yihofa”
w07-CH 3/1 22 fiedac 11 fatac
Malacafay Kita Mikangodo to Ngangan ni Yihofa
11 O mamararid kako pahemek ci Yihofaan, caay ko mamitolas kako a pahemek Cingranan.’ (ˈOlic 34:1) Malafel i papotal ci Tafiti, maedeng calemcemay to romiˈamiˈad a kakaenen, kawra ora ifafekangay a sowal paihkalay, soˈlinto mamidimokos to kaˈorip to romiˈamiˈad, kamayan misetek to falocoˈ ci Tafiti a pahemek ci Yihofaan. Tahasiˈayaw to pades i, nanamen ita ko ngaˈayay taˈarawan ni Tafiti! Ano itini i picudadan anca i katayalan, kalacafay to Krisciyang salikaka, anoca i pitosilan, o kalim no falocoˈ ita i, o papahemek ci Yihofaan. Haratengen hena, adihayay ko lalangian ita mipahemek to Kawas, tinakoen, nisangaˈan ni Yihofa a kasapaan a maamaan, caay ko mamahaemin ita a misolap. Haratengenho, o mipakayraan no Kawas iseraay a likakawa Ningra a malaheciay a demak. Soˈliˈlin o madimadiay a sikawdan no Kawas cowa ko malefotay, kawra misakaretengan Ningra a misaka dademak cangra, palaˈosi to aniniay a tadamaanay demak! Oya misaˈakawangan no tamdaw a kalo tamdaw, o mademakay nangra cowa ko maanan. Sowal sa ci Tafiti: “Yihofaaw, awaay ko roma a Kawas to ikakaay Iso, awaay ko roma Kawas to maedeng a midemak to nidemakan Iso.” (ˈOlic 86:8) Hatiraay ko harateng iso han?
w07-CH 3/1 22 fiedac 13 fatac
Malacafay Kita Mikangodo to Ngangan ni Yihofa
13 ‘Pakayni kako ci Yihofaan a malitaˈang, matengil no misapoeneray a tamdaw mahemekan nanay.’ (ˈOlic 34:2) Ci Tafiti cowa ka malitaˈangen to malaheciay demak ningra, tinakoen, to samaanay cingra a misafanaˈ to hongti ci Katan. Mafanaˈay cingra tiya itini cingra i Kat i, midipotan ni Yihofa cingra, pakayniay i pipadama ni Yihofa, hongaˈ maˈoripay cingra a milaliw. (Taneng 21:1) Mankora, cowa ka pahiyo ci Tafiti to niyahan, ao malitaˈangay pakayni ci Yihofaan, hato masolotayto ko misapoeneray a tamdaw, minokay tayra ci Yihofaan. Ci Yisto mihaenay a mikangodo to ngangan ni Yihofa, masoloto ko misapoeneray tamdaw tayra ci Yihofaan. Anini, polong a misapoeneray tamdaw masolotay tayni icowacowaay a kasakopang no mapasimalay a Krisciyang, o fafongohan no ksakopang ci Yis. (Kolosay 1:18) Onini misapoeneray a tamdaw matengil ko pipaˈodingar no sikawdan no Kawas to ngangan no Kawas, hanaca mapadamaay no fangcalay saocor, hato pakatengil cangra to lihaf no Fangcalay Cudad i, masemeran nanay ko falocoˈ nangra.—Yohani 6:44; Dmak 16:14.
w07-CH 3/1 23 fiedac 15 fatac
Malacafay Kita Mikangodo to Ngangan ni Yihofa
15 “Milongoc kako ci Yihofaan i, pacaˈof Cingra, paliyasen Ningra kako nai masamaamaanay a katalawan ako.” (ˈOlic 34:6) Pakayni ci Tafitian, onini a nalifetan tada masakalimlaan. Mihaenay haw i, sato ko dotoc a sowal ningra: ‘Micangacang ko mararomay tamdaw i, tengilan ni Yihofa, paˈorip cangranan miliyas to maamaan a pades’ (ˈOlic 34:6) Ano malisopsop kita ato salikaka i, adihayen ko sowal to mikowaday a nalifetan, somowal to samaanay ci Yihofa padama kitanan mihadidi to pades. O mhaenay a caciyaw papaˈicel to pasoˈlinay falocoˈ no salikaka, matira o sowal ni Tafiti paˈicelay toya midamaay cingranan a tamdaw. Itini i tinakoan ni Tafiti, o cafacafay ningra ‘mitapalay ci Yihofaan, iraay ko ˈedil; cowa ko mamangodo ko pising nangra.’ (ˈOlic 34:5) O cafacafay ni Tafiti mikapotay cingranan a milaliw ci Sawloan, cowa ka mangodoen. ˈArawhan, tona pakasoˈlinay to midamaan no Kawas ci Tafiti, o pising nangra hato matediˈay. Malecaday, o faelohay to mahemekay to Fangcalay cudad a tamdaw, ato halafinayto midoko to Kawas a Krisciyang, mitapalay ci Yihofaan, mikilim to sadama Ningra. Matinakoayto to samaanay ci Yihofa a midama cangranan, matediay ko pising nangra misetek ko falocoˈ to mamadimadi to Kawasan.
Odoˈ no Sinael
w06-CH 5/15 20 fiedac 2 fatac
Kalimlaan no ˈOlic Cudad Saka Cecay
35:19 Mingitangit ci Tafiti aka haydaen koya ˈintehay cingranan a matawa cingranan sa i, o manan ko tatodong hani? O ˈintehay ci Tafitian a tamdaw padeteng sa a matawa, paihkalay to malaˈosiay ko pikariˈang ci Tafitian a halaka nangra a mahemeken. Mingitangitay ci Tafiti aka pasalaten a mafekad ko mahaenay a demak.