ONYAN̄ JEETA 18-24
URỌK 27
Okwa Eyi 102 mè Uriaak | Usem Ebesa Ibene (Nkikek mgbọ 1)
1. Ubọk Eji Ekisa Ikaan̄ Oruru Inan̄a Me Lek Ata Ebi Unene
(Nkikek mgbọ 10)
Ata ebi unene ekisasa me unye-ejit inyi ebi unene kiban̄ nteme ema eweekbe (Urọk 27:5, 6; w19.09 5 ¶12)
Ata ebi unene kiji mekọt iriọọn̄ ijaan̄ ubọk ebesa itap ubọk inyi eji igak ebi ngwan̄ kiji (Urọk 27:10; it-2 491 ¶3)
Ata ebi unene ekitap ubọk inyi eji ere ata ene (Urọk 27:17; w23.09 10 ¶7)
2. Week Inu Unye Otu Ewe Okup Me Usem Awaji
(Nkikek mgbọ 10)
Urọk 27:21—Ike owa ke ubọk eji ekirọ eru me mgbọ ekitọn̄ eji okisa ijeen̄ mbet lek ene eji erebe? (w06 9/15 19 ¶12)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Urọk 27:1-17 (th inu nkween̄ 5)
4. Ibebene Ukpatu
(Nkikek mgbọ 3) INANAN̄A ME UWU IRE UWU. Ene ya ikisi uwu uriaak ebi kpechieek me lek kè Karais. (lmd inu nkween̄ 6 agba eyi 5)
5. Igọgọọk Ulọk
(Nkikek mgbọ 4) ME MGBỌ OKASIBIBE UKO. Jeen fidio ge okup me emen Okop Mkpọ Ikwaan̄ Kiji. (lmd inu nkween̄ 8 agba eyi 3)
6. Usem
(Nkikek mgbọ 5) ijwyp ibot eyi 75—Ibot Usem: Keke Ke Mbarọ Me Ire Ogwu Unene N̄a Irọ Mkpọ Onanaan̄ Emi Ejit? (th inu nkween̄ 14)
Okwa Eyi 109
7. ‘Ngwan̄ Obokọt Itoon̄ Ejit Me Lek Me Mgbọ Ufialek’
(Nkikek mgbọ 15) Igbaan̄ ikpa.
Jioba inyi eji ntitiin̄ kan̄ eyi okup me otutuuk linyọn̄, ere eji ebekọt imun̄ ata ebi unene ikakaan̄ ima. Eji mekọt ikichat lek melek owuwa ene me ntitiin̄, ire, ene ineen me lek kiban̄ echubọk ire ebi unene kiji? Inyi eji ere unene onyenye, eji mesa ikekigobo ge ge itet, ikitoon̄ ejit me lek ge ge, ikigbaan̄ ikpa usem ijaan̄, ikigbaan̄ irọ mkpọ melek ge ge, mè ikiweek onwọn ge ge. Ikakaan̄ ata unene onyenye ichubọk ikimọnọ mgbọ mè efuuk.
Fuk Urọk 17:17. Mè do ebi ikigban̄ ibe:
Keke orọ inwọnbe ibe eji ekaan̄ ata unene me mgbọ keyi, sabum ikpele ujaralek onobene?
Fuk Ebi Kọrint Eyi Òso Iba 6:12, 13. Mè do ebi ikigban̄ ibe:
Ike owa ke itatap mkpọ okup me ere Baibul yi me ikwaan̄ obosa itap ubọk inyi eji ekaan̄ ata unene?
Fit FIDIO yi “Inu Geelek Ikaan̄ Mgbọ Kan̄”—Ikakaan̄ Ata Unene Ikimọnọ Mgbọ. Mè do ebi ikigban̄ ibe:
Keke ke okween̄ ofolek unene inan̄a me emen fidio yi?
Omokọt ibene unene melek ene sa me ikekike otu imọm mè iyaka ire itop ene amọn, mè ikirọ inyi unene ya inye sa me ikekijeen̄ ulọk me lek ene ya, mè ikirọ ibe unene ya ikije inyi isi sa me ikekisa me ime ikigọọk ene ya ikigbaan̄ mkpọ irọ. Ire okirọ mkpọ echi oborọ ibe unene kwun̄ inye, unene ya mokọt ibia isire mgbọ geelek.
8. Nkween̄mkpọ Baibul Eyi Ntitiin̄
(Nkikek mgbọ 30) lfb inu nkween̄ 10-11