Oniin̄ Ita Echi Ebesa Iyaka Lek Imaan̄ Me Lek Jioba

Debit itim igak Golayat mije iyakabe lek imaan̄ me lek Jioba. (1 Sam 17:45) Jioba iweek isasa unye kan̄ inyan̄a otutuuk ebi usun̄ kan̄. (2 Mfuf 16:9) Ike owa ke eji ebesa iyaka lek imaan̄ me lek ntap-ubọk Jioba okebinyi me ikarege unye melek iriọọn̄-inu kiji? Inu ita chi motap ubọk inyi eji:

• Kiriaak uriaak mgbọ geelek. Kakpọkpọk ikiriaak ibe Awaji itele ijo kwun̄ inyi owu osirọ ijo inu, ire, kibeek si ibe inyi owu unye inyi okọt okojit ntọ-mkpọ. (Mat 6:12, 13) Kakpọkpọk ikiriaak ibe Jioba igbana ntumu-mfieek kwun̄ me mgbọ osirọ isan̄a, ire, kibeek si ibe inyi owu iriọọn̄-inu melek ntọ-ubọk kan̄ sabum oborọrọ ntumu-mfieek geelek.—Jemis 1:5

• Kifuk mè kikween̄ Baibul usen geelek. Kifuk Baibul usen geelek. (Itọn̄ 1:2) Kigwu nkeek kom me lek ata akpat ukot okup me Baibul mè kitap inu okween̄be me ikwaan̄. (Jemis 1:23-25) Kineen̄ lek jaan̄ sabum onosibi uko kpan̄asi oboyaka lek imaan̄ me lek inu owuukbe lek iriọọn̄. Kibem lek jaan̄ ufuna okokaan̄ ata oruru me lek nkween̄mkpọ ntitiin̄

• Kigọọk ntọ-ubọk Jioba okisa ntitiin̄ kan̄ inyi. Kiriọọn̄ mè kigwat lek gọọk ntọ-ubọk echi ntitiin̄ okebinyi. (Ifuk 9:17) Kisiki ibot gọọk nteme mè ntọ-ubọk ebi ugane ntitiin̄ ekebinyi.—Iburu 13:17

IKPỌ FIDIO KPUNU INU OBORỌ IBE EJI EFIEEK OWOT MIJE TUKUTUKU, MÈ IFỌỌK IDODO CHI:

• Kpasi ukpook ke bọn ute ibaan̄ mè irieen̄ chi ekaan̄?

• Keke otap ubọk inyi ema mè ekọt etim egak ukpook kiban̄?