ILULUK UGWEM KUBỌK EBI EYI KARAIS
Gbala Chieen̄ Mun̄ Ibe Ke Okakikpa Ataak Ataak Ukpatu Ikana Ere
Me chereyi, mekọt igwat lek iria etip ijet efie efie ene inan̄a me lek ikpa egonbe, radio, okop ikpọ mkpọ mè Intaneti. Ebi ikitọbọ ebum inyi “Awaji ogwu atikọ” kpekikpa ukpatu ataak ikana ere, ikerere mè ekariọọn̄ge. (Itọn̄ 31:5; Isis 23:1) Ukpatu ataak ekpọkpọk ikikpa ikana ere mokọt isan̄a nga unan ile isibi. Osikikeek mè mkpọ ire atikọ sa ire ataak, do lek kwun̄ ibe:
‘Ire ukpatu ya inan̄a me otu ogwu ntoon̄be ejit me lek ni?’ Mokọt ire ibe ke ogwu okpakpa ukpatu ya ikariọọn̄ otutuuk inu obọbọkọ irek. Ukpatu ekikpa ikana ere ikinwenwene, eya orọ, gbala chieen̄ mè ire okariọọn̄ ubọk ukpatu ya osabe ibene. Ebi ikaan̄ akpan ikwaan̄ me ntitiin̄ ire ebi etoon̄be ejit me lek, eya orọ, ema megbala chieen̄ imun̄ ibe ke ema kpetumu inu ekariọọn̄ge mè ire atikọ sa ire ataak
‘Ire ekisa ukpatu ya itumu ene ifiat ni?’ Ire ukpatu ya ikifiat erieen̄ ene ge mè iyaka ire urum ene, ikagbe ibe eji ekpọkpọ ekekpa ukpatu ya ekana.—Urọk 18:8; Filip 4:8
‘Ukpatu ya ire inu ebekọt ichieek me lek ni?’ Gbala chieen̄ me mgbọ ebi ene ekebikpa ukpatu
IKPỌ FIDIO KPA UBỌK KE MBASA IJIT IKEKIKPA OTU? MÈ IFỌỌK IDODO CHI:
Igọọk me lek mkpọ okup me ikpa Urọk 12:18, kpasi unan ke ikọ ene otumube obokọt isan̄a isibi?
Ike owa ke ikpa Ebi Filipai 2:4 obosa itap ubọk inyi eji ekọt erọ ata ntumu mfieek ofolek mkpọ eji ebekitumu ofolek ebi ofifi ife?
Keke ke eji eberọ mè ire ekisa ebi ofifi ife irọ mkpọ ochak mè iyaka ire ekitumu ijo ikọ ikeme ema?
Sabum eji ebebene ikikpa mkpọ ofolek ebi ofifi ife, kpasi idodo ke eji ebedo lek kiji?