Pinengnengan to Lalakaw no Mitosilay ato Nikaˈorip Rayray no Saˈopo
© 2024 Watch Tower Bible and Tract Society of Pennsylvania
SAKA 11 FOLAD 4-10 ROMIˈAD
O ODOˈ KO KIMAD NO KAWAS | ˈOLIC 105
‘Maharatengay ko Sakatatelek Ningra Tahadaˈoc’
Sasamaan Kita Paˈicel to Tanektekay a Pakasoˈlin Pakayni Faelohay Hekal a Sakiˈok no Kawas Hani?
11 I nolitengan, o sakiˈok ni Yihofa to finawlan Ningra itini pinengneng no tamdaw cowa ko mamalaˈosi. Mikiˈokan Ningra koya matoˈasayto a Apraham aci Sara, o mamahofoc cangra to cecay a faˈinayan wawa. (Satapangan 17:15-17) Pasowalayho Cingra, aitini i Kanan a pala ko teloteloc ni Apraham. Nikawrira, halafinay mala koli ko Israil tamdaw i Icip. Itiya i, o sakiˈok no Kawas hato cowa ka laˈosi, ˈarawhan malaˈosiayto kona mikiˈokan ni Yihofa a demak. Ikor no pi:na miheca, milasilay ci Yihofa toya matoˈasayto ci Ilisapic, mamahofoc to cecay faˈinayan wawa. Hananayho ni Yihofa pasowal ko limocedan ci Mariya, cacipoyapoy cingra a mahofoc to Wawa no Kawas. Na hofocento konini Wawa i, oya mikiˈokan ni Yihofa i ˈayaw no pina caˈol a miheca i Itin, malaˈosiayto!—Satapangan 3:15.
12 Mitooran ni Yihofa ko sowal, palaˈosi to sakiˈok no Niyah. Ano rariden ita midotim koniya demak papaˈicel to nika pakasoˈlin, iraay ko ˈicel Ningra paira to faelohay a hekal. (ˈOsien ko Yosuwa 23:14; Isaya 55:10, 11.) Mihaen i, wa ngaˈayto kita padama to tao a pakahapinang, o mikiˈokan ni Yihofa a faelohay kakarayan ato faelohay sera, cowa ko mitiihan a sowal. Pakayni toniya sakiˈok, mikiˈokay Cingra: ‘Sahtoay o soˈlinay, o ngaˈayay tiˈeren.’—Paˈarawan 21:1, 5.
it-1-CH 599 fiedac 4 fatac
Kimad
Ano ciˈoripayto anca awaay ko ˈorip a nisangaˈan, o mamitengil to sowal no Kawas, micada to piocor Ningra palaˈosi to araaw Ningra. (ˈOlic 103:20; 148:8) O Kimad no Kawas ngaˈayay pakasoˈlinen, tadiˈecen, milahcian Ningra ko mihadakan a sowal, caay ka pawan to sakiˈok no Niyah. (Limoˈot 9:5; ˈOlic 105:42-45) Na somowalay ko Kawas, o Kimad Ningra ‘tahadaˈocay materek,’ caay ko mamalakisaw, o mamalaˈosi.—Isaya 40:8; 55:10, 11; 1Pitiro 1:25.
Odoˈ no Sinael
w87-CH 5/1 19 fiedac 15 fatac
Kaemangay Tamdaw—O Saaroˈan Namo Itini Lipahakay Makedecay a Paro no Lomaˈ
15 ‘Mapalit to lonayiˈay ko tosa a waˈay ningra, mapacaˈedong ko liˈel ningra to marad a sapalit. O kimad ni Yihofa mahaenay ko pipalifet cingranan, tangasa i kalahcian no nipaliˈayawan Ningra a sowal.’ (ˈOlic 105:17-19) Mapalit a mala koli ci Yosif maedeng 13 miheca ko nika halafin, tahira kalaˈosian no sakiˈok ni Yihofa ko tolas. Pakaynian ningra toniya malifetay micada to sapahatatanam. Soˈlin cowa ko ci Yihofa ko pairaay toniya pades, mihayian Ningra a mifekad konini a demak to sakalaˈosiaw no cecay araaw. Itini ci Yosif i mahaenay a sapalifet, oha padadotoc a mitokel to ‘kimad ni Yihofa’ han? O masakenakenaay makapahay capeling papadotocen ningra macakat malo matenesay, palahad to misaalian a miememay, misapoeneray, ˈicel ato misetekay falocoˈ misaysay to pasangaray a ˈinorong han? Telocto malo maherekayto todohen a ekim, o masakalimlaan makoracay itini kaˈayaw ni Yihofa. Ikor misalimlaan ni Yihofa misaka dademak Cingra.—Satapangan 41:14, 38-41, 46; 42:6, 9.
SAKA 11 FOLAD 11-17 ROMIˈAD
O ODOˈ KO KIMAD NO KAWAS | ˈOLIC 106
‘Mapawanay Nangra ko Kawas o Milidongay Cangranan a Tapang’
Cima ko Midopo ci Yihofaan?
13 Maˈaraw no Israil tamdaw tano toˈem, fitiliˈ ato roma kaciˈangian a demak paihkal ci Yihofa to ˈicel no Niyah, matalaway cangra, mansa mitahidang ci Mosian patado cangranan a pasowal ci Yihofaan. (Kasadakan 20:18-21) Macokacok ci Mosi tayra i Sinay Lotok, halafinay materek itira. Malahdawayto ko ˈaˈideman niyam sanay ko Israil tamdaw, wa marofo i kohkoh sanay. Ano nengnengen i, pakidemay ko pitiˈer nangra ci Mosian. Rawraw sanay a pasowal ci Aronan: ‘Caay ka fanaˈ kita to nika o talacowaayto ci Mosi o mikeriday i titaanan a pasadak nai Icip. Saka, sangaˈen ko mamalo mamikerid i titaanan a samiyay,’ han nangra.—Kasadakan 32:1, 2.
