ONYAN̄ INI 29–ONYAN̄ GO 5
OKWA ITỌN̄ 34-35
Okwa Eyi 10 mè Uriaak | Usem Ebesa Ibene (Nkikek mgbọ 1)
1. “Kitọn̄ Jioba Mgbọ Geelek”
(Nkikek mgbọ 10)
Debit itọn̄ Jioba ikerere me mgbọ ikije itibi irek oyọyọt (Itọn̄ 34:1; w07 3/1 22 ¶11)
Debit ikisa Jioba igugo lek, ikare lek kan̄ (Itọn̄ 34:2-4; w07 3/1 22 ¶13)
Itọn̄ Debit okinyi Jioba itap efuuk me owot ebi melek kan̄ (Itọn̄ 34:5; w07 3/1 23 ¶15)
Mgbọ Jioba onyan̄abe ọmọ isibi me ubọk Abimelek, efit ebirieen̄ ini ebi kpebele ejit me irak mkpulu kè Sọọlu minu me lek Debit me emen èwê. (1 Sam 22:1, 2) Mokọt ire ema ke Debit okaan̄ me nkeek mgbọ ikige okwa yi.—Itọn̄ 34, inu egebe me inyọn̄.
DO LEK KWUN̄ IBE: ‘Ike owa ke mbasa itọn̄ Jioba nsikigọọk ene ikpa usem me ofifi nkween̄mkpọ ntitiin̄?’
2. Week Inu Unye Otu Ewe Okup Me Usem Awaji
(Nkikek mgbọ 10)
Itọn̄ 35:19—Keke ke isibi me mgbọ Debit obeek ibe Awaji ikachieek ibe ebi ochicha kan̄ “ekebe” ọmọ? (w06 5/15 20 ¶2)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Itọn̄ 34:1-22 (th inu nkween̄ 5)
4. Ibebene Ukpatu
(Nkikek mgbọ 2) ME MGBỌ OKASIBIBE UKO. Usem kinyi iyaka sabum okọt ilook ata etip. (lmd inu nkween̄ 1 agba eyi 4)
5. Igọgọọk Ulọk
(Nkikek mgbọ 4) ME MGBỌ OKASIBIBE UKO. (lmd inu nkween̄ 2 agba eyi 4)
6. Ikpakpa Nchieek Kwun̄
(Nkikek mgbọ 5) Orirom. ijwfq 59—Ibot Usem: Ike Owa Ke Ebi Ata-Ikọ Jioba Ekisa Iriọọn̄ Mè Ire Ijọk Ge Itat? (th inu nkween̄ 17)
Okwa Eyi 59
7. Oniin̄ Ita Eji Ebekọt Ikisa Itọn̄ Jioba me Nkween̄mkpọ Ntitiin̄
(Nkikek mgbọ 15) Igbaan̄ ikpa.
Nkween̄mkpọ ntitiin̄ ikinyi eji atalek irek isasa itọn̄ Jioba. Kpọ-nu oniin̄ ita eji ebekọt isa irọ ikeya.
Igọgọọk ebi ene ikpa usem: Kitumu mkpọ ofolek ata mkpọ Jioba orọbe osikigọọk ebi ene ikpa usem. (Itọn̄ 145:1, 7) Ire onọ mè iyaka ire ifuk mkpọ ge eyi otatap ubọk inyi owu ni? Ire okaan̄ ata ukpatu me ikwaan̄ uko ni? Ire usem mè iyaka ire inu ene ge orọbe itap owu efuuk me owot ni? Ire ikaan̄ inu nrom ge omun̄be eyi ototop owu me lek ni? Otutuuk inu chi ire uche onan̄a me ubọk Jioba. (Jemis 1:17) Kinu nkween̄mkpọ me ata mgbọ inyi okaan̄ mgbọ osa ogọọk ebi ofifi ife okpa usem.
Ifọfọọk ikọ: Sa inyi ofọọk ikọ ikerere mgbọ ge me nkween̄mkpọ ntitiin̄ geelek. (Itọn̄ 26:12) Omokọt inyi ufọọk-otu isa inyi idodo edobe, itumu mkpọ ofolek ofifi mkpọ okup me ere ekikween̄, itumu mkpọ ofolek ere Baibul ge, ogugo mè iyaka ire ubọk ebekọt isa inu ekikween̄ ya itap me ikwaan̄. Eyi irebe ibe ke ebi ofifi ene mekọt ibene ubọk me mgbọ obenebe, neen̄ owuwa ufọọk-otu. Owuwa ene mekọt ikinyi Awaji “mfut ònan̄a me otu,” ire ufọọk-otu kiji ikaraka akọp mkpọ ikpan̄ chieen̄ ita.—Iburu 13:15.
Ikọkọt okwa: Kisa me uyok uyok ejit kikọt okwa ntitiin̄. (Itọn̄ 147:1) Usini mgbọ, okpobokọt ikaan̄ irek igọọk ifọọk ikọ me nkween̄mkpọ ntitiin̄ geelek ogakge me ntitiin̄ ene ewabe, ire, omokọt igọọk ikọt okwa. Ikerere ibe ke okimun̄ lek kwun̄ kubọk ogwu ikariọọn̄ ikọt okwa, mgbọ geelek osirọ eyi obokọt, Jioba ikibebele ejit! (2 Kọr 8:12) Omokọt ineen̄ lek sa me ikekikween̄ okwa cha me uwu.
Fit FIDIO yi Ntitiin̄ Kiji Okije Inyi Isi—Okwa Kiji, Okpọkọ 1. Mè do ebi ikigban̄ ibe:
Me mgbọ ntitiin̄ obenebe ayaya me ukot kiji, ike owa ke eji esa ijeen̄ ibe ke ikọkọt okwa itọn̄ Jioba ikup ufiak?
8. Nkween̄mkpọ Baibul Eyi Ntitiin̄
(Nkikek mgbọ 30) bt ibot 9 ¶1-7, ibebene okpọkọ 3 mè okop okup me isi ikpa 70