Ubọk Ebesa Fidio Ekisa Ikween̄ Baibul Irọ Inu

