Mọnọ Mgbaan̄je Kwun̄ Melek Jioba Bene

Ebi Ata-ikọ Jioba mikaan̄ irek eyi osibi esese. Kubọk ebi isasa lek kiban̄ inyi Awaji mè ikaan̄ ntap-me-mun̄, eji ge ge mikaan̄ ata mgbaan̄je melek Jioba, Ogwukaan̄ kiji. Ọmọ itaba eji inu me lek kan̄ inan̄a me lek Gwun̄ kan̄. (Jọn 6:44) Ikekigban̄ utọn̄ me lek uriaak kiji.—Itọn̄ 34:15.

Kpa ubọk ke eji ebesa ibem mgbaan̄je kiji melek Awaji, eyi onyenye otu ewe ni? Eji mejit igọgọọk ijo akpat ukot ebi Ijeren. Me ikafiin̄ge eyi Jioba onyan̄abe ibot melek kiban̄ isan̄a, ema misa alata araran̄ itọkọ mkpọmfaka obet lek gwun̄ eriembuuk mè ibene ikifaka mkpọmfaka ya. (Isis 32:7, 8; 1 Kọr 10:7, 11, 14) Eji mekọt ido lek kiji ibe: ‘Keke ke nkirọ mè ire nchichini ntọ-mkpọ? Ire irọrọ n̄a ikekijeen̄ ibe ke emi mmọnọ mgbaan̄je n̄a melek Jioba ibene ni?’ Udọk udọk ima eji ekaan̄be me lek Nte kiji ogwu okup me emen inyọn̄ motap ubọk inyi eji ekọt ekejit inu geelek ichabe.—Itọn̄ 97:10.

IKPỌ FIDIO BEM MGBAAN̄JE KWUN̄ MELEK JIOBA (KỌL 3:5), MÈ IFỌỌK IDODO CHI:

• Ikakaan̄ ijo ulọk me lek inu ofifi ene isibi keke?

• Eke orọ eji ebejit ikakaan̄ chieen̄ ile mè ikekifaka mkpọmfaka?

• Kpasi mgbaan̄ ke eru ngan mè ikekifaka mkpọmfaka okaan̄?

• Eke orọ ebi ikakaan̄ olom mè nwa, ogakge ebi ikakaan̄ akpan ikwaan̄ me ntitiin̄ ebekikpọ chieen̄ me lek ufiak nwa kiban̄ mè nlom kiban̄?