Kup Nye Kikpukpo Unye Ngobo-Ntet Kwun̄

Ogwu okilibi okot ikikukup inye ikitọ lek ikpọ ufuna ikọt ikilibi okot igwat. Ubọk yaage si, eji ebetatap efuuk inye ikikpukpo mè isun̄ unye ngobo-ntet kiji. (Iburu 5:14) Ubọk geelek ibe ke mokọt ilọk eji irọrọ inu igọọk me lek ntumu-mfiek ebi ufi ife, monwọn ibe eji esa nkeek kiji erọ ntumu-mfiek enyi lek kiji. Bak me lek eke? Eji ge ge mekaan̄ ufọọk-otu inyi ntumu-mfiek eji erọbe.—Rom 14:12.

Eji ekakpọkpọk imọnọ ibe ke eji merọ ata ntumu-mfiek mije ibe ke eji mikaan̄ ntap-me-mun̄ me owuwa acha oraraka. Ufuna eji ekọt erọ ata ntumu-mfiek, monwọn ibe eji eyaka lek kiji emaan̄ me lek Jioba, Usem kan̄, melek ntitiin̄ kan̄.—Jos 1:7, 8; Urọk 3:5, 6; Mat 24:45.

KPỌ DRAMA “KAAN̄ NKEEK ONWỌNWỌN,” MÈ IFỌỌK IDODO CHI:

• 

  Kpasi ntumu-mfiek ke Emma oborọ?

• 

  Keke orọ eji ebejit inyinyi nkeek kiji kubọk eyi onwọnwọn me lek inu eyi ogwu ikup obosa nkeek kan̄ igobo?

• 

  Kpasi nteme onwọnwọn ke olom mè nwa ge enyi Emma?

• 

  Owa ke Emma okọt ikaan̄ nteme otatap ubọk inyi ogọt me irek kan̄?