AKỌP MÈ ONYAN̄ IBA 22-28
ASAYA 11-13
Okwa Eyi 14 mè Uriaak | Usem Ebesa Ibene (Nkikek mgbọ 1)
1. Keke Ke Baibul Otumu Ofolek Ogwu Mesaya?
(Nkikek mgbọ 10)
Ibonan̄a me owot iman kè Jesi itibi ogwu gwun̄ Debit (Asaya 11:1; ip-1 159 ¶4-5)
Mokaan̄ ekwukwu Awaji, mè ikaan̄ si ekwukwu eyi itetet ukpook Jioba (Asaya 11:2, 3a; ip-1 159 ¶6; 160 ¶8)
Ibokisa ata irọrọ mè nsan isibi oyerebet (Asaya 11:3b-5; ip-1 160 ¶9; 161 ¶11)
GWU NKEEK KOM ME LEK: Keke orọ ibe Jisọs inwọn̄ igak ebi mkpulu ebilene geelek?
2. Week Inu Unye Otu Ewe Okup Me Usem Awaji
(Nkikek mgbọ 10)
Asaya 11:10—Ike owa ke nriran okup me ere Baibul yi osa irọ iso? (ip-1 165-166 ¶16-18)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Asaya 11:1-12 (th inu nkween̄ 11)
4. Ibebene Ukpatu
(Nkikek mgbọ 3) INANAN̄A ME UWU IRE UWU. (lmd inu nkween̄ 2 agba eyi 5)
5. Igọgọọk Ulọk
(Nkikek mgbọ 4) ILOLOOK ATA ETIP ME ERE UWA-ENE. Sa mkpọ okup me jw.org sa fọọk idodo ene ya odobe. (lmd inu nkween̄ 8 agba eyi 3)
6. Irọrọ Ene Ebi Udun̄ Kè Karais
(Nkikek mgbọ 5) Tap ubọk nyi ogwu okigọọk ikween̄ mkpọ ibe ineen̄ lek igọgọọk owu isi ilook ata etip inan̄a me uwu ire uwu. (lmd inu nkween̄ 11 agba eyi 4)
Okwa Eyi 57
7. Ire Okisibi “Unen Oyerebet Ìgọọk Me Lek Atikọ” Ni?
(Nkikek mgbọ 15) Igbaan̄ ikpa.
Ike eji ekigọọk ebi ene irọ mkpọ egwe geelek, ikikaan̄ ubọk eji ekisa imun̄ ema, eji mekọt ikiro ntumu-mfieek ofolek kiban̄ igọọk me lek inu eji emun̄be cha. Usini mgbọ eji ekirọ inu chi me eji kpekikekeek. Ire, Jisọs ogwu eji ekigọọk akpat ukot, ikakirọ ikeya. (Asaya 11:3, 4) Jisọs mokọt iriọọn̄ inu okup ene me ejit, mè igobọ itet inu ene okikeek mè inu okibieen̄ ene ya ibe irọ inu geelek ikirọ. Eji kpekaan̄ mbet unye okup ikeya, ire, eji mekọt isa igọgọọk akpat ukot Jisọs. Jisọs Itumu ibe: “Ikayaka ìkisa inu chieen̄ kinyi okimun̄ gaalek ìfieek oyerebet ìnyi ene. Ìkisibi unen oyerebet ìgọọk me lek atikọ.”—Jọn 7:24.
Ire eji ekisa inu chieen̄ kiji okimun̄ gaalek ikisa ikpọ ebi ene, mokaan̄ ijo mgbaan̄ me lek ubọk eji ekisa irọ ikwaan̄ uko kiji. Kubọk inu njeen̄, ire eji mikitaba lek me ilolook ata etip me agan̄ ge mije ibe ke ebi ikiluk me agan̄ ya enan̄a me ofifi ere mè iyaka ire ekisi ofifi uwu uriaak ni? Ire eji mikitaba lek isisi isi ilook ata etip me ere ebi ubọọn̄ mè iyaka ire ebi ugbọọn̄ ekiluk ni? Ire eji mikikeek ibe ke ene ikpobokaan̄ ulọk mije ubọk ikweekbe ni? Nkeek Awaji ire me ‘mbet ebi geelek ekaan̄ unyan̄a, mè eriọọn̄ atikọ kan̄.’—1 Tim 2:4.
Fit FIDIO yi Inu Ekween̄be Inan̄a Me Emen Watchtower—Kasa Inu Chieen̄ Ene Okimun̄ Gaalek Ifieek Ene Oyerebet. Mè do ebi ikigban̄ ibe:
Kpasi esese esese irek ebi ene ekisa igobo ene isi ke ekpa me emen fidio ya?
Keke obokot iro me ntitiin̄ me ire eji ibene ikigobo ene isi?
Keke otapbe ubọk inyi bọn ute ebi ebọkọbe usem me otu me emen fidio ya ibe ejit ikekisa inu chieen̄ ene okimun̄ gaalek ifieek ene oyerebet?
Keke ke okween̄ inan̄a me emen ibot usem Watchtower ya?
8. Nkween̄mkpọ Baibul Eyi Ntitiin̄
(Nkikek mgbọ 30) lfb inu nkween̄ 46-47