ONYAN̄ GWEREGWEN 9-15
URỌK 17
Okwa Eyi 157 mè Uriaak | Usem Ebesa Ibene (Nkikek mgbọ 1)
Olom mè nwa ebi Ijeren ikigbaan̄ irie mfufet inorie me ere okukup esuuk esuuk
1. Nwọọn̄ Esuuk Me Mbat-Olom Kwun̄
(Nkikek mgbọ 10)
Iweek efuuk isasa isun̄ esuuk me mbat-olom, ire, mbat-olom kwun̄ mokaan̄ oruru me ire esuuk ikup (Urọk 17:1; kpọ okup me isi ikpa yi)
Jit ikekinaan̄ ejit me lek asabọn̄ asabọn̄ inu geelek (Urọk 17:9; g 9/14 11 ¶2)
Kitọ ikọ nyi unaan̄-ejit kwun̄ (Urọk 17:14; w08 5/1 10 ¶6–11 ¶1)
2. Week Inu Unye Otu Ewe Okup Me Usem Awaji
(Nkikek mgbọ 10)
Urọk 17:24—Me oniin̄ okukup ke ‘ogwu mbubut okibubat chieen̄ isi igwook me okputut linyọn̄’? (it-1 790 ¶2)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Urọk 17:1-17 (th inu nkween̄ 10)
4. Ibebene Ukpatu
(Nkikek mgbọ 3) ME MGBỌ OKASIBIBE UKO (lmd inu nkween̄ 3 agba eyi 5)
5. Ibebene Ukpatu
(Nkikek mgbọ 4) ILOLOOK ATA ETIP ME ERE UWA-ENE. Tumu mkpọ ofolek nkween̄mkpọ Baibul. (lmd inu nkween̄ 6 agba eyi 4)
6. Usem
(Nkikek mgbọ 5) ijwbv ibot usem eyi 60—Ibot Usem: Keke Ke Inu Okup Me Ikpa Urọk 17:17 Osibi? (th inu nkween̄ 13)
Okwa Eyi 113
7. Kaan̄ Eru Echi Oboro Ibe Ekegbaan̄ Ekpa Usem Ejaan̄
(Nkikek mgbọ 15) Igbaan̄ ikpa.
Inyi ubelejit ikup me ototun̄ ukan̄, ata mgbaan̄ usem mkpa ikup ufiak enenen. Mgbo geelek ebi ototun̄ ukan̄ ekichili ejit ikpa usem melek ge ge, ema mekọt igbaan̄ ikwaan̄ isi, mè itap ubọk inyi ge ge me mgbọ ufialek. (Urọk 15:22) Keke ke oborọ inyi otutuuk ene me ototun̄ ukan̄ kwun̄ ekechili ejit ikpa nkeek kiban̄ mè ubọk inu okikup ema me lek ni?
Ikifiat mgbọ melek ge ge. (Ikan 6:6, 7) Mgbọ geelek ebi ototun̄ ukan̄ ekigbaan̄ isi ikwaan̄, ikigbaan̄ isi nkween̄mkpọ ntitiin̄, ikigbaan̄ isibi ukọ, mè ikigbaan̄ inwọọn̄ lek, ema ekirọ inyi ima mè utoon̄-ejit kiban̄ melek ge ge ikinye. Ema si ekisan̄a irek isibi isasa ikinwọọn̄ ata mgbaan̄ usem mkpa. Usini mgbọ moweek ibe otele irọrọ usini mkpọ oweekbe, mè orọ eyi ebi ototun̄ ukan̄ kwun̄ eweekbe. Ire, ikekijeen̄ ima me lek ebi ototun̄ ukan̄ kwun̄ ikaan̄ oruru me lek! (Filip 2:3, 4) Ike owa ke enyi ebekọt isa mgbọ enyi egbaan̄be ititiin̄ iro inu me oniin̄ onwọnwọn̄ ichit ni?—Efes 5:15, 16.
Fit FIDIO yi Je Me Oniin̄ Okinyi Ene Esuuk Me Ototun̄ Ukan̄—Ikigbaan̄ Ikpa Usem Ijaan̄. Mè do ebi ikigban̄ ibe:
Ike owa ke ikekisa fun irọ mkpọ me oniin̄ ikagbege obosa ikaan̄ mgbaan̄ me lek igbagbaan̄ usem ikpa me ototun̄ ukan̄?
Keke si ke okween̄ ofolek ata mgbaan̄ usem mkpa me emen fidio yi?
Re ogwu okigban̄ utọn̄ ijaan̄. (Jemis 1:19) Nsabọn̄ mema ikpakpa ubọk inu okikup ema me lek me ire ema kpekaan̄ ukpook ibe ke me gobo ema itet ilọ mè iyaka ire inaan̄-ejit inyi ema. Eya orọ kanaan̄ ejit me ire gwun̄ kwun̄ itumu inu okamabe. (Urọk 17:27) Kpan̄asi ikeya, gban̄ ọmọ mè tap lek kwun̄ me irek kan̄. Sa inyi ogobo otet nkeek kan̄ mè ubọk inu okikup ọmọ me lek inyi omokọt isa me ima ikat ọmọ ejit mè iyaka ire itap ubọk inyi ọmọ.
8. Nkween̄mkpọ Baibul Eyi Ntitiin̄
(Nkikek mgbọ 30) bt ibot 27 ¶19-22, okop okup me isi ikpa 212