Odoˈ no Sinael
w06-CH 7/15 13 fiedac 9 fatac
Kalimlaan no ˈOlic Saka 3, 4 Liyad
106:36, 37. Patalahkalay ko sinael, mitaˈong to samiyay ato patoˈaya to tatiihay coyoh iraay ko kalaliting. Misaka dademakay to samiyay a tamdaw mafiyoray no tatiihay coyoh. Palimoˈotay ko Fangcalay Cudad kitaanan ‘ka pinaˈon, aka a pitaˈong to samiyay.’—1 Yohani 5:21.
SAKA 11 FOLAD 18-24 ROMIˈAD
O ODOˈ KO KIMAD NO KAWAS | ˈOLIC 107-108
‘O Aakoˈiden Ita ci Yihofa, Samanen Soˈlinay a Sidaˈit Cingra’
w07-CH 4/15 20 fiedac 2 fatac
Nanay Pakahemek ko Kasakopang ci Yihofaan
2 O kasakopang no Krisciyang cowa ko picawmaˈan no mala widangay a kasakapot. O kasakapot no niyaroˈ ato pisalamaan a kitiraan, sahtoay malecaday ko lalengawan, kaolahan, miontoay a tamdaw ko misakapotay, o kasakopang no Krisciyang cowa ko mahaenay. O araaw a patireng to kasakopang no Krisciyang, o misakaretengay a mipahemek to Kawas ci Yihofaan, nai ti:yaho tahanini mahaenay ko demak, mahecaday toya milengoan no ˈOlic. O sowal sa itini ˈOlic 35:18: ‘Itini i kasakopang mifokay kako Tisowanan, itini kaˈalomanan a tamdaw pakahemek Tisowanan.’ Itini ˈOlic 107:31, 32 sanay a pakalalok kitaanan: ‘Nanay akoˈiden no tamdaw ko madimadiay olah ni Yihofa, miakoˈid to kasapaan a midemakan Ningra i tamdamdaw. Nanay itini kasaˈopoan mifokay pakahemek ko tamdaw Cingranan.’
w15-CH 1/15 9 fiedac 4 fatac
Miakoˈiday ci Yihofaan a Tamdaw o Mamalemed
4 Sakairaaw no miakoˈiday a falocoˈ ita, o mamihayi to adihayay ko sapalemed ni Yihofa kitaanan, mamiceridho misimsim to sidaˈit Ningra, misongilaˈ a miharateng to madimadiay olah Ningra kitaanan. Mihaenay ko demak no mitiliday to ˈOlic, pakayni masakenakenaay kasapaan a demak ni Yihofa masemeran nanay cingra.—ˈOsien ko ˈOlic 40:5; 107:43.
Odoˈ no Sinael
it-1-CH 1132 fiedac 6 fatac
Moap
Ikor mala hongtiay ci Tafiti, na malalooday ko Israil ato Moap. Masongilaˈay mapadik ko Moap, pafeliay to adihayay dafong ci Tafitian. Tonini a lalood maedeng mataˈlifay ko kalitosa a sofitay no Moap mapatayay. Sarayarayay sanay a matiˈenang ko mipatayan ni Tafiti a sofitay, milalatan nangra ko matiˈenangay a mapatayay, taˈlifay ko kalitosa to mipatayan, misododan ko maˈosaway. (2Samuil 8:2, 11, 12; 1Rayray 18:2, 11) Itini tonini a kalalood, o wawa ni Yihoyata ci Pinaya ‘mipatayay to tatosa wawa ni Yaliile.’ (2Samuil 23:20; 1Rayray 11:22) Masahciay ni Tafiti milowid ko Moap matatodongay ko sapairasol ni Palam iˈayaw no 400 miheca: ‘Wa ira ko cecay foˈis mikitini ci Yakopan masadak, wa ira ko cokor no hongti mikitini Israil masadak. Papesiˈen ningra ko laway ni Moap, papesiˈenho ningra ko fongoh no mariˈangay tamdaw.’ (Saˈosi 24:17) O mitiliday to ˈOlic somowalay malo ‘pinanawan a talay’ no Kawas ko Moap, onini noka pakalowid ko mitoroˈan alatek.—ˈOlic 60:8; 108:9.
SAKA 11 FOLAD 25–SAKA 12 FOLAD 1 ROMIˈAD
O ODOˈ KO KIMAD NO KAWAS | ˈOLIC 109-112
Midopo to Hongti Ita ci Yisan!
w06-CH 9/1 13 fiedac 6 fatac
Kalimlaan no ˈOlic Saka 5 Liyad
110:1, 2—Tiya maroˈ ko Tapang ni Tafiti ci Yis Kristo i kawanan no Kawas i, toniya tatokian midemakay cingra to maanan? Patikol maˈorip ci Yis caka halafin tayraayto i kakarayan, maroˈay i kawanan no Kawas, tahini 1914 miheca ngaˈ misatapangay mala Hongti mikowan. Toniya tatokian, mikowanay ci Yis to manilnilay no fangcalay saocor a nisawawaan, mikayat cangranan to mitosilay ato pasifanaˈay to tamdaw malo nisawawaan ni Kristo a tayal, padamaayho cangranan misaday to mamalacafay cingranan mala Hongti.—Matay 24:14; 28:18-20; Luka 22:28-30.
w00-CH 4/1 18 fiedac 3 fatac
O Miˈodisay to Kawas a Tamdaw Cowa ko Papakalowid!
