To Mkpọ Echi Obokọt Irọ Itet Me Mgbọ Orirọ Isasa Ikeek Mkpa Kè Jisọs Me Isi

Acha geelek, ebi eyi Jioba ekikpọ chieen̄ igbagbaan̄ irọ Orirọ Isasa Ikeek Mkpa Kè Jisọs. Nde inen mè inen sabum enerọ Orirọ Isasa Ikeek Mkpa Kè Jisọs mè mgbọ erọbe isan̄a, eji ekekinyi Jioba umin mè ikitọn̄ ọmọ mije Karais okwube inyi eji. (Efes 1:3, 7) Kubọk inu njeen̄, eji mikitap efuuk ikigwen ebi ofifi ife ibe enu Orirọ Isasa Ikeek Mkpa Kè Jisọs. Usini ene ekekirọ unwene ogbegbe inyi ema ekọt egbọ oniin̄ me mgbidim mgbọ me emen Onyan̄ Ita mè iyaka ire Onyan̄ Ini, mgbọ mekọtbe inyi mbubak mgbọ 30 mè iyaka ire 50. Ire omoma itatap lek ijaan̄ me lek ikwaan̄ uko me ibot mgbọ ekirọ Orirọ Isasa Ikeek Mkpa Kè Jisọs ni? Keke obokọt itap ubọk inyi owu okọt orọ eyi?

Owuwa mgbọ, eji mikikọt irọ owuwa inu itet mè ire eji idasi itọt mkpọ eji eberọ ya me enen mgbọ. (Urọk 21:5) Eyi irebe ibe ke mgbọ eberọ Orirọ Isasa Ikeek Mkpa Kè Jisọs okigbet, ire mgbọ keyi ke eji ebebene ikitọt inu eji eberọ. Keek nu ubọk obokọt isa iwele owot ikwaan̄ uko kwun̄ me ibot mgbọ eberọ Orirọ Isasa Ikeek Mkpa Kè Jisọs mè tumu fieek inu oborọ inyi okọt orọ inu otobe me isi otet. Mè beek Jioba ibe igbana efuuk kwun̄.—1 Jọn 5:14, 15.

Ire omokọt ikeek usini oniin̄ obokọt isa iwele owot ikwaan̄ uko kwun̄ me ibot mgbọ eberọ Orirọ Isasa Ikeek Mkpa Kè Jisọs ni?