OKWA 71
Eji Ire Ebi Akọn̄ Kè Jioba!
(Ebi Efesọs 6:11-14)
1. Ebi akọn̄ Jioba,
Ke eji ere.
Me irak Gwun̄ kan̄ Jisọs,
Ke ’ji egbaan̄ ibọp.
Setan Ikama ibe,
Ekelook etip;
Eji ekup enye
Ekatet ukpook.
(KORỌS)
Ebi akọn̄ Jioba;
Mirak Jisọs K’rais,
Sa me unwọọn̄ kilook,
Etip Awaji.
2. Ebi ikwaan̄ Jioba,
Ke eji ere,
Ebi geelek ichechep,
Ke eji ekiweek.
Eji ekijeen̄ ema
Usem Awaji;
Eji egwen ema
Enu nkween̄’kpọ.
(KORỌS)
Ebi akọn̄ Jioba;
Mirak Jisọs K’rais,
Sa me unwọọn̄ kilook,
Etip Awaji.
3. Ebi akọn̄ Jioba,
Ekigọọk Jisọs,
Ire mibem lek ijaan̄,
Ge ge mekup inye.
Eji megbe utọọn̄’jit,
Mikaan̄ ugwọk chieen̄.
Mikitet lek inye,
Mgbọ ufialek.
(KORỌS)
Ebi akọn̄ Jioba;
Mirak Jisọs K’rais,
Sa me unwọọn̄ kilook,
Etip Awaji.
(Fuk si Filip 1:7; Filim 2.)