OKPỌKỌ 7

Ire Ekene Ore Jisọs?

Jioba oria Jisọs inu me inyọn̄ ijọn̄. Jọn Eyi Adasi 4:9

Jisọs me agan̄ ubọk Awaji me emen inyọn̄

Ire eji eweek ibe Jioba ibelejit, eji ekalọ igbagban̄ utọn̄ melek ofifi ene okup ufiak. Mgbọ ofefiin̄ sabum erombe Adam, Jioba irom ogwu ekwukwu okaan̄ unye me emen inyọn̄.

Mgbọ Meri onin̄be owot mè mgbọ imanbe Jisọs

Ike mgbọ ojebe, Jioba irọ inyi Meri ogwu ikariọọn̄ge enerieen̄ iman ọmọ ya me Beteleyem. Gwun̄ ya ke egwen Jisọs.—Jọn 6:38.

Jisọs ijeen̄ ebi ofifi ife mkpọ ofolek Jioba

Mgbọ Jisọs okupbe me inyọn̄ ijọn̄ yi, Jisọs ijeen̄ eru Awaji me oniin ososo. Ọmọ ikaan̄ ata ejit, ima, me ire ogwu enegeelek mokọt ije iriak lek. Ọmọ ijeen̄ ebi ene atiko ofolek Jioba me ikatetge ukpọọk.

Jisọs irọ ata inu, ire, ebi ene micha ọmọ. Pita Eyi Adasi 2:21-24

Jisọs ijomo gwun̄ enenwaan̄ ge mè igwa ogwu enerieen̄ ge lek ikanyege

Ebi ibot uwu uriak micha Jisọs mije ọmọ ikpọmbu ataak ijejeen̄ mè eru ikpakikpak kiban̄.

Jisọs igwa ebi orukan̄ mè ijomo usini ebi ikwukwu mkpa.

Ebi ibot uwu uriak mikan̄ ataak inyi ebi Rom eyi orọrọ esutbe Jisọs mè ikpan̄ ọmọ.