INU NKWEEN̄ 57

Keke Ke Oborọ Mè Ire Orọ Ijo Inu Omimin?

Printed Edition

Ikerere ibe ke oma Jioba enenen mè ikisa ijijit inu geelek oborọ ibe ọmọ inaan̄ ejit, omokọt irọ ilọ usini mgbọ. Ire, usini nrọ-nlọ ikimin igak usini. (Ebi Kọrint Eyi Adasi 6:9, 10) Ire orọ ijo inu omimin, riọọn̄ ibe ke eya ikasibi ibe ke Jioba ikayaka ima owu, iweek itetele inyi owu mè itap ubọk inyi owu.

1. Keke ke eji eberọ inyi Jioba itele inyi eji?

Ebi imama Jioba ekifefieek ejit enenen esimun̄ ibe ke ema mirọ ijo inu. Ire, ema mikikaan̄ ukarajit inan̄a me lek use Jioba ochieekbe ebi eyi kan̄. “Ikerere ibe ke ijo kinyi ìnin̄ ikup eje eje, mêgwọk ema itana okuket kubọk abalara.” (Asaya 1:18) Ire eji ichubọk igwu ikom, Jioba motele inyi eji. Ike owa ke eji ebesa igwu ikom? Eji mefieek ejit me lek ijo inu eji erọbe, itele irọrọ ijo inu ya mè ibeek Jioba ibe itele inyi eji. Eji si metap efuuk ikijit ijo nkeek mè iyaka ire mkpọ orọrọ ibe eji erọ ijo inu ya, mè ikisa iluluk igọọk onineen̄ Jioba ofolek ikukup me utana.—Fuk Asaya 55:6, 7.

2. Ike owa ke Jioba okisa ebi ugane ntitiin̄ itap ubọk inyi eji mgbọ eji erọbe ijo inu?

Ire eji irọ ijo inu omimin, Jioba ibe mè eji ‘egwen ebi ugane ntitiin̄.’ (Fuk Jemis 5:14, 15.) Ebirieen̄ chi mima Jioba mè arọọn̄ kan̄. Mikpukpo ema inyi mekọt itap ubọk inyi eji enen̄e mgbaan̄je kiji melek Jioba esun̄.—Ebi Galesia 6:1.

Ike owa ke ebi ugane ntitiin̄ ekisa itap ubọk inyi eji mè ire eji irọ ijo inu omimin? Ebi ugane ntitiin̄ iba mè iyaka ire ita mesa nteme okup me Baibul inen̄e nkeek kiji isun̄. Ema menyi eji nteme mè ntọ-ubọk echi obotap ubọk inyi eji ejit iyayaka irọ ijo inu ya. Ema mekọt itumu ifieek ibe ke eji kpebeyaka irọ usini mkpọ me ntitiin̄ mege mgbaan̄je kiji melek Jioba moyakabe ikup ijaan̄. Inyi ebem ntitiin̄ esan̄a me lek ijo eru, ebi ugane ntitiin̄ mekọt isan̄a ogwu orọrọ ijo inu omimin mè ikaweekge igwugwu ikom isan̄a me ntitiin̄.

KWEEN̄ GBAALEK

Kween̄ mè riọọn̄ jaan̄ ubọk Jioba okisa itap ubọk inyi eji ire eji irọ ijo inu omimin.

3. Ikekikpa nrọ-nlọ kiji isibi ikitap ubọk inyi eji eyaka ere unene Jioba

Ijo inu geelek eji erọbe ikinanaan̄ Jioba, eya orọ igbebe ibe eji ekpa esibi enyi ọmọ. Fuk Okwa Itọn̄ 32:1-5, mè igbaan̄ ikpa idodo yi:

Keke orọ inwọnbe ibe eji ekpa ijo kiji esibi enyi Jioba kpan̄asi ikekilet?

Isọkọ me lek ikpakpa ijo inu eji erọbe inyi Jioba, eji mekaan̄ utelelek ire eji iweek ntap-ubọk ebi ugane ntitiin̄. Fit FIDIO yi, mè igbaan̄ ikpa idodo yi ogọgọọk.

FIDIO: “Ebi Jioba Omabe, Ebiba Ke Îkinyi Osusut” (3:01)

Me emen fidio ya, ike owa ke ebi ugane ntitiin̄ esa itap ubọk inyi Canon ibe iyaka inu me lek Jioba?

Igbe ibe eji ekechili ejit mè ekesa atikọ erọ mkpọ me lek ebi ugane ntitiin̄; ema ekiweek itatap ubọk inyi eji. Fuk Jemis 5:16, mè igbaan̄ ikpa idodo yi:

Ike owa ke ikekisa atikọ igọọk ebi ugane ntitiin̄ irọ mkpọ oborọ ibe ifet inyi ema itatap ubọk inyi eji?

