Keke Ore Ata Etip Yi?

1. Keke ore ata etip onan̄a me ubọk Awaji?

Awaji iweek ibe ebilene enwọọn̄ ugwem me inyọn̄ ijọn̄. Ọmọ orom inyọn̄ mè ijọn̄ mè otutuuk inu okup me emen mije ima ebilene. Sọnja mgbọ, ọmọ mosa onwọn eyi mgbọ okup me isi ijet ebilene me ere geelek. Ọmọ mọnyi ebilene utelelek inan̄a me lek ofara.—Fuk Jerimaya 29:11.

Kpunu mkpulu geege okọkọt irọ itet me isasan̄a mkpikpak, orukan̄ miya ire mkpa. Sọnja mgbọ, Awaji mosan̄a otutuuk mkpulu ebilene isan̄a mè isa eyi kan̄ inu. Ebi ibekup me irak mkpulu ya menwọọn̄ esuuk mè unye akpalek.—Fuk Asaya 25:8; 33:24; Danien 2:44.

2. Keke orọ ata etip yi okupbe ugwat ugwat?

Ofara mota me mgbọ Awaji mobosan̄a ebi ijo ebilene isan̄a. (Jefanaya 2:3) Kpa mgbọ ke eya oborọ ni? Baibul ichak otu me lek mbet irek echi okinyi ebilene sasaak mgbọ keyi. Inu okimọnọ irek me mgbọ keyi ikijeen̄ ibe ke mgbọ Awaji oborọ inu osilek ofara okigbet.—Fuk Timọti Eyi Òso Iba 3:1-5.

3. Keke ke eji eberọ ni?

Eji ekekween̄ inu ofolek Awaji inan̄a me lek usem kan̄, orere Baibul. Ibet lek ikpa ute okakaan̄ ima ogebe ijet nsabọn kan̄. Ikpa inyi eji ata oniin̄ iluluk ugwem mgbọ keyi mè ubọk ebesa inwọọn̄ ugwem ikakaan̄ge itata me inyọn̄ ijọn̄ me mgbọ okup me isi. Me atikọ, usini ene kpebebele ejit ibe ke okakikween̄ Baibul. Ire, Awaji ichieek use ibe ke mgbọ okup me isi monwọn, eya orọ, kachieek ibe ene geege igban owu ikwekween̄ inu ofolek kan̄.—Fuk Urọk 29:25; Ichichili 14:6, 7.