Jioba Ikibebem Ebi Eyi Kan̄

Adasi Ijọk Iraraka erọbe ikup ufiak enenen. Me ikakwun̄ ya, mgbọ ogwu Fero oweekbe iriọọn̄ ibe ke adasi gwun̄ enerieen̄ kan̄ ikwu, itutumu inyi Mosis ibe: “Ngwa! Ìnan̄a! Ìsibi me etete ebi n̄a! Ìfon, enyi mè otutuuk ebi Ijeren. Ìsibi ìsi ìfaka mfaka ìnyi [Jioba NW ] ike enyi etumube.” (Isis 12:31) Jioba ijeen̄ ibe ke ọmọ ikibebem ebi eyi kan̄.

Ike eji ekebigwu nkeek ikom me lek mfufuk ebi eyi Jioba me chereyi, eji ekimun̄ oriọọn̄ okijeen̄ ibe ke Jioba ikpọkpọ ikiban mè ikibem ema. Egon aban me lek eyi me ere esun̄be usini mkpọ me ere ibot ikwaan̄ kiji me otutuuk linyọn̄ yi eyi egwenbe “Ebi Ekichieek Erieen̄ kè Jioba.”

IKPỌ FIDIO ERE ESUN̄BE USINI MKPỌ ME WARWICK: “EBI EKICHIEEK ERIEEN̄ KÈ JIOBA,” MÈ IFỌỌK IDODO CHI:

• 

  Kpasi mkpọ ke ebi ikikween̄ Baibul ebene ikisa irọ mkpọ me acha 1914 isasa inama ichechieek kiban̄ me lek Baibul inye, kpasi oruru onan̄a isibi?

• 

  Kpasi rumurumun̄ ke ema echichini me acha 1916 mè 1918, inu echi owa ojeen̄ ibe ke ire Jioba okiban ntitiin̄ kan̄?

• 

  Ike owa ke ebi eyi Jioba esa igbe utọọn̄ ejit ikerere me irek tukutuku?

• 

  Kpasi aya ngobo ntet ke ebi eyi Jioba ekaan̄ me 1935, kpasi mgbaan̄ ke eya okaan̄ me lek kiban̄?

• Ire owuuk lek isi ere esun̄be usini mkpọ ya mè iyaka ire otu agọọk ikwaan̄ okup me ido kiji, keke ke omun̄ eyi onanama ichechieek kwun̄ ibe ke Jioba okiban mè ikibem ebi eyi kan̄?