OKPỌKỌ 13

Kpasi Inu Ke Eji Kpelọ Irọrọ Inyi Awaji Ibelejit?

Karọ ijo inu. Ebi Kọrint Eyi Adasi 6:9, 10

Inu echi Awaji ochabe—ichichiin̄ inọ, inwọnwọ miin̄ isa, inwọnwọ ugwun̄ okisak ene unan melek, ititim etim, irariaak uriaak inyi ogugo, mè ikekitọbọ ebum inyi mkpọ mfaka

Ire eji ema Jioba, eji kpekirọ mkpọ echi ichabe.

Jioba ikaweek ibe eji ekechiin inọ, ekenwọ miin̄ esa, mè iyaka ire inwọnwọ ugwun okisak ene unan melek.

Awaji icha ikpakpan̄ ene, isasan̄a owot, mè ebirieen̄ ikekilaak ebirieen̄ mè ebibaan̄ ikekilaak ebibaan̄. Ikaweek ibe eji ekaan̄ chieen̄ ile me iyaka ire ikeki itim etim melek ebi ofifi ife.

Eji kpe luuluk itọbọ ebum inyi mkpọ geege, ene geege miyaka ire igọọk ijo ekwukwu irọ inu.

Me emen Paradais okinu me inyọn̄ ijọn̄ yi, ebi ijo kpebeluk.

Rọ ata inu. Matiyu 7:12

Inu Awaji okima—ijejeen̄ ebi ufi ife ima, ikekitumu atikọ, mè ikekitele nrọnlọ inyi ene

Ire eji eweek ibe Awaji ibelejit, eji mekikpọ inu me ubọk Awaji mè ikirọ.

Ire eji ikaan̄ ata ejit me ikiche mkpọ inyi ebi ene ikijeen̄ ibe ke eji mima ema.

Kitumu atikọ.

Kijeen̄ nsan mokitele ijo nyi ene.

Ebi Ata-ikọ Jioba iba milook ogwu enerieen̄ ge ata etip

Tumu nyi ebi ene inu ofolek Jioba mè nkeek kan̄.—Asaya 43:10.