Kitọn̄ Jioba kubọk Ogwu Okigbọ Oniin̄

Ebi Ijeren mikaan̄ ibot ibot inu ebetọn̄ Jioba me lek. Ọmọ osan̄a ema isibi me Ijipiti mè inyan̄a ema isibi me ubọk ebi akọn̄ Fero! (Isis 15:1, 2) Jioba ikukup inye ikirọ ata mkpọ isa inyi ebi eyi kan̄. Kpa ubọk ke eji ebesa ikitọn̄ ọmọ?—Itọn̄ 116:12.

Oniin̄ ge ire sa me ikekigbọ oniin̄ eyi mgbidim mgbọ mè iyaka ire eyi ojot mgbọ. (Filip 2:13) Owuwa ene ekibene me lek igbọgbọ oniin̄ eyi mgbidim mgbọ. Owu mokọt igobo inyinyi mbubak mgbọ 30 mè iyaka ire 50 me emen Onyan̄ Ita mè Onyan̄ Ini melek onyan̄ eyi ogwu sekut onube inikpọ ntitiin̄ kinyi. Osikaan̄ unwọọn̄ inan̄a me lek igbọgbọ oniin̄ eyi mgbidim mgbọ, mokọt ibieen̄ owu ibe otap efuuk inyi okọt okana ogwu okigbọ oniin̄ eyi ojot mgbọ. Usini me lek ebi ikigbọ oniin̄ ojot mgbọ ire ebi ikirurumun̄ me lek orukan̄, mè ebi ikisi ikwaan̄ iweek owot eyi ojot mgbọ si. (mwb16.07 8) Me atikọ, igbe ibe eji etap efuuk geelek eji mekọtbe isasa itọn̄ Jioba!—1 Mfuf 16:25.

IKPỌ FIDIO EBI NGWAN̄ ITA ME MONGOLIA, MÈ IFỌỌK IDODO CHI:

• 

  Kpasi rumurumun̄ ke ebi ngwan̄ ita cha echichini mè ikọt itim igak ufuna ekọt ekana ebi ikigbọ oniin̄ ojot mgbọ?

• 

  Kpasi ugbana ke ema ekaan̄?

• 

  Mije ekanabe ebi ikigbọ oniin̄ ojot mgbọ, kpasi irek isisi ikwaan̄ inyi Jioba ke ema ekaan̄ igbaalek?

• 

  Kpasi mgbaan̄ ke akpat ukot kiban̄ okaan̄ me lek ebi ofifi ife?