3 Naitini i saka 20 hahekalan, o finawlan no Kawas padadotocay a tahacada to saˈodis. Itini adihayay a kitakit i, o iraay ko tatiihay harateng a tamdaw sapicongedaw to pilasil to ngaˈayay lihaf no Hongti Kitakit no Kawas, mangalefay to sapipaselaˈaw to tayal nangra. O taˈangayay ˈada ita ci Akoma ‘mahecaday to miletohay a layong salakalakat sanay, mikilim to tataˈmoden a tamdaw,’ miowingay to tamdaw misafelit to milasilay to ngaˈayay lihaf a tayal. (1 Pitiro 5:8) O ‘masaˈosiay a toki no kalo a kitakit’ mahererek i 1914 miheca ikor, mipatirengan no Kawas ko kanonoˈan Ningra a Wawa mala faelohay a Hongti no cikiw, palimoˈot Cingranan itini ‘lalomaˈ no ˈada mikowan.’ (Luka 21:24; ˈOlic 110:2) Misaka dademak to fadangalan no Hongti ci Kristo, mifahkolan ci Satan mikitini kakarayan tayni fafekang no sera, wa itini aca i taliyok no cikiw ko kadademakan ningra. Mafanaˈay ci Akoma to ˈapotoayto ko toki ningra, taˈangayay ko keter, misaˈicelay a miˈodis to manilnilay no fangcalay saocor a Krisciyang ato cafay nangra. (Paˈarawan 12:9, 17) Misaˈadaay to Kawas a tamdaw misaliyaliyaway miˈodis to finawlan Ningra, o mananto ko teloc hani?
be-CH 76 fiedac 3 fatac
Padotoc Talaˈayaw—Misaˈicel Macakat
O tamdaw o cacipinang ko niyah, hongaˈ ngaˈay ko pisaka dademak to malifokay no niyah a inaneng. Talaˈayaway kiso malacafay to tao mitosil han? Misinanotay kiso to toki padama to faelohay a tamdaw i kasakopang, kaemangay a tamdaw anca malonayay ko tireng a tamdaw han? Marariday kiso mirienang to padamaay a tayal, tinakoen micingkiyat to Kasaˈopoan, anca itini masasiromaay a kapot i pitaykayan a matayal han? Marariday kiso pangangan malo padamaay misakafahay han? Wa ngaˈay kiso malo miceriday misakafah han? Wa ngaˈay kiso tayra i taˈangayay ko saali a kasakopang matayal han? Ano o faˈinayan salikaka kiso i, misaˈicelay kiso mitoor to palinian no Fangcalay Cudad malo dama sikawdan anca malohemay malitengay han? Kiso ko makahi padama to tao, mahemek midemak to ˈinorong, o wacay koni to macakatay kiso ino midokoay a demak.—ˈOlic 110:3.
Odoˈ no Sinael
it-2-CH 1040 fiedac 3 fatac
Katatelekan
Tooren ko Taadoˈan no Katatelek ni Milikicitikan Malo Saysi. Masowalay no ˈOlic 110:4 a katatelekan konini. Somowalay ci Pawlo i Hipray 7:1-3, 15-17, onini a katatelek milingatay ci Kristoan, o katatelek ni Yihofa aci Yis Kristo konini. Patireng ci Yis ato nisawawaan tono Hongti Kitakit a katatelek, masowalay konini a katatelekan. (Luka 22:29) Ci Yihofa pakayniay i sakiˈok matatelek ci Yis Kristoan malo Taˈangayay a Saysi, onini a Wawa Ningra i kakarayan mamitoor to taadoˈan no katatelek ni Milikicitikan malo midaˈocay a saysi. Ci Milikicitik pala hongtian no Kawas i fafekang no sera, o saysiho cingra. Malecaday ci Yis Kristo, kawrira wa itini i kakarayan cingra (cowa ka itini i fafekang no sera) malo Hongti ato malo Taˈangayay a Saysi. Patikol maˈorip ci Yis tayra i kakarayan ikor, tatahadaˈocto malo Taˈangayay a Saysi. (Hipray 6:20; 7:26, 28; 8:1) Ano aitini i sakayat ni Yihofa ci Yis malo Hongti malo Taˈangayay a Saysi, o tatahadaˈoc ko epoc nonini a katatelek.—Hipray 7:3.
SAKA 12 FOLAD 2-8 ROMIˈAD
O ODOˈ KO KIMAD NO KAWAS | ˈOLIC 113-118
O Manan ko Sapacoˈay ci Yihofaan?
w01-CH 1/1 11 fiedac 13 fatac
Mapaˈicel no Ciolahay a Falocoˈ
13 Oniya sowal ni Yis paihkalay, sasalakaten ita maolah ci Yihofa. Nikawrira, cowa ka hofoc han kita misarocodayto a maolah ci Yihofaan, oha mamipadeteng kita palahad to mahaenay a olah. Isalakat pakatengil kita Cingranan i, masolotayto Ningra kita. Palidlid sanay kita mafanaˈ misamaanay Cingra pala kitiraan no tamdaw konini a cikiw. (Satapangan 2:5-23) Ikor mafanaˈay kita samaanay Cingra siniˈada to tamdaw. Salakat micomod ko raraw toniya hekal ikor, cowa ka falahen Ningra kita, ao milimasmasay Cingra to sapilidongaw kitaanan. (Satapangan 3:1-5, 15) Sidaˈitay Cingra to madimadiay a tamdaw, salikor i, kinafalahay to foseniˈan a Wawa Ningra, misodod to raraw ita. (Yohani 3:16, 36) Tangongol ko nika fanaˈ ita ci Yihofaan, mamatongal ko piakoˈid Cingranan. (Isaya 25:1) O sowal no Hongti ci Tafiti, maolahay cingra ci Yihofaan, samanen midipotan ni Yihofa cingra. (ˈOlic 116:1-9) Anini, ciharatengay ci Yihofa kitaanan, mikayat kitaanan, paˈicel kitaanan, pakalalok kitaanan. Matongal ko nika fanaˈ ita Cingranan, mamatongal ko olah ita Cingranan.—ˈOlic 31:23; Cifaniya 3:17; Loma 8:28.
