Ibebene Okpọkọ 8

Jioba igbana Solomọn sa me inyinyi ọmọ uga iriọọn̄-inu mè irek inanama uwu mbuban. Ire, ike mgbọ ojebe, Solomọn obebene ikitele Jioba sọnja sọnja. Ire owu ire ute mè iyaka ire uga, riọọn̄ ubọk kpa nyi gwun̄ kwun̄ ubọk ataak ntọbọ-ebum osa irọ ibe Solomọn itele Awaji. Mkpulu ebi Ijeren itọbọ ibum, ebi ubọọn̄ ikirọ ijo inu mitele Awaji mè irọ inyi ebi ema ekikpulu ebene eketọbọ ebum enyi mkpọmfaka. Me ike mgbọ ya, mitutuku owuwa ebi nriran Jioba igbegbe utoon̄-ejit mè ikpan̄ ema. Ogwu ubọọn̄ enenwaan̄ Jeseben itaba ebi Ijeren ikup me irak mkpulu agan̄ inyọn̄ itap idọk me emen ataak ntọbọ-ebum. Mgbọ ya ichubọk ire mgbọ udun me mfufuk ebi Ijeren. Ire, ogbogbo ebi Ijeren mitọbọ ebum inyi Jioba mè igbe utoon̄-ejit inyi ọmọ, kubọk ogwu ubọọn̄ Jiosefat mè ogwu nriran Ilaija.