Irọriọọn̄ Ubọk Ikirọ Ikwaan̄ Uko Kiji Ijaan̄—Ilolook Ebi Nchit Chieen̄ Ata Etip

INU ORỌRỌ IKUPBE UFIAK: Owuwa ebi irere nchit chieen̄ kpekima igọgọọk ebi ema ekariọọn̄ge itumu ikọ. Eya orọ, ilolook mbet ebi ikup ikeya ata etip iweek ata uka. Jioba ikijeen̄ ata ulọk me lek ebi nchit chieen̄. (Lib 19:14) Eji mekọt igọọk akpat ukot kan̄ sa me isasan̄a lek isibi itap ubọk inyi ebi nnaan̄ me irek emen ekwukwu.

UBỌK OBORỌ:

• ‘Week’ ebi nchit chieen̄. (Mat 10:11) Ire oriọọn̄ ogwu okaan̄ ogwu nchit chieen̄ me uwu kan̄ ni? Me agan̄ kinyi, ire enyi mikaan̄ uwu ikpa, ntitiin̄, mè iyaka ire uwu ekikpọ chieen̄ me lek ebi nnaan̄, eyi ebi ikup me emen mekọtbe ima ikakaan̄ ikpa kiji esan̄abe isibi inyi ema?

• Jeen̄ olilọk. Ata ulọk okaan̄be me lek ogwu nchit chieen̄ kubọk ogwu unene kan̄ morọ ufuna ikichat lek me lek kwun̄. Sa ibot usem oboriki ulọk ene ya sa bene ukpatu

• Tap ubọk inyi ema me irek emen ekwukwu. Isasa itap ubọk inyi ebi ikaan̄ ufialek me chieen̄, ntitiin̄ isan̄a ikpa isibi me esese oniin̄. Dô ene ya ubọk ọmọ oboma ikwekween̄ mkpọ. Ogwu ugane ntitiin̄ okikpọ chieen̄ me lek ikwaan̄ uko imun̄ ibe ke ogwu okikpọ chieen̄ me lek ikpa itip ikpa me oniin̄ eyi ogwu nnaan̄ ya oweekbe.