w09-CH 7/15 29 fiedac 4-5 fatac
Mikifalocoˈ Miakoˈid a Micada—Mikifalocoˈ Makahi a Paladaˈ
O mitiliday to ˈOlic sanay ko sowal: ‘O sapafeli ni Yihofa takowanan kadofahay a sidaˈit, o manan ko sapacoˈay ako Cingranan hani?’ (ˈOlic 116:12) O manan ko sapafeli ni Yihofa cingranan kadofahay a sidaˈit hani? Soˈliˈlin ‘marariday cingra tahalifa to pades, marariday a masomad,’ midamaan ni Yihofa cingra, milidong cingranan, ho ‘eca ka patay cingra.’ Mihaenay, makalimay cingra sapacoˈayaw ci Yihofaan. Samaan pacoˈay hani? Sanay cingra: ‘Lahcien ako ko miketonan a sowal ci Yihofaan.’ (ˈOlic 116:3, 4, 8, 10-14) Misetekay cingra to falocoˈ, mitoor a midemak to kihcod na miketonan no niyah a sowal ci Yihofaan, halo pidemak to dademaken a ˈinorong.
Malecaday, oha ngangaˈay kiso pacoˈay ci Yihofaan. Samaanen pacoˈay hani? Itini i hakelong no kaˈorip iso, ano hacowato a tatokian oha dadofdofen ko sarikec ni Yihofa, o waywayan a dademak dofdofen ko safalod no Fangcalay Cudad. Oha mamisetek kiso, mihodop ci Yihofaan i, o sakakaay i nokaˈorip iso, itini kihcod a demakan i, oha mamidofdof to sakayat no fangcalay saocor. (Patnakay 12:13; Kalatiya 5:16-18) Manaokaniw, awaay ko pakayraan iso miemin a pacoˈay to nano demak ni Yihofa tisowanan. Nikawrira, misarocod kiso to falocoˈ to harateng patafang to niyah matayal saki Cingranan, oha ngangaˈayto pakahemek to falocoˈ Ningra. (Taneng 27:11) Ngaˈay pakahemek kiso ci Yihofaan i, tada o taˈangayay a sakaliko koni!
w19.11 22-23 fiedac 9-11 fatac
Mikitini Lifi Mamananam Ita ko Maanan?
9 Saka 2: Matayal kita saki Yihofaan pakayniay piakoˈid Cingranan. Nengnengen ita ko sapacakat no litengan a Israil to Kawas a Sakarihaday Sapatoˈaya, cacipinang to kalimlaan ko miakoˈiday a falocoˈ. Mikitini i Lifi mananamay ita, pacakat to Sakarihaday Sapatoˈaya ko Israil i ‘pakayniay piakoˈid.’ (Lifi 7:11-13, 16-18) Pacakat ko Israil tamdaw to hatiniay toˈaya cowa ko mikitiniay i ˈinorong, ao mikitiniay piakoˈid, o niyah a harateng pacakat to Sakarihaday Sapatoˈaya pakayniay kaolah ci Yihofaan. O pacakatay to Sakarihaday Sapatoˈaya a tamdaw malacafayay to paro no lomaˈ ato saysi komaen to heci no toˈaya, kawra o roma a dafong no toˈaya edengan oha ni Yihofa, cowa ka ngaˈay kaenen. O maamaan hani?
10 Saka 3: Maolahay kita ci Yihofaan, mansa pacakat to sangaˈayay. O pinengneng ni Yihofa to simal o sangaˈayay a dafong, o roma a dafong no ˈaˈadopen edengan oha ni Yihofa aca, tinakoen o podo. (ˈOsien ko Lifi 3:6, 12, 14-16.) Ano makahi ko Israil tamdaw pacakat ci Yihofaan to podo ato ˈatay no ˈaˈadopen ato simal i, tada mahemekay Cingra, samanen mihaen cangra to demak paihkalay to o sangaˈayay ko pacakatan nangra i Kawas. Tangongolay ko olah ni Yis ci Yihofaan, misarocoday to falocoˈ midoko Cingranan, makahi patafang to sangaˈayay no niyah Cingranan. (Yohani 14:31) Maolahay ci Yis to sarikec no Kawas, mahemekay a midofdof to araaw no Kawas. (ˈOlic 40:8) Maˈaraw ni Yihofa makahi ci Yis matayal saki Cingranan, maedeng taˈangayay ko lipahak.
11 O katayal ita ci Yihofaan mahecaday to pacakatay to Sakarihaday Sapatoˈaya, o sangaˈayay ko sapacakat ita ci Yihofaan, samanen misarocoday ko falocoˈ ita a maolah Cingranan. Maˈaraw ni Yihofa ko pinaay soˈot ˈofad a tamdaw pakayni kaolah Cingranan ato palinian Ningra a midoko Cingranan, maedeng taˈangayay ko hemak. Misaaretengay ci Yihofa minengneng to tayal no mita, kawra ikakaay ko pisaareteng to nafalocoˈan a harateng no mita, mafanaˈ tonini misayaray kitaanan. Ano o matoˈasay a Krisciyang kiso, latekay cangoˈotay ko ˈicel sanay miharateng, ngaˈayay rihaday kiso, cipinangay ci Yihofa to tolas no ˈicel iso. Citolasay ko midemakan no niyah sanay kiso miharateng, kawra mafanaˈay ci Yihofa tangongolay ko olah iso Cingranan hanaca misarocoday a midemak, maedeng mahemekay Cingra pacakat kiso Cingranan to sangaˈayay.
