TAP LEK ME ITUTUMU IKỌ AWAJI IJAAN̄ | RỌ KÈ UNWỌỌN̄ KWUN̄ IKIMIN ME IKWAAN̄ UKO
Irere Ene Ejit
Isisiki ibot inyi Awaji ikinan̄a ene me ejit. (Urọk 3:1) Eya orọ, eji esikijeen̄ mkpọ, eji mesa mè ire ejit ebi ikigban̄ eji. Me oniin̄ okukup?
Kakpọkpọ ijeen̄ ogwu okigọọk ikween̄ Baibul atikọ echi Baibul gaalek, ire tap ubọk rọ inyi ikọt ikimun̄lek mgbaan̄ ikaan̄be me ugwem kan̄ melek mgbaan̄je kan̄ melek Jioba. Rọ inyi inwọọn̄ ubọk onineen̄ echi Baibul okisa ijeen̄ ima Awaji, nnwọn, melek ata ubọk irọrọ kan̄. Sa me iriọọn̄-inu do idodo echi obokọt irọ ufuna itumu nkeek kan̄ osilek mkpọ ikebikween̄. Tap ubọk rọ inyi ikikeek oruru ibokaan̄ mè ire ikọt itele ijo irọrọ. Osimun̄lek ike ogwu okigọọk ikween̄ Baibul osabe ima Jioba me otutuuk ejit kan̄, unwọọn̄ kwun̄ moriọọn̄ ikimin.
IKPỌ FIDIO KAAN̄ UNWỌỌN̄ EKIKAAN̄ ME IRỌRỌ ENE EBI UDUN̄ KÈ KARAIS—RỌ INYI UBỌK OKISA ILOOK ETIP IKINWỌN—IRERE ENE EJIT, MÈ IFỌỌK IDODO CHI:
Keke orọ Matọn̄ odobe Utoon̄ ibe: “Ire ikaan̄ inu oyakabe ikeek si ofo me lek mkpọ eji ekpabe me usen Monday?”
Ike owa ke Matọn̄ osa itap ubọk irọ inyi Utoon̄ imun̄lek ubọk onineen̄ echi Baibul okijeen̄ ima Jioba okaan̄be me lek kan̄?
Ire eji ikọt ire ejit ebi eji ekigọọk ikween̄ Baibul, mobieen̄ ene ya ufuna iweek itataba lek kan̄ iriaak me lek Jioba
Ike owa ke Matọn̄ osa itap ubọk irọ inyi Utoon̄ ikeek ubọk ọmọ mokọtbe isa ijeen̄ ima kan̄ me lek Awaji?