INU UNYE OTU EWE OKUP ME USEM AWAJI | IBEBENE 32-33

Ire Okekitap Àlo inyi Okaan̄ Ugbana Ni?

32:24-28

Inyi eji ekọt ebọkọ ugbana kè Jioba, eji metap otutuuk efuuk kiji ikiweek Ama Ubọọn̄ kubọk adasi inu me ugwem kiji. (1 Kọr 9:26, 27) Jekọp ijeen̄ eji mbet eru eji ebesa ikisi ikwaan̄ kiji kubọk ebi eyi Karais. Eji ekijeen̄ ibe ke eji ekisa me uyok uyok ejit iweek Jioba sa me. . .

Ikekineen̄ lek ijaan̄ me lek nkween̄mkpọ
Ikekisibi isi ilook ata etip mgbọ geelek
Ikekirọ otutuuk inu eji mekọtbe irọ isasa itap ubọk inyi ebi ikup me ntitiin̄

Collage: Uga okakaan̄ owuwa mkpọ irọro 1. Ikibeek uriaak sabum ibobene mkpọ geelek me usen. 2. Ikinyi gwun̄ kan̄ ogwu sọntitiik inorie sabum ibosibi uko. 3. Ikisa me ubelejit igọọk bọn̄ iba kan̄ melek bọn ute ibaan̄ inan̄a me ntitiin̄ kan̄ isi ikwaan̄ me uko.

Ubọk geelek irek kwun̄ oyọtbe ire, kibeek uriaak mgbọ geelek ibe Jioba itap ubọk inyi owu mè kiweek ugbana kan̄ me lek efuuk okebitap me itọtọ ebum inyi ọmọ.

O LEK KWUN̄, ‘Ire me agọọk owa mè owa ke mbakọt itap efuuk igbaalek me ugwem n̄a ufuna nkọt nkaan̄ ugbana kè Jioba?’