Maceriday Mapatenak Ita a Kimad

Sowal ni Yis, pakatengilay to ngaˈayay lihaf ko moecelay a tamdaw, mahapinang o soˈlinay kimad konini. (Yohani 10:4, 27) Mihaenay, doloen a patenak ko kimad no Fangcalay Cudad i pitosilan. Tinakoen, haenen a milicay, “Mafanaˈay kiso han?” “Pakatengilay kiso han?” Ikor, hadaken ko cecay kimad no Fangcalay Cudad, paˈarawen to milingatay a sinael. Ano o madoloay a kimad i, oniya sapaloma no Kimad wa manaˈang i falocoˈ ningra, wa molecis palahaden no Kawas koniya sapaloma a Kimad!​—1 Korinto 3:6, 7.

• Hanoikor

• Paro no lomaˈ

• Kawas

• Mitolon

• Ci Yis

• Kitakit no Kawas

• Pades ato Roray

• Patay

• Pihakelongan

HANOIKOR

1. 1. Oniya pina miheca, mafekaday a demak no hekal ato waywayan no tamdamdaw, paihkalay to wa mifekad ko taˈangayay a noka falic.​—Matay 24:3, 7, 8; Luka 21:10, 11; 2 Timoti 3:1-5.

2. 2. Cowa ko mamapalaˈafo koniya cikiw.​—ˈOlic 104:5; Patnakay 1:4.

3. 3. Cowato ka cacikadit ko cikiw, cowato ka safalifalic sa ko romiˈad.​—Isaya 35:1, 2; Paˈarawan 11:18.

4. 4. Wa tanoktok ko tireng no tamdamdaw, cato ka ciadada.​—Isaya 33:24; 35:5, 6.

5. 5. Wa tahadaˈoc maˈorip ko tamdamdaw i fafekang no sera.​—ˈOlic 37:29; Matay 5:5.

PARO NO LOMAˈ

1. 6. Kaolahen no faˈinay ko fafahi, mahecad nika olah to niyah.​—Ifiso 5:33; Kolosay 3:19.

2. 7. Kangodoen no fafahi ko faˈinay.​—Ifiso 5:33; Kolosay 3:18.

3. 8. Ka madimadi to raramod.​—Malaki 2:16; Matay 19:4-6, 9; Hipray 13:4.

4. 9. Kangodoen no wawa ko wama wina, midofdof to sowal nangra, wa raheker a lipahak.​—Taneng 1:8, 9; Ifiso 6:1-3.

NASA, ESA and the Hubble Heritage Team (STScI/​AURA)-ESA/​Hubble Collaboration. Licensed under CC BY 4.0. Source.

KAWAS

1. 10. Iraay ko ngangan no Kawas.​—ˈOlic 83:18; Yirimiya 10:10.

2. 11. Iraay ko kalimlaan sasowalen no Kawas kitanan.​—2 Pitiro 1:20, 21; 2 Timoti 3:16, 17.

3. 12. Cowa ka pisakakinih ko Kawas.​—Limoˈot 10:17; Dmak 10:34, 35.

4. 13. Sapipadamaaw ko Kawas kitanan.​—ˈOlic 46:1; 145:18, 19.

MITOLON

1. 14. Maolahay ko Kawas mitolon kita Cingranan.​—ˈOlic 62:8; 65:2; 1 Pitiro 5:7.

2. 15. Pakafanaˈay ko Fangcalay Cudad kitanan sasamaan a mitolon.​—Matay 6:7-13; Luka 11:1-4.

3. 16. Ka picerid kita a mitolon.​—Matay 7:7, 8; 1 Tisalonika 5:17.

CI YIS

1. 17. O tadamaanay a singsi ci Yis, o sapakafanaˈ ningra kamayan matatodong i kaˈorip ita.​—Matay 6:14, 15, 34; 7:12.

2. 18. Pasowalan ni Yis ko mamifekad a taˈangayay demak aitini i lintad no mita.​—Matay 24:3, 7, 8, 14; Luka 21:10, 11.

3. 19. Ci Yis, o wawa no Kawas.​—Matay 16:16; Yohani 3:16; 1 Yohani 4:15.

4. 20. Ci Yis, cowa ko Kawas.​—Yohani 14:28; 1 Korinto 11:3.

Based on NASA/​Visible Earth imagery

KITAKIT NO KAWAS

1. 21. O Kitakit no Kawas, o patirengan no Kawas a sifo i kakarayan.​—Matay 6:9, 10; Taniil 2:44; 7:13, 14; Paˈarawan 11:15.

2. 22. O Kitakit no Kawas wa mikotay to i fafekang no sera a kihcod sifo.​—ˈOlic 2:7-9; Taniil 2:44.

3. 23. Edengan o Kitakit no Kawas wa misongilaˈ a misaysay to pasangar no tamdaw.​—ˈOlic 37:10, 11; 46:9; Isaya 65:21-23.

PADES ATO RORAY

1. 24. Pades no hekal cowa ko Kawas ko pairaay.​—Limoˈot 32:4; Yakop 1:13.

2. 25. Ci Akoma Satan ko mikowanan to polong a hekal.​—Luka 4:5, 6; 1 Yohani 5:19.

3. 26. Maˈaraway no Kawas ko taharoray kiso sapipadamaaw tisowanan.​—ˈOlic 34:17-19; Isaya 41:10, 13.

4. 27. Wa kalikito ko Kawas palahdaw to pades ato roray.​—Isaya 65:17; Paˈarawan 21:3, 4.

PATAY

1. 28. Awaayto ko kafanaˈan no mapatayay a tamdaw, cowato ka pisemsem.​—Patnakay 9:5; Yohani 11:11-14.

2. 29. Mapatayay a tamdaw cowato ka ngaˈayay padama anca midokaˈ kitanan.​—ˈOlic 146:4; Patnakay 9:6, 10.

3. 30. Mapatayay a salawina widang, wa papatikol a maˈorip.​—Yopu 14:13-15; Yohani 5:28, 29; Dmak 24:15.

4. 31. ‘Wa awato ko patay no ikor.’​—Paˈarawan 21:3, 4; Isaya 25:8.

PIHAKELONGAN

1. 32. Cowa ko mamicada ko Kawas to mararaway pihakelongan.​—Yirimiya 7:11; Matay 7:13, 14, 21-23.

2. 33. Kaˈintehan no Kawas ko makaniway a pihakelongan.​—Isaya 29:13; Mika 3:11; Marko 7:6-8.

3. 34. Matatodongay a pihakelongan paihkalay to soˈlinay a olah.​—Mika 4:3; Yohani 13:34, 35.