ILULUK UGWEM KUBỌK EBI EYI KARAIS
Ebi Ikpukpo Arọọn̄ Ikisi Ikwaan̄ Oborọ Ebi Eyi Jioba Oruru
Owuwa ebi ene mikaan̄ lọlọ nkeek ofolek ebi ikakaan̄ unye ntọ-ikọ. Eji mekọt igobo itet inu orọrọ. Owuwa ebi ene misa unye kiban̄ isa irọ mkpọ me oniin̄ ikanwọnge, ema ekisa irọ inu oborọ ema gaalek oruru. (Maika 7:3) Ikitop eji me lek enenen ibe ke ebi ugane ntitiin̄ ire ebi ekpukpobe ibe ekesa unye ntọ-ikọ kiban̄ ekesa erọ mkpọ obokisa oruru isa ijet ebi eyi Jioba.—Esita 10:3; Mat 20:25, 26.
Ebi ugane ntitiin̄ kpekup kubọk owuwa ebi ikakaan̄ unye ntọ-ikọ me linyọn̄ yi. Kpan̄asi ikeya, ema ekirọ ikwaan̄ kiban̄, mije ima ema ekaan̄be me lek Jioba mè ebi eyi kan̄. (Jọn 21:16; 1 Pita 5:1-3) Sa me igọgọọk ntọ-ubọk Jisọs, ema ekirọ inyi otutuuk ebi ikup me ntitiin̄ ekemun̄ lek kiban̄ kubọk ema ire okpọkọ ge me lek ototun̄ ukan̄ Jioba mè ekup enye eketaba lek eriaak me lek Jioba. Ema mikigwat lek itap efuuk me owot arọọn̄ kè Jioba mè etap ubọk enyi ema si mgbọ geelek ema ekaan̄be orukan̄ okukup unye unye mè iyaka ire mfufiat isirọn̄ itet ema. Mè ire oweek ntap-ubọk, tumu nyi ogwu ugane ge me ntitiin̄ kwun̄.—Jemis 5:14.
IKPỌ FIDIO EBI IKPUKPO ARỌỌN̄ IKIKPỌ CHIEEN̄ IJAAN̄ ME LEK ARỌỌN̄, MÈ IFỌỌK IDODO CHI:
Ike owa ke Mariana osa ikaan̄ oruru inan̄a me lek ntap-ubọk ebi ugane ntitiin̄ enyibe?
Ike owa ke Elias osa ikaan̄ oruru inan̄a me lek ntap-ubọk ebi ugane ntitiin̄ enyibe?
Ike owa ke mfufuk chi osa ikaan̄ mgbaan̄ me lek ubọk okimun̄ ikwaan̄ ebi ugane ntitiin̄ ekirọ?