Ogugo: 1. Gwun̄ ute enerieen̄ okifieek ejit mè itet ubọk me ibot kan̄. 2. Gwun̄ ute ya ikibeek uriaak inyi Jioba. 3. Gwun̄ ute ya ikitumu usem inyi ogwu ugane ntitiin̄ me fun. 4. Gwun̄ ute ya ikigọọk ebi ugane ita ikpa usem. 5. Gwun̄ ute ya ikike otu imọm mije ikaan̄be utọn̄ọ nkeek. — Kpa ijo kwun̄ sibi, sa atikọ gọọk ebi ugane ntitiin̄ rọ mkpọ, mè bọkọ tap ntap-ubọk Jioba osabe me ima inyi

4. Jioba ikijeen̄ ebi irọrọ ijo inu nsan

Ire ogwu orọrọ ijo inu omimin ijit igọgọọk onineen̄ Jioba, mesan̄a ọmọ isan̄a me ntitiin̄, eji si kpebeyaka ikigọọk ọmọ irọ mkpọ. Fuk Ebi Kọrint Eyi Adasi 5:6, 11, mè igbaan̄ ikpa idodo yi:

Ike olat okirọ inyi fituru iwuku, ike owa ke ikekigọọk ogwu okirọ ijo inu ikaweekbe igwugwu ikom obosa ikaan̄ mgbaan̄ me lek ntitiin̄?

Me igọgọọk akpat ukot nsan kè Jioba me lek ebi irọrọ ilọ, ebi ugane ntitiin̄ mikisi lek ebi esan̄abe me ntitiin̄ mè ikitap ubok inyi ema inyi ekọt enen̄e mgbaan̄je kiban̄ melek Jioba esun̄. Owuwa ebi esan̄abe me ntitiin̄ miyaka igwu ikom inu mije nkan̄-inu enyibe ema, ikerere ibe ke nkan̄-inu ya inaan̄ ema, irọ ibe ema emun̄ ibe ke inu ema erọbe ilọ.—Okwa Itọn̄ 141:5.

• Ike owa ke Jioba okijeen̄ iriọọn̄-inu, nsan, mè ima me lek ebi irọrọ ijo inu?

5. Jioba ikitele inyi eji mgbọ geelek eji esigwu ikom

Jisọs isa inu njeen̄ ge itap ubọk inyi eji egobo etet ubọk ikikup me lek Jioba mgbọ geelek ene isigwu ikom. Fuk Luk 15:1-7, mè igbaan̄ ikpa idodo yi:

Keke ke eyi okijeen̄ owu ofolek Jioba?

Fuk Ijikien 33:11, mè igbaan̄ ikpa idodo yi:

Igwugwu ikom igọbọ kpasi inu ochuchubọk ikup ufiak?

Ogwu okpukpo arọọn̄ okisa me ima ibọp unan arọọn̄ ge. — Kubọk ogwu okpukpo arọọn̄, Jioba ikichuchubọk ikpọ chieen̄ me lek arọọn̄ kan̄

USINI ENE EKIBE: “Nkitet ukpook ibe ire ntumu inyi ebi ugane ntitiin̄ ijo inu nrọbe ke mesan̄a emi me ntitiin̄.”

Keke ke obokọt itumu inyi ogwu okikeek ikeya?

ME MGBIDIM

Ire eji irọ ijo inu omimin mè ichubọk ifieek ejit inyi mè itumu ifieek ibe ke eji kpebeyaka irọ ijo inu ya, Jioba motele inyi eji.

Idodo

Keke orọ inwọnbe ibe eji ekpa ijo kiji esibi enyi Jioba?
Keke ke eji eberọ inyi Jioba itele ijo kiji inyi eji?
Ire eji irọ ijo inu omimin, keke orọ ikupbe ufiak ibe eji eweek ntap-ubọk ebi ugane ntitiin̄?

Usen nkween̄be inu nkween̄ yi isan̄a:

Inu Obokọt Irọ

Sa inyi oriọọn̄ ebi ugane ntitiin̄ kwun̄.

Ofifi si:

Your other goal

WEEK

Kpọ ubọk Jioba osabe ijeen̄ mbet lek nsan ekpabe mkpọ ofolek me ikpa Asaya 1:18 inyi ogwu enerieen̄ ge.

Kakaan̄ Cheche Me Lek Nsan Kè Jioba (5:02)

Ike owa ke ebi ugane ntitiin̄ ekisa itap ubọk inyi ebi irọrọ ijo inu omimin?

“Responding to Sin With Love and Mercy” (The Watchtower, August 2024)

Kween̄ ubọk ekisa ijeen̄ ebi irọrọ ijo inu ebi kpeweek igwugwu ikom ima mè nsan

“Help for Those Who Are Removed From the Congregation” (The Watchtower, August 2024)

Me ukpatu obe: “I Needed to Return to Jehovah,” kween̄ inu orọrọ ogwu enerieen̄ ge onanan̄a me ntitiin̄ okeekbe ibe ke ire Jioba otaba ọmọ iyaka inu.

“The Bible Changes Lives” (The Watchtower, April 1, 2012)