Mọnọ Ebi Ugane Ebibaan̄ Kubọk Ebi Nga Kwun̄, mè Mọnọ si Nsabọn Ibaan̄ Kubọk Ebi Ngwaan̄ Kwun̄ Ebibaan̄

Baibul ibe mè eji emọnọ ebi eyi Karais ebi ugane kubọk ebi nga kiji mè nte kiji mè emọnọ ebi asasa kubọk ebi ngwan̄ kiji. (Fuk Timọti Eyi Adasi 5:1, 2.) Ikup me ufiak enenen ibe ebirieen̄ ekenyi ebibaan̄ umin melek ulibi.

Kè gwun̄ ute ogwu enerieen̄ ikarọ inu geege eyi oborọ ufuna gwun̄ ute ogwu enenwaan̄ ikilibi ọmọ lek. (Jobu 31:1) Gwun̄ ute enerieen̄ okup agaga ikporọ ufuna gwun̄ ute enenwaan̄ ikikeek ibe ke ikaan̄ ulọk me lek kan̄ me mgbọ ikabebem lek.

Kè ebi ugane ntitiin̄ eriọọn̄ ubọk eche ulọk enyi gwun̄ ute enenwaan̄ ogwu osasa me ulibi ido idodo mè iyaka ire itumu ikọ eyi oweweek ibe ekpọ chieen̄ me lek. Ebi ugane meriọọn̄ ubọk ikikpọ chieen̄ enenen me lek ebi kpekaan̄ge olom ebi ibekibem ema.—Rufu 2:8, 9.

KPO FIDIO JEEN̄ IMA IKAKAAN̄GE OKPUTUT ME EMEN NTITIIN̄—SA NYI EBI NWAKPA MELEK KPÀ-NTE, MÈ IFỌỌK IDODO CHI:

• 

  Ike owa ke ebi ntitiin̄ esa ijeen̄ Gwun̄ Ute Enenwaan̄ Myint ima me oniin̄ osibi esese?

• 

  Ike owa ke ima ebi ntitiin̄ ejeen̄be osa iben ata-ikọ inyi ebi ikup me ama ya?

• 

  Ike owa ke ima ebi ntitiin̄ ejeen̄be osa ikaan̄ mgbaan̄ me lek gwun̄ enenwaan̄ kè Gwun̄ Ute Myint?

Echi owa ire usini oniin̄ obokọt isa ijeen̄ ima me lek ebi bọn ute ebibaan̄ ikup me ntitiin̄ kwun̄?