Ciharateng to Tamdaw

Samaanan ni Yis Midemak

IKA: Ci Yis ato Miradomay a Fafahiyan

1. Nengnengen ko IKA, anca miˈosi to Yohani 4:6-9. Ikor haratengen ko salicay:

1. ˈAyaw no sasomowal ci Yis i, o manan ko mahapinangay ningra?

2. Sanay ci Yis: ‘Pafelienho kako to miming a nanom.’ O hatiniay a sapikayat a sowal, hano ciepocay hani?

Mikitini i Midemakan ni Yis, O Manan ko Mananamay Ita?

2. Ano isalakat milengo to kahemekan no tao a demak, wa madoloto a masasowal.

Todongen ci Yis a Misakadademak

3. Citaneng a misafalifalic toha sasowalen. Hamaan oyanan a misadayan iso a malalengo to tao, ao lengoen ko kaciharatengan ningra a demak. Salalicayen ko niyah:

1. ‘O manan ko singpon anini?’

2. ‘O manan ko kaciharatengan no fiyafiyaw, i katayalan, i picudadan?’

4. Songilaˈen a mihapinang. Salalicayen ko niyah:

1. ‘O manan ko midemakan no cilomaˈay? Maharatengay ningra ko manan hani?’

2. ‘Mikitini to pising, lafa, caˈedong ato pikilomaˈan ningra, mahapinang to o manan ko pidoyongan anca kalomahadan?’

3. ‘Nohatini a tatokian, matatodongay han?’

5. Songilaˈen a mitengil.

1. Hamaan datadat sa ko sasowalen.

2. Tengilen ko sapacaˈof no cilomaˈay. Ano ngaˈayay i, salalicayen.