ILULUK UGWEM KUBỌK EBI EYI KARAIS
Ebi Uga mè Ute—Itap Ubọk Inyi Nsabọn Kinyi Inyi Ema Ekaan̄ Iriọọn̄-Inu Awaji
Oniin̄ ge onwọnwọn ichit eyi uga mè ute ebesa itap ubọk inyi nsabọn kiban̄ ekaan̄ iriọọn̄-inu Awaji ire inan̄a me lek itatap ubọk inyi ema ekaan̄ oruru enan̄a me lek nkween̄mkpọ ntitiin̄. Inu ebi ijija ekimun̄, inọ, mè ikitumu ike ema ekifọọk ikọ me nkween̄mkpọ motap ubọk inyi ema ekween̄ mkpọ ofolek Jioba mè ekana ata ebi unene kan̄. (Ikan 31:12, 13) Ire owu ire uga mè iyaka ire ute, ike owa ke obosa itap ubọk inyi nsabọn kwun̄ inyi ema ekaan̄ oruru omimin ichit enan̄a me lek nkween̄mkpọ ntitiin̄ ni?
Itap efuuk ufuna enyi mekọt ikinu nkween̄mkpọ eyi isi mè isi.—Itọn̄ 22:22
Imun̄ ijaan̄ ibe ke enyi mikifiat mgbọ melek ebi bọn ute irieen̄ mè ibaan̄ me Uwu Ntitiin̄ sabum nkween̄mkpọ onobene mè iyaka ire isi isibi.—Iburu 10:25
Imun̄ ijaan̄ ibe ke otutuuk ene me ototun̄ ukan̄ mikaan̄ ikpa ekikween̄ mè ire me emen fun sa ire eyi egonbe isibi
Itap ubọk inyi nsabọn kinyi ibe eneen̄ lek mè ekenyi ufọọk-otu enan̄a me ejit kiban̄.—Mat 21:15, 16
Ikitumu ata mkpọ ofolek nkween̄mkpọ mè nteme eji ekibọkọ me ere ya
Itap ubọk inyi nsabọn kinyi ibe ekegọọk etap lek me ikwaan̄ isusun̄ Uwu Ntitiin̄ me utana mè ekegọọk ebi ininiin̄ ugane me ntitiin̄ ekekpa usem
Itatap ubọk inyi nsabọn kinyi etaba lek eriaak me lek Jioba iweek unye ikwaan̄, usini mgbọ si, mokọt ikup kubọk kpebekọt irọ. Ire, enyi mekọt iyaka lek imaan̄ me lek ntap-ubọk kè Jioba.—Asaya 40:29.
IKPỌ FIDIO UGA MÈ UTE IYAKA LEK IMAAN̄ ME LEK JIOBA MELEK UNYE KAN̄, MÈ IFỌỌK IDODO CHI:
Kpasi mgbaan̄ ke uwọ-lek okaan̄ me lek Zack mè Leah?
Keke orọ ikupbe ufiak ibe uga mè ute ebeek Jioba ibe inyi ema unye?
Oniin̄ echi owa ke Zack mè Leah esa iyaka lek kiban̄ imaan̄ me lek Jioba ibe itap ubọk inyi ema?