Ibebene Okpọkọ 2

Keke orọ Jioba osabe mun̄ ile ifiat linyọn̄ me mgbọ oraraka? Me ibebene mfufuk ebilene, rumurumun̄ ge ibene​—rumurumun̄ irọrọ ata inu mè ijo inu. Usini ene kubọk Adam, Îfu, mè gwun̄ kiban̄ Ken, egobo irọrọ ijo inu. Usini ene si kubọk Eben mè Nuwa, egobo irọrọ ata inu. Owuwa ene mirọ ijo inu ire lek Jioba ofiatbe inyọn̄ mkpikpak ya. Okpọkọ yi motap ubọk inyi eji eriọọn̄ ibe ke Jioba ikekimun̄ inu eji egobobe irọrọ, mè ire ata inu sa ijo inu, ke ikpotele si ibe ijo inu itim igak ata inu.