Baibul Ire Etip Awaji Isa Inyi Eji

Jioba onyi eji Baibul. Ire atalek uche obeben akọp asabọn ikpa gweregwen mè gweregwen. Ire, omokọt ikikeek ibe: ‘Owa ke Baibul onan̄a? Ire ekene okaan̄?’ Inyi eji efọọk idodo chi, kè eji ekpa ubọk etip Awaji okup me emen Baibul osabe ire eji ubọk.

1. Ire ebi ene ege Baibul, ike owa ke Awaji osa ire Ogwukaan̄?

Mkpọ obet lek akọp ene ini ege Baibul me mkpọ oraraka obop acha ge mè efit gweregwen, ibene me 1513 B.C.E. isa ire 98 C.E. Ema enan̄a me esese esese ere mè irọ esese esese ikwaan̄. Ire, otutuuk inu ema egebe ijeje ikike. Eya ijeje ifet ni? Bak lek Baibul orebe usem Awaji. (Fuk Ebi Teselonaika Eyi Adasi 2:13.) Ebi igege Baibul kpege nkeek kiban̄. Kpan̄asi ikeya, “îre Ekwukwu Mbuban onyi ebilene unye ibe etumu ikọ ònan̄a me ida Awaji.”a (Pita Eyi Òso Iba 1:21) Awaji isa ekwukwu mbuban kan̄ ibieen̄ ebilene ibe ege nkeek kan̄.—Timọti Eyi Òso Iba 3:16.

2. Ire ekene obokọt ikaan̄ oruru inan̄a me lek Baibul?

“Ebi ido geelek, mè ebi ife geelek, mè ebi otu usem geelek, mè ebi ere geelek” mekọt ikaan̄ oruru inan̄a me lek ata etip okup me emen Baibul. (Fuk Ichichili 14:6.) Awaji imun̄ ibe ke mikana Baibul itap me esese esese ida usem igak ofifi ikpa okukup me mfufuk. Ogbogbo ene mekọt ifuk mè iyaka ire igban̄ etip Awaji mè ekakpọge chieen̄ me ere ema ekiluk mè ida usem ekitumu.

3. Kpa ubọk ke Jioba osa ibem Baibul?

Ire ikpa anam mè papyrus (osùkut) ke edasi isa ige Baibul, ire, inu chi ikakifuk. Ire, ebi imama Baibul misa me ugbalachieen̄ ikpọk ige isibi. Usini ebi mkpulu mè ebi ibot uwu uriaak misa ikọkọt ifiat Baibul, ire, ebi ene mitap ugwem kiban̄ me ufe inyi ema ekọt ebem Baibul. Jioba ikachieek ibe ene geege mè iyaka ire mkpọ geege igban ọmọ ibe ikagọọk eji ikpa usem. Baibul ibe: “Ikọ Awaji kiji ìbokukup ire mgbọ geelek.”—Asaya 40:8.

KWEEN̄ GBAALEK

4. Baibul ijeen̄ Ogwukaan̄

Fit FIDIO yi. Mè fuk Timọti Eyi Òso Iba 3:16, mè igbaan̄ ikpa idodo chi ogọgọọk.

FIDIO: Ire Ekene Okaan̄ Baibul?—Okpọkọ Me Lek (2:48)

• Ire ebi ene ege Baibul, ike owa ke Awaji osa ire Ogwukaan̄?

• Ire ochieek ibe ke ire Awaji okpa nkeek kan̄ inyi eji inan̄a me lek ebi igege Baibul ni?

5. Baibul iluk itibi ukeme

FIDIO: Ema Mima Baibul—Okpọkọ Me Lek (William Tyndale) (6:17)

• Irọriọọn̄ efuuk etapbe ibebem Baibul ire irọ mè okaan̄ ulọk ikekifuk nje? Bak lek eke?

Fuk Okwa Itọn̄ 119:97, mè igbaan̄ ikpa idodo yi:

• Keke obieen̄ ebi ene ibe etap ugwem kiban̄ me ufe inyi ekọt ekana Baibul etap me esese esese usem mè eche ekana ere?

6. Ikpa okup inyi ene geelek

Me lek otutuuk ikpa, ire Baibul ke ekana itap me esese esese ida usem mè iche ichit. Fuk Ikwaan̄ 10:34, 35, mè igbaan̄ ikpa idodo chi:

• Keke orọ Awaji oweekbe ibe ekaba Usem kan̄ mè eche ekana me esese ere?

• Keke ke oma ofolek Baibul?

ME MGBIDIM

Baibul ire Usem Awaji, ọmọ si imun̄ ijaan̄ ibe ke otutuuk ebilene mekọt ikaan̄.

Idodo

• Itutumu ibe ke ebilene esa unye ekwukwu mbuban ige Baibul isibi eke?

• Keke otop me lek kwun̄ ofolek ubọk Baibul osabe ikup ire chereyi, ubọk esabe ikaba itap me owuwa ida usem mè ubọk ekisa iche ikana?

• Ike owa ke irọriọọn̄ ibe ke Awaji irọ otutuuk inu chi isasa igọọk eji ikpa usem okup owu me lek?

WEEK

Fuk inu ofolek mfufuk Baibul—ibene me mgbọ egebe nare echi ekababe me chereyi.

“How the Bible Came to Us” (Awake!, November 2007)

Kween̄ ubọk Baibul osabe inwọnọ inu ita okiweek ijijijaka ọmọ.

“The Bible—A Story of Survival” (The Watchtower No. 4 2016)

Kpọ mkpọ unan ebi ene ejebe itibi inyi ekọt ekaba Baibul.

Ema Mima Baibul (14:26)

Baibul ire ikpa ekpọkbe ige mè ikaba owuwa mgbọ. Kpa ubọk ke eji esa iriọọn̄ ibe ke kpenwene etip okup me emen?

“Has the Bible Been Changed or Tampered With?” (Web article)