INU NKWEEN̄ 15

Tumu Kubọk Ire Inu Ochieekbe Ijaan̄

Ebi Teselonaika Eyi Adasi 1:5

ME MGBIDIM: Jeen̄ ibe ke owu ochubọk ichieek ibe ke mkpọ okijeen̄ ire atikọ mè ire inu okukup me ufiak.

Riọọn̄ ubọk kaan̄ mbem lek. Kween̄ inu ya mege omogobo itet mkpọ usem ya okebikpa melek ubọk Baibul osabe ibieen̄ inye ibe ke ire atikọ. Nye lek sa sọntitiik usem echi ofefet kpa inu echi okukup me ufiak. Gwuun̄ chieen̄ me ubọk ibosa itap ubọk inyi ebi ikigban̄ owu. Riaak uriaak beek ekwukwu mbuban.

Sa ubene ida kween̄ usem kwun̄ ifuna ochubọk okaan̄ mkpọ usem kwun̄ okijeen̄ me ejit mè okọt ojeen̄ onwọn.
Sa usem obojeen̄ atikọ sarọ inu. Kpan̄asi obokpọkpọk ikifuk me ubọk egebe me emen ikpa, sa usem eyi kwun̄ kpa. Gobo mbet ida usem obokijeen̄ ibe ke mkpọ okitumu ire atikọ.
Tumu kubọk ire inu okukup me ufiak mè ire atikọ si. Sa ubene ida okekem sa tumu. Kikp̣ọ ebi okitumu usem inyi, mire ikalọ irọrọ ikeya me agan̄ kwun̄.

Tumu usem kwun̄ kubọk ire inu ochieekbe ijaan̄, ire, karọ inyi ikup kubọk obotet ema me ubọk unye ibe echieek me lek inu okijeen̄. Ikere ibe ke inu okijeen̄ ire atikọ, sa me ima rọ inyi usem kwun̄ ire ebi ikigban̄ owu ejit.