Kigọọk Ebi Imama Jioba Gbaan̄ Kweek

Eke orọ eji ebekigọọk ebi imama Jioba ikigbaan̄ ikweek? Baalek ebi eji ekigọọk ije mekọt ikibieen̄ eji ibe ekerọ inu otatat mè iyaka ire inu olọlọ. (Urọk 13:20) Kubọk inu njeen̄, Ogwu Ubọọn̄ Jowas îrọ ‘inu òtatat me chieen̄ Jioba’ me oke mgbọ ikigọọk Jeyoyada Ogwu Ibot Ngwugwa ikup. (2 Mfuf 24:2) Mgbọ Jeyoyada okwube iraka, Jowas itele Jioba mije ijo mgbaan̄ nje.—2 Mfuf 24:17-19.

Me adasi ukot, ogwu ikwaan̄ Pọọlu isa ntitiin̄ Ebi Eyi Karais itọt me lek “uwu geelek omimin” mè isa si ebi ikup me emen ntitiin̄ itọt me lek “inu itap-inu,” mè iyaka ire mkpọ ekisa irọ ikwaan̄ me uwu. Eji mekana ‘mkpọ isi ikwaan̄ òkakaan̄ umin’ ire eji ijit ikekigọọk ebi geelek ikirọ inu Jioba ochabe irọ inu, ikerere ibe ke ire ebi uwu kiji mè iyaka ire me emen ntitiin̄. (2 Tim 2:20, 21) Eya orọ, kè eji ekup enye ekerọ unene me lek ebi imama Jioba melek ebi ibekitap eji efuuk me owot me ikekirọ nkeek kè Jioba.

KPỌ FIDIO YI KWEEN̄ IKEKIJIT IJO MGBAAN̄ NJE, MÈ FỌỌK IDODO CHI OGỌGỌỌK:

• Oniin̄ owa ke eji mekọt ikigọọk ebi ijo ife igbaan̄ ije me ekariọọn̄ge?

• Me emen fidio ya, eke otap ubọk inyi ebi eyi Karais ita mè ekọt ejit ijo mgbaan̄ nje ni?

• Onineen̄ Baibul echi owa obokọt itap ubọk irọ inyi okosa me iriọọn̄-inu ogobo ebi melek kwun̄ ebekigbaan̄ ije?