Sa Me Ukarajit Kikwek Isi Me Lek Uyọt Mkpọ

Eji ekichichini owuwa ufialek me ota mgbọ yi. Ike ota ukot keyi okigbet, ufialek iborọriọọn̄ ikiwa. Usini mgbọ, eji mekọt inan usini mkpọ echi okukup ufiak. (Abak 3:16-18) Keke obotap ubọk inyi eji ekọt ekesa me ukarajit ekwek isi me lek uyọt mkpọ? Eji ebekukup inye ikitoon̄ ejit me lek Jioba, Awaji kiji. Ichieek use ibe ke ọmọ mokpọ chieen̄ me lek ebi usun̄ kan̄, ọmọ mokọt isan̄a inu eji eweekbe isibi inyi eji me irek geelek si.—Itọn̄ 37:18, 19; Iburu 13:5, 6.

Inu obokọt irọ:

• Beek ntọ-ubọk, iriọọn̄-inu mè ntap-ubọk kè Jioba. —Itọn̄ 62:8

• Bem lek ibọbọkọ ikwaan̄ echi okawuukbe lek irọ.—g 1/10 8-9, boxes

• Kirọ inu echi obotap ubọk inyi owu okọt okup onye me irek emen ekwukwu kubọk ifufuk Baibul usen geelek, isisi nkween̄mkpọ ntitiin̄ mè ikekitap lek me lek ikwaan̄ ilolook ata etip

IKPỌ FIDIO NAMA OTOTUN̄ UKAN̄ ONYENYE—KAAN̄ “UJOT OWOT ME LEK INU OKAAN̄BE.” MÈ IFỌỌK IDODO CHI:

• Ire kpasi rumurumun̄ kè usini ototun̄ ukan̄ echichini?

• Keke okup ufiak ichit me ugwem?

• Kpa ubọk ke eji ebesa itap ubọk inyi ebi ikikwek isi me lek uyọt mkpọ?