Ibebene Okpọkọ 5

Onyan̄ iba me lek ebi Ijeren esababe okwaan̄ Anyiaan̄, ema erere ogoon̄ Saina. Me ere ya, Jioba onyanyan̄a ibot melek ebi Ijeren ibe ke ema ire ido kan̄ osisibi esese. Jioba ibem ema mè inyi ema inu geelek okukup ufiak, kubọk mana eberie, mè ata ere egwuun̄be uwu ọfọ kiban̄. Jioba irọ si inyi ofọnti kiban̄ ikanin̄ oka mè iyaka ire igwak. Ire owu ire ute mè iyaka ire uga, tap ubọk rọ nyi gwun̄ kwun̄ igobo itet mkpọ orọrọ Jioba onyibe ebi Ijeren ikan, atanga chinichini mè ebi ngwugwa. Gon aban me lek ubọk isabe ikup ufiak ire ibe eji ekerọ use kiji eso, ekesiki lek mè ekegbe utoon̄-ejit enyi Jioba.