Odoˈ no Sinael
w12-CH 5/15 22 fiedac 1-2 fatac
Salicay no Miˈosiay Tamdaw
Itini sapatemer no fangcalay saocor, sanay mifokay ko mitiliday to ˈOlic: ‘Itini mata ni Yihofa, o patay no madimadiay tamdaw Ningra tada matekesay ko ˈaca’ sanay. (ˈOlic 116:15) Kahacecay madimadiay midoko ci Yihofaan a tamdaw, o ˈorip ningra itini i pinengneng ni Yihofa tada masakalimlaan. Kawra, o nisowalan no ˈOlic 116:15 i, cowa ko patay no cima madimadiay a sikawdan ko mitoroˈan.
Itini pikimadan to mapatayay salikaka, cowa ka tatodong misaka dademak to ˈOlic 116:15 itini i tireng nora mapatayay salikaka, ano soˈlinto o madimadiay kora mapatayay salikaka, cowa ka ngaˈay sakadademaken i tireng ningra. Misamaanay hani? Samanen ora sinael iraay ko tangongolay a tatodong: Pakaynien ci Yihofaan ko sowal, ano mapatay ko polong a madimadiay sikawdan no Kawas i, tada taˈangayay ko ˈaca nira, cowa ko papakomira han ni Yihofa mafekad ko hatiniay a demak.—Nengnengen ko ˈOlic 72:14; 116:8.
SAKA 12 FOLAD 9-15 ROMIˈAD
O ODOˈ KO KIMAD NO KAWAS | ˈOLIC 119:1-56
‘O Kaemangay a Tamdaw Samaan Ngaˈ Ira ko Makoracay a Waywayan?’
w88-CH 5/15 26 fiedac 10 fatac
Itini Kihcod a Demak Padadotocay Kiso Makorac Han?
10 Ci Pawlo itini i Ifiso 5:5 patalipaˈelalay a somowal: ‘Ihkalay kamo cipinang, o maˈodangay, caay ka korac, maˈanofay ko falocoˈ, malecaday mitaˈongay to samiyay, cowa ko mamicomod i Hongti Kitakit ni Kristo ato Kawas a micada to hafay.’ ˈArawhan, to mihecahecaan ˈalomanay ko ‘pakaditay to tireng no niyah’—maˈodangay ko waywayan salikorto mafalahay no likakawa. (1 Korinto 6:18) Marariday, tona cowa ‘pisikol to Kimad no Kawas a talipaˈelalen’ cangra. (ˈOlic 119:9) Tinakoen, ˈalomanay faˈinayan salikaka itini pipaselaˈan mahokaay ko falocoˈ. Cowa picawmaˈ to salikaka, o ˈalafang a tamdaw ko micawmaˈan. O “ngaˈayay a tamdaw cangra” sanay ko roma Krisciyang, ikorto i, mikihatiyaay cangranan a mafola ko demak. O roma Krisciyang i, pakinaliay ko picawmaˈ to cefang a matayal. O cecay malohemay malitengay makakaolahay to cefang a fafahiyan matayal, oranto liyas hanto ningra ko paro no lomaˈ a matateko tora fafahiyan! Salikor i, mafalahayto itini likakawa. O Kimad no Fangcalay Cudad tada soˈlinayto: ‘Tatiihay a cawmaˈ mipalakay to ngaˈayay a nanaman!’—1 Korinto 15:33.
w06-CH 6/15 25 fiedac 1 fatac
‘Sapatalipaˈelal Iso a Limoˈot Palipahakay Takowanan’
Sapadamaaw ci Yihofa kitaanan miremo to pasangar no kaˈorip, misaliyaliyaw pasifanaˈ kitanan a talipaˈelal. Ano mikingkiw kita to Fangcalay Cudad ato mirienang to saˈopo i, mamacada ita ko sapatalipaˈelal ni Yihofa. O maˈosiay ita itini i Fangcalay Cudad ato matengilay i kasaˈopoan a sowal, cowa ka fahalen kita alatek, na matengilayto maˈosiayto ita i ˈayaw, tona hinatawalay ko tamdaw, saliyaliyawen a patalipaˈelal wangaˈ maharateng ita ko araaw, sarikec ato sapasifanaˈ ni Yihofa. O aakoˈiden ita ci Yihofa misaliyaliyaw patalipaˈelal kitaanan, samanen itini pilomal to sapasifanaˈ no Kawas, ngangaˈay kita miliyaw a ciˈicel, matongal ko kacipinang to misamaanay hano mangodo to Kawas kita a maˈorip. Pakayni tonini a lalangian, sanay ko sowal no mitiliday to ˈOlic: ‘Sapatalipaˈelal Iso a limoˈot palipahakay takowanan.’—ˈOlic 119:24.
w10-CH 4/15 20 fiedac 2 fatac
Aka Pinengneng to Awaay ko Epoc a Demak!
2 Nikawrira, o maˈaraway no mata a demak iraay ko ciepocay iraay ko tatiihay. O mata ato ponoˈ o malalitingay, o maˈaraway mikidatay to kalim ato coos no falocoˈ, paˈicelay to sapisaloaw to kalim ato coos no falocoˈ. O mikowanan ni Satan a hekal malafoay ko waywayan, o coos aca no niyah ko misaloan no tamdaw. O kaacekan a coka ato salasil miedefay i taliyok, madoloay mafiyor kita, mararawto ko demak, o kinacecay aca minengneng o sakalafo alatek. (1 Yohani 5:19) Mansa micangacang to Kawas ko mitiliday to ˈOlic, saan: ‘Nanay aka papinengnengen Iso ko mata ako to awaay ko epoc a demak, ho midofdof kako to Kimad Iso a malidong ko ˈorip.’—ˈOlic 119:37.
Odoˈ no Sinael
w05-CH 4/15 10 fiedac 2 fatac
Tiˈeren ko Kimad ni Yihofa
2 ˈOlic 119 fedengan sanay misaˈicel a pasowal, o Kimad ni Yihofa ato lihaf tada masakalimlaan. Toha sakadoloaw maharateng, o mifokayay pakaynian i kadadoedo no tilid no Hipray tiliden konini a ˈOlic. Itini notelangan mitilidan, polong no fedengan 176 sinael misilsilan palo 22 a kasakomi, 8 sinael cecayay a tilid no Hipray ko satapangan. Onini a ˈOlic saliyaliyaway somowal to kimad, sapirikec, limoˈot, lalan, sapalimoˈot, sarikec. Itini toniya tosa lalengoen a lalakaw, wa salalangien niyam ko matatodongay a mihongyakan a Fangcalay Cudad, mifolfol to ˈOlic 119 fedengan a lalakaw. Songilaˈen miharateng ko nalifetan no nolitengan ato aniniay madimadiay a sikawdan, ngaˈayay padama kitanan masemeren tonini a ˈOlic, padadotoc miakoˈid ci Yihofaan pafeli kitanan toniya Fangcalay Cudad.
SAKA 12 FOLAD 16-22 ROMIˈAD
O ODOˈ KO KIMAD NO KAWAS | ˈOLIC 119:57-120
Samaanen a Miemem ko Sapalifet
w06-CH 6/15 20 fiedac 2 fatac
‘Tada Maolahay Kako to Rikec Iso!’
2 O rikec no Kawas misamaanay hano misayar to falocoˈ nonini mitiliday to ˈOlic a tamdaw hani? Samanen pakayniay cingra tora rikec mahapinang to soˈlinay ciharateng ci Yihofa cingranan, micadaay cingra to sasayar a ciˈicelto. Sidaˈitay ko Kawas pafeli to rikec, matinakoay nora mitiliday to ˈOlic ko pairaan no rikec a masamaamaanay a epoc, mihaenay haw i, soˈliˈlin tahalifa cingra to pisaˈada no tao, kamayanho a lipahaken pakayni i rikec no Kawas. Mahapinangay ningra ko pikangaˈay ni Yihofa cingranan. Roma sa i, tona mitengilay to sakayat ni Yihofa, hato ikakaay to ˈada ningra a citaneng, matafoto ko ˈorip ningra. Itini pidofdof to rikec, pairaay to tingalaway a falocoˈ ningra, rihadayan nanay cingra.—ˈOlic 119:1, 9, 65, 93, 98, 165.
w00-CH 12/1 14 fiedac 3 fatac
Maolahay Kiso to Sapatalipaˈelal ni Yihofa Han?
3 O mitiliday to ˈOlic maolahay micada to sapatalipaˈelal no Kawas, sanay mifokay cingra: ‘Tangsolay kako midofdof to limoˈot Iso, caay ka pinayar. Mifedfed ko sasoˈot no mariˈangay a tamdaw takowanan, caay ka pawan kako to rikec Iso.’ (ˈOlic 119:60, 61) O Kimad ni Yihofa patalipaˈelalay padamaay kitanan miemem to hakokay, samanen pakasoˈlinay kita o Wama i kakarayan papadama kitanan mitedal to mifedfedan no ˈada a sasoˈot i tireng ita. Itini matatodongay a tatokian, padamaen Ningra kita miremo to masakenakenaay a sacona, ho ngaˈay kita padadotoc to milasilay to Hongti Kitakit a tayal.—Marko 13:10.
w06-CH 9/1 14 fiedac 4 fatac
Kalimlaan no ˈOlic Saka 5 Liyad
119:71—Misemsem iraay ko maanan a epoc? Tahapades padamaay kitanan misarocod mitiˈer ci Yihofaan, mingitangit Cingranan a mitolon, matongal ko kalalok mikingkiw to Fangcalay Cudad, halo pisaˈicel misaka dademak to sapasifanaˈ no Fangcalay Cudad. Roma i, tahasiˈayaw kita to pasangar i, patalahkalay to sasalofen a dangoc no niyah. Makalim kita mapahatatanam no pades, caayto ko mamaketer a ngaliwngiw ko falocoˈ.
Kihatiyaen a Tomangic ko Tomangicay a Tamdaw
3 Awaay ko sasa, o cisidaˈitay a Wama Yihofa o mamihinom kitanan. (ˈOsien ko 2 Korinto 1:3, 4.) Ci Yihofa, o sangaˈayay a taˈarawan ita mipaihkal to siniˈadaay. Sanay mikiˈok to finawlan Ningra: “Kako ko mihinomay tisowanan.”—Isaya 51:12; ˈOlic 119:50, 52, 76.
5 Wa ngaˈay pakasoˈlinen ita ci Yihofa, o papadama Cingra kitanan. Mankora, pakaynien i pitolon a mifowah to somad ato roray no falocoˈ. Mafanaˈ to cipinangay to falocoˈ no mita ci Yihofa, hanaca o papadama kitanan, tada rihadayay ko falocoˈ ita! Hay, mamisamaan Cingra a padama kitanan hani?
Odoˈ no Sinael
w06-CH 9/1 14 fiedac 5 fatac
Kalimlaan no ˈOlic Saka 5 Liyad
119:96—‘O kihcod malefotay a demak iraay ko tolas,’ o maan ko tatodong hani? O mitiliday to ˈOlic mikitini noka pinengneng no tamdaw to malefotay. Saan ko piharateng ningra o malefotay a harateng no tamdaw iraay ko tolas sanay, kawra o rikec no Kawas ano icowato a pala ngangaˈay mikayat to kaˈorip no tamdaw. Mankora, o roma pihongyak: ‘Iraay ko tolas no kihcod, nikawrira o rikec Iso awaay ko tolas’ sanay.
SAKA 12 FOLAD 23-29 ROMIˈAD
O ODOˈ KO KIMAD NO KAWAS | ˈOLIC 119:121-176
O Roma a Sapasemsem Ngangaˈay a Liyasen
Tano Sarikec ato Safalod no Kawas Pahatatanam to Makapahay Falocoˈ
5 Ano sapilayapaw to sadama no sarikec no Kawas i, cowa ko piˈosi aca to Fangcalay Cudad anca mananam to lalakaw no sinael, wa palahadho kita to maolahay ato mikangodoay to Fangcaly Cudad a falocoˈ. Amos 5:15 sanay: ‘Ka ˈintehen ko tatiihay. Kaolahen ko ngaˈayay a demak.’ Sasamaan a matoor konini hani? Wa minanam kita tano ni Yihofa a harateng a minengneng to demak. Patinakoen: Marariday cowa ka ngaˈay ko fotiˈ iso paˈaraw to ising, sasalofen no ising ko mikaenan ato pakayraan iso a maˈorip, mararid a mionto to tireng. Tooren iso ko sapaini no ising a midemak, ikor ngaˈayay ko minaroˈan, coko mamiakoˈid kiso to ising padama tisowanan ngaˈayto ko kaˈorip han.
6 Mahecaday toni, pafeliay ko Misangaˈay Tatapangan to sarikec Ningra, padama kitaanan miliyas to sakararawaw a macada ko roray, halo pisalof to kaˈorip no mita. Doedoen ita ko limoˈot no Fangcalay Cudad, eca ka pisamangah, eca ka pitakaw, eca ka pisaˈfit a midokaˈ to tamdaw, miliyasho to mariˈangay, miangangay ato malafoay a madadiˈiay, mihaen o papaira to taˈangayay sakaciepoc no mita! (ˈOsien ko Taneng 6:16-19; Paˈarawan 21:8) Tooren ita ko kahemekan ni Yihofa a pakayraan dademak, malifok ko adihayay sapalemed, wa matongal ko piakoˈid to nika pafeli ni Yihofa to sarikec, wa matongal ko kaolah ci Yihofaan ato sarikec Ningra.
w93-CH 4/15 17 fiedac 12 fatac
O Kaemangay—O Manan ko Micangacangan Namo?
12 O masakalimlaan i, mamihatatanam kiso mikaˈinteh to mararaway a demak. (ˈOlic 97:10) Sasamaan kiso ˈinteh to isalakatay ano nengnengen hato iraay ko sakaraheker a demak hani? Ano sasaharatengen ko teloc i, wa ˈintehen kiso! ‘Aka pisaˈfit to niyah, cowa ka ngaˈay sakahmawen ko Kawas. O manan ko mipalomaan, o manan ko milidongan. Midoedoay to raraw a mipaloma i, wa mikitini i raraw milidong to sakapohed.’ (Kalatiya 6:7, 8) Ano makayhid sapitooraw to coos no tireng i, haratengen ko pakidemay a teloc, o manan koni aki? Papasomad to falocoˈ ni Yihofa. (Nengnengen ko ˈOlic 78:41.) Haratengenho, mamapoyapoy anca mamadenga no adada, tinakoen o AIDS hokira. Alatek taˈangay ko kasomad no falocoˈ, malahdawto ko pikangodo no tao tisowanan. O roma i, hahalafin ko tatiihay a teloc. Sanay ko sowal no cecay fafahiyan a Krisciyang: “O faˈinay ako ato kako i, ˈayawho no masasoˈaraw kami makacicafayay kami to tao. Soˈliˈlin kami tatosa mala o Krisciyangayto, kawra o maˈodangay waywayan iti:yaho mikidatay to lacongis ato kaˈinap niyam tatosa.” Cowa ko sasakahmawen ko mahaenay a waywayan, papakayni kiso a malahdaw ko kihcod noˈadingoan a ˈinorong, alatek mamafalah itini kasakopang! (1 Korinto 5:9-13) Iraay ko maanan a cecayay liyad aca a hemek to sakalakisawaw no hatokel iso noikor hani?
Odoˈ no Sinael
Pasoˈlinen “o Soˈlinay a Kimad ko Sowal” no Kawas
2 O finawlan ni Yihofa pakasoˈlinay to o ‘soˈliˈlinay a Kawas’ ci Yihofa, hanaca sahtoay o sakangaˈay ita ko miharatengan Ningra. (ˈOlic 31:5; Isaya 48:17) Mafanaˈay kita to ngangaˈay pakasoˈlin kita to sowal no Fangcalay Cudad, pakasoˈlin to ‘soˈlinay kimad ko sowal no [Kawas].’ (ˈOsien ko ˈOlic 119:160.) Cecay mikakingkiway to Fangcalay Cudad sanay: “O Kimad no Kawas awaay ko mimimiming aca a mararaway, cowa ko mamalahorac. O finawlan no Kawas wa ngaˈay pakasoˈlin to Kimad no Kawas, samanen mitadiˈecay cangra to somowalay tonini a kimad a Kawas.” Mikifalocoˈay kita mihayda to sowal nonini a mikakingkiway.
SAKA 12 FOLAD 30–SAKA 1 FOLAD 5 ROMIˈAD
O ODOˈ KO KIMAD NO KAWAS | ˈOLIC 120-126
Tahalosaˈay Cangra Mifolesak to Sapaloma, Lipahakay a Mipanay
w04-CH 6/1 16 fiedac 10 fatac
O Paˈodingaray to Kawas a Tamdaw Iraay ko Sakalemed
10 Mitamorong kita to taloˈodan ni Yis, malo nisawawaan ningra i, o micoˈayay ci Satanan konini. Yakop 4:7 mikiˈokay, ‘micoˈay ci Akomaan i, mamiliyasto ci Akoma tamowanan a milaliw.’ Manaokaniw, cowa ko madoloay ko micoˈayay ci Akomaan. Mamisaˈicel midoko to Kawas ngaˈ ngaˈay. (Luka 13:24) Kawrira, ˈOlic 126:5 mikiˈokay: ‘O tahalosaˈay mikosam i, lalipahak a mipanay.’ Matayal kita saki Kawas, masemeray ko falocoˈ Ningra. O ‘papalifonen no Kawas ko micangacangay Cingranan a tamdaw,’ palemed to paˈodingaray Cingranan a tamdaw.—Hipray 11:6.
Hakowaay ko Tanektek no Pakasoˈlin Iso?
17 Pakayni kapatay no salawina ato ngaˈayay widang masomaday kiso han? Songilaˈen micekiw ko pakayniay patikol maˈorip a maˈoningay i Fangcalay Cudad, paˈicel to pakasoˈlin no niyah to papatikol maˈorip ko mapatayay. Ano mafalah ko paro no lomaˈ adadaay ko falocoˈ iso han? Songilaˈen micekiw, padama to niyah pakasoˈlin o sapirikec ni Yihofa sahtoay o ngaˈayay. Ano o maananto ko malifaay iso a pasangaray, o ngaˈayay a toki patanektek to pakasoˈlin han ko pinengneng. Ngaˈay kiso itini satolon ihkal ko pihadak to nafalocoˈan no niyah, aka a misiwatid ko niyah, ka padotoc a micawmaˈ to salikaka. (Taneng 18:1) Soˈlin maharateng iso ko salakatay a demak masomaday a tomangic, padadotocenho midemak ko papadama tisowanan mitafo to mihadidiay a demak. (ˈOlic 126:5, 6) Ka padotoc mirienang to saˈopo ato mitosil, micekiwho to Fangcalay Cudad, miceridho miharateng to sapafeli ni Yihofa tisowanan a makapahay a noikoran. Ano mahapinang iso padotocay padama ci Yihofa tisowanan, mamatongal ko tanektek no pakasoˈlin.
w01-CH 7/15 18-19 fiedac 13-14 fatac
Kodait Matayal a Milidong to Panay!
13 Matayalay a milidong to panay saki Kawas a tamdaw, mangalefay oya mahakokayay a Krisciyang. Ano maˈosi ko ˈOlic 126:5, 6 i, o mamasayar ko falocoˈ. Sanay ko sinael: ‘O tahalosaˈay mikosam i, lalipahak a mipanay. Oya tahalosaˈay a mitatoy to sapaloma i, o lalipahak a miˈorong to rorong no panay a minokay.’ Ora ‘mikosamay’ ato ‘mipanayay’ sanay a tilid, mitadtaday to midipotan ni Yihofa ko fadoc a Israil tamdaw. Nao i Papilonay cangra mala koli, minokayto cangra i nalacolan i, palemedanto ni Yihofa. Matedalto cangra manaokaniw lalipahakto cangra, kawra maˈarawto ko 70 mihecaan a malahoracay a pala i, tahalosaˈay cangra mikosam to pinaloma. Kawra, ano misaˈicelay mikosam i, miliyaway patireng to Yirusalim a tamdaw salikor lalipahakto a micada to makapahay minaroˈan, marenecen ko falocoˈ.
14 Tahalifa kita ato salikaka to sapalifet, pakayni i moecelay a misemsem i, latekay tahalosaˈayto kita. (1 Pitiro 3:14) Milidong kita to pinaloma, salakat pasangaran nanay, malecaday koni ano malalok kita a mitosil, kawra awaay mahapinang ko minaroˈan. Ano padadotoc kita mikosam micefos i, o Kawasto ko papalahad, nolatekay mataˈlifay to niharatengan ita ko minaroˈan. (1 Korinto 3:6) O minaroˈan no pipalilam ita to Fangcalay Cudad ato mitepangan a cudad, tada matatodongay tonini a sowal.
Odoˈ no Sinael
cl-CH 73 fiedac 15 fatac
Tano ˈIcelan no Kawas Midipot ko Finawlan
15 Salakat, ngaˈayay pakasoˈlinen ita, cowa ko papasalaten no Kawas ko soˈliˈlinay a Krisciyang mapalaˈafo, ano mihaen i, matatodongto ko pihalaka ni Satan kira. Haratengen hena, ci Satan o ‘mikowanay to hekal a hongti,’ sapipalahdawaw to matatodongay pihakelongan cingra. (Yohani 12:31; Paˈarawan 12:17) O ciˈicelay a kitakit nonini hekal na mikecengay to mitosilay a demak no mita, misahalakaay sapipalaˈafoaw a mihadefek kitaanan. Kawrira, o soˈliˈlinay Krisciyang kiemelay to pihakelongan, cowa pisawad padadotocay a mitosil! Cowa ka tada ˈaloman ko finawlan no Kawas, awaay ko sapiˈodis a lalosidan, ano o ciˈicelayto a kitakit hano caka pakakeceng to demak ita hani? Samanen ci Yihofa tano ciˈicelay a sapikpik a midipot kitaanan!—ˈOlic 17:7, 8.