INU NKWEEN̄ 25
Keke Ore Nkeek Awaji Isa Inyi Eji?
Baibul ibe ke ugwem ebilene ire mgbidim mè ijot me lek ufialek. (Jobu 14:1) Ire inu Awaji oweekbe isa inyi eji ire eya ni? Ire ikare ikeya, keke ore nkeek kan̄ isa inyi eji? Ire nkeek kan̄ morọ iso ni? Kpọ-nu ufọọk-otu okikat ene ejit Baibul onyibe.
1. Mbet ugwem okukup ke Jioba oweek inyi eji?
Jioba iweek ibe eji eluk ugwem onwọnwọn ichit. Mgbọ irombe adasi ebilene, Adam mè Îfu, ito ema me paradais ojajaan̄ ekigwen uko Iden. “Awaji onenigbana ema ibe, ‘Ìmumana mè ìwa me otu ifuk, mè ìjot linyọn̄, mè ìkikpulu linyọn̄.’” (Ibebene 1:28) Jioba iweek ibe ema ekaan̄ nsabọn, mè erọ mè otutuuk linyọn̄ ikana paradais, mè ekekpọ chieen̄ me lek ebi kè anam. Nkeek kan̄ ire mè otutuuk ene enwọọn̄ ugwem me akpalek ososo ere mgbọ geelek.
Ubọk geelek ibe ke inu ikaje ike Awaji oweekbe,a nkeek kan̄ ikanwene. (Asaya 46:10, 11) Iweek si ibe ebilene ebi isisiki ibot inyi ọmọ eluk ere mgbọ geelek me irek onwọnwọn ichit.—Fuk Ichichili 21:3, 4.
2. Ike owa ke eji ebesa inwọọn̄ ata ugwem me mgbọ keyi?
Jioba irom eji ibe eji eyaka lek emaan̄ me lek kan̄, eya orọ eji ekaan̄be ulọk irọriọọn̄ mè itọtọbọ ebum inyi ọmọ. (Fuk Matiyu 5:3-6.) Iweek ibe eji erọ ata unene melek kan̄, “eluk ugwem egọọk me oniin̄ kan̄, mè ema ọmọ,” mè esa me otutuuk ejit kiji “etọbọ ebum enyi ọmọ.” (Ikan Òso Mgbọ Iba 10:12; Okwa Itọn̄ 25:14) Eji esikirọ inu chi, eji mekaan̄ ata ubelejit ikerere me mgbọ eji ekichichini ufialek. Itọtọbọ ebum inyi Jioba okirọ mè eji ekenwọọn̄ ata ugwem mije, eji ekiluk ike iweekbe.
KWEEN̄ GBAALEK
Kween̄ mkpọ ofolek ata ima Jioba ojeen̄be me mgbọ irombe linyọn̄ yi inyi eji mè inu Baibul ojeen̄be ofolek nkeek kan̄ isa inyi ebilene.
3. Jioba ikaan̄ ata nkeek isa inyi ebilene
Fit FIDIO yi, mè igbaan̄ ikpa idodo yi ogọgọọk.
Keke orọ Awaji orombe ujuja linyọn̄ yi?
Fuk Ogwu Etip 3:11, mè igbaan̄ ikpa idodo yi:
Keke ke ere Baibul yi okijeen̄ owu ofolek Jioba?
4. Nkeek Jioba ikanwene
Fuk Okwa Itọn̄ 37:11, 29 mè Asaya 55:11, mè igbaan̄ ikpa idodo yi:
Ike owa ke eji esa iriọọn̄ ibe ke nkeek Awaji isa inyi eji ikanwene?
Mekọt inen̄e uwu ofafiat isun̄. Ikeya si, Awaji monen̄e inyọn̄ ijọn̄ yi eyi ebilene ekpọbe chieen̄ ilọ me lek isun̄ isa inyi ebi imama ọmọ
5. Itọtọbọ ebum inyi Jioba okirọ mè eji ekenwọọn̄ ata ugwem
Irọriọọn̄ nkeek Awaji ofolek ugwem mokọt inyi eji ubelejit. Fit FIDIO yi, mè igbaan̄ ikpa idodo yi ogọgọọk.
Ike owa ke Terumi osa ikaan̄ oruru inan̄a me lek ikwekween̄ nkeek Awaji ofolek ugwem?
Fuk Ogwu Etip 12:13, mè igbaan̄ ikpa idodo yi:
Jioba irọ owuwa ata inu inyi eji, ike owa ke eji ebesa ijeen̄ ibe ke eji mibele ejit me lek inu echi irọbe?
IRE ENE IDO IBE: “Keke ore nkeek Awaji isa inyi ebilene?”
Obofọfọọk?
ME MGBIDIM
Jioba iweek ibe eji enwọọn̄ ugwem me akpalek ososo ere mgbọ geelek me inyọn̄ ijọn̄ yi. Ire eji isa otutuuk ejit kiji ikitọbọ ebum inyi ọmọ, eji mekinwọọn̄ ata ugwem—ikerere me mgbọ keyi.
Idodo
Keke ore nkeek Jioba isa inyi Adam mè Îfu?
Ike owa ke eji esa iriọọn̄ ibe ke nkeek Awaji isa inyi ebilene ikanwene?
Ike owa ke obosa inwọọn̄ ata ugwem?
WEEK
Kween̄ inu orọrọ eji echieekbe ijaan̄ ibe ke uko Iden ire ere owuwuuk lek ikup.
“The Garden of Eden —Myth or Fact?” (The Watchtower, January 1, 2011)
Kween̄ inu orọrọ eji ebechieek ijaan̄ ibe ke inyọn̄ ijọn̄ yi ibokukup ire mgbọ geelek.
Wọlọ kpọ inu Baibul otumube ofolek iluluk ata ugwem.
Kpọ ubọk ogwu enerieen̄ ge ogwu okikeek ibe ke ọmọ ikaan̄ otutuuk inu osabe iweek iriọọn̄ inu kpunuge me ugwem kan̄.
a Me inu nkween̄ ogọgọọk, eji mekween̄ inu orọrọ eji kpekiluk mbet lek ugwem ya me chereyi.