RADIW 159
Paˈodingaren ci Yihofa
(ˈOlic 96:8)
1. I kakarayan Yihofa,
’dengan cecayay Kawas.
Sapatikolaw kako to
olah Iso to tamdamdaw.
Micaˈang minengneng kako,
’dengan o ˈicel Iso.
Cowa ka samaan kako,
wa misamaan kako ngaˈ?
(MILIYAW ROMADIW)
Yihofaaw, romadiwen ako,
Pakahemeken Kiso.
Kawas ako, o fangcalay Wama,
Papatikolen ako
ko ˈodingar no Miso.
2. ˈOrip ako ono Miso,
tadamaanay Kiso.
Soˈlinay Kimad no Miso,
pakafanaˈen ko tamdaw.
Midoko ci Yihofaan,
o kalikoan ako.
Sapalimoˈot no Miso,
midaˈoc kako midofdof.
(MILIYAW ROMADIW)
Yihofaaw, romadiwen ako,
Pakahemeken Kiso.
Kawas ako, o fangcalay Wama,
Papatikolen ako
ko ˈodingar no Miso.
3. Riyar ato lotolotok,
cidal anca o foˈis.
Nai olahay no Miso,
pakahemekay to tamdaw.
O misangaˈan no Miso,
makapahay citaneng.
Fangcalay araaw Iso,
Mamalaˈosi maemin.
(MILIYAW ROMADIW)
Yihofaaw, romadiwen ako,
Pakahemeken Kiso.
Kawas ako, o fangcalay Wama,
Papatikolen ako
ko ˈodingar no Miso.
(Nengnengen ko ˈOlic 96:1-10; 148:3, 7.)