Sidaˈitay

Samaanan ni Yis Midemak

IKA: Miadahan ni Yis ko Mapohaway a Tamdaw

1. Nengnengen ko IKA, anca miˈosi to Yohani 9:1-7. Ikor haratengen ko salicay:

1. I saˈayaway ci Yis miadah to mapohaway a tamdaw, anca isalakatan ningra a mitosil han?​—Nengnengen ko Yohani 9:35-38.

2. Hano makahi kora tamdaw mitengil to ngaˈayay lihaf ni Yis hani?

Mikitini i Midemakan ni Yis, O Manan ko Mananamay Ita?

2. Ano macada no tamdaw ko kaciharateng ita, wa makahi mitengil to lihaf ita.

Todongen ci Yis a Misakadademak

3. Palalimlimen ko falocoˈ ningra. Haratengen, ano kiso kora, samanan a miharateng.

1. Salalicayen ko niyah: ‘Alatek o manan ko kacalemceman ningra? Samaan a padama cingra?’ Mihaen kiso, wa sidaˈit nai falocoˈan a micada cingra.

2. Songilaˈen a mitengil, ho mafanaˈ cingra to kaciharatengan ita cingranan. Ano mifanaˈ cingra to harateng ato pasangray ningra, aka paliyasen a miˈafas to sowal.

4. Sidaˈiten ko sasowalen, kangodoen cingra. O misowalan iso, paihkalay to sidaˈitay kiso cingranan han, makahiay padama cingranan han? Damsayen ko ngihaˈ ato sasowalen, hamaan cinaˈafaden ko tamdaw.

5. Makahi a padama to tamdaw. Haratengen, sasamaan tano matatodong a pakayraan a padama to tao, sidaˈitay kiso to tamdaw i, wa makahi ko tao milengo tisowanan.