ILULUK UGWEM KUBỌK EBI EYI KARAIS

Ubọk Olom Mè Nwa Ebekọt Isa Inama Mbat Olom Kiban̄ Inye

Ebereyam mè Sera mijeen̄ ata akpat ukot kubọk olom mè nwa ebi imama lek kiban̄ mè ikaan̄ ulibi inyi ge ge. (Ibeb 12:11-13; 1 Pita 3:6) Ire, mbat olom kiban̄ ikaso ikup, ema si mime ufialek me ugwem kiban̄. Keke ke ebi olom mè nwa ebekween̄ inan̄a me lek akpat ukot Ebereyam mè Sera?

Kigọọk nlom kwun̄ mè iyaka ire nwa kwun̄ kpa usem. Kijeen̄ eru nsiki lek mgbọ okifọọk otu ikọ nlom kwun̄ mè iyaka ire nwa kwun̄ osabe me unaan̄-ejit itumu. (Ibeb 16:5, 6) Ikisan̄a mgbọ isibi igbaan̄ ikweek. Me usem kwun̄ melek irọrọ kwun̄, kijeen̄ nwa kwun̄ mè iyaka ire nlom kwun̄ ibe ke owu oma ọmọ. Eyi ogak otutuuk, isun̄ Jioba me mbat olom kinyi sa me ikekigbaan̄ ikween̄ mkpọ, iriaak uriaak, mè itọbọ ebum. (Etip 4:12) Mbat olom onyenye ikisa umin ijet Jioba, Ogwu Obebene onineen̄ okup mbuban yi.

IKPỌ FIDIO UBỌK OBOSA INAMA MBAT OLOM KWUN̄ INYE, MÈ IFỌỌK IDODO CHI:

Me drama yi, keke ore usini mkpọ okijeen̄ ibe ke Shaan mè Kiara mibene ikiche lek?
Eke orọ ikupbe ufiak ibe olom mè nwa ekesa atikọ ekpa usem?
Kpa ubọk ke akpat ukot Ebereyam mè Sera osa itap ubọk inyi Shaan mè Kiara?
Kpasi mkpọ ke Shaan mè Kiara erọ isasa inama mbat olom kiban̄ inye?
Eke orọ olom mè nwa kpekeek ibe ke mbat olom kiban̄ ibososo ikup?

Collage: Inu ejeen̄be onan̄a me fidio ‘Ubọk Obosa Inama Mbat Olom Inye.’ Shaan mè Kiara ekisa irọrọ mkpọ obonama mbet olom kiban̄ inye. 1. Ema ekup irek ida iboko lek kiban̄ me inyọn̄ ikasi yaage. 2. Ema ekitet ubọk kiban̄. 3. Ema egbaan̄ isibi uko melek unwọọn̄. — Omokọt inama mbat olom kwun̄ inye!