Iluluk Ugwem Òtatana mè Ikakaan̄ Udọk Udọk Ulibi Ikire Ene Ejit

Ebi irere nwa ibọbọkọ atikọ itap ekimalek itaba nlom kiban̄ inu me atikọ inan̄a me lek ata eru kiban̄. Ire, eyi mokọt iweek ibe ome tukutuku me ogbogbo acha. (1 Pita 2:21-23; 3:1, 2) Ire okichichini tukutuku, tet lek nye kisa ata inu kitim keme ijo inu. (Rom 12:21) Ata eru okebijeen̄ mokọt isan̄a ata mkpukpe isibi, eyi usem gaalek kpokọtbe irọ.

Sa mè kimun̄ mkpọ me oniin̄ nlom kwun̄ okebimun̄ mkpọ ya (Fili 2:3, 4) Kijeen̄ ulọk mè nsan, mè kitap otutuuk efuuk kwun̄ kirọ ikwaan̄ okaan̄be kubọk nwa me oniin̄ onwọnwọn. Re ogwu okigban̄ utọn̄ ijaan̄. (Jemis 1:19) Kaan̄ ime, mè kijeen̄ nlom kwun̄ ima. Ikerere ibe ke nlom kwun̄ ikajeen̄ owu mbet lek ima mè ulibi okebijeen̄ ogọt, iriọọn̄ ibe ke Jioba ima igbegbe utoon̄-ejit kwun̄.—1 Pita 2:19, 20.

FIT FIDIO JIOBA IKINYI EJI UNYE ISASA IBEME AKPAN KIJI, MÈ FOOK IDODO CHI:

• Ugwem ikukup inyi Grace Li mgbọ ikaan̄be olom ayaya?

• Keke obieen̄ ogọt ibe inikween̄ atikọ Baibul?

• Kpa ubọk ke gwun̄ ute enenwaan̄ Li osa ikup inye ikime ufialek ichichinibe mgbọ ikaan̄be ntap-me-mun̄ iraka?

• Keke ke gwun̄ ute enenwaan̄ Li obeek me uriaak ofolek nlom kan̄?

• Kpasi ugbana ke gwun̄ ute enenwaan̄ Li okaan̄ mije ilukbe ugwem otatana mè ikaan̄ udọk udọk ulibi?