Ekene Ore Ata Awaji?

Ata Awaji ire gè, erieen kan̄ ire Jioba. Baibul ibe: “Rọ inyi ema eriọọn̄ ibe ke owu gaalek, ogwu erieen̄ kan̄ orebe [“Jioba,” NW ] ore Awaji Ogwu Obebene Ichit me otutuuk linyọn̄.” (Okwa Itọn̄ 83:18) Eji kpebekọt imun̄ ọmọ mije ọmọ ire Ekwukwu. Awaji ima eji, me iweek ibe eji ema ọmọ si. Iweek si ibe eji ema ebi ofifi ife. (Matiyu 22:35-40) Ọmọ ore ogwu obebene ichit, mè ire Ogwu Orom otutuuk inu.

Adasi inu Awaji orombe ire ogwu ekwukwu okaan̄ unye. Mgburudun̄ mgbọ eyaka iriọọn̄ ọmọ kubọk ire Jisọs Karais. Jioba irom si ebi osat ikwaan̄.

Jioba orom otutuuk inu okup me emen̄ inyọn̄ . . . mè inyọn̄ ijọn̄. Ichichili 4:11

Jioba Awaji orom ntoronyan̄ melek inyọn̄ ijọn̄ mè otutuuk mkpọ okup me emen.​—Ibebene 1:1.

Ọmọ orom Adam adasi enerieen̄, inan̄a melek mfuun̄ ijọn̄.​—Ibebene 2:7.