Inu Nrom Ikirọ Ibe Utoon̄-ejit Kiji Inye Me Lek Iriọọn̄-inu Kè Jioba

Ire Jioba ikekichubọk iriọọn̄ inu onwọnwọn isa inyi eji me mgbọ geelek nje? Ikekiriọọn̄! Mije keyi, eji ikekigọọk ntọ-ubọk kan̄ ire eyi okijeen̄ iriọọn̄-inu. (Urọk 16:3, 9) Ire, utoon̄-ejit kiji me lek kan̄ ibe ke ọmọ moban eji ire eyi monin̄be me ntọmkpọ me ire inu ikaje ikike igọọk me ubọk eji ekeekbe. Eji mekọt irọ ibe utoon̄-ejit kiji me lek iriọọn̄-inu kè Jioba inye sa me ikekigwu nkeek ikom me lek inu echi irombe.—Urọk 30:24, 25; Rom 1:20.

IKPỌ FIDIO IRE EROROM NJE? IKE OWA KE EBI KÈ ATAT EKISA IJE IJE ME KPEKEBE IGBAAN̄ IKWAK? MÈ IFỌỌK IDODO CHI:

• Keke ore ikwaan̄ ogbogbo atat okirọ me usen geelek?

• Ike owa ke atat okisa irọ ufuna ema ekakigbaan̄ ikwaak?

• Kpasi onineen̄ eyi ema ekisa ije ije ufuna ema ekakigbaan̄ ikwak obogbe ibe ebilene ekween̄?

IKPỌ FIDIO IRE EROROM NJE? UBỌK EBI KÈ AKWỌỌK EKISA IWULU, MÈ IFỌỌK IDODO CHI:

• Kpasi rumurumun̄ ke ebilene ekikaan̄ me mgbọ geelek ema esikikọp uji inyọn̄ eyi ikamiminge?

• Ike owa ke ebi kè akwọọk okikọt ikup inye ikiwulu eyi unye efet ikakisisaak?

• Ike owa ke ebilene ebekọt isa ikaan̄ oruru inan̄a me lek iriọọn̄-inu eyi ebi kè akwọọk ekaan̄be me mgbọ okinu me isi?

Me ere olukbe, kpasi inu ore eyi okikpọk mbum iriọọn̄-inu kè Jioba inan̄a me lek inu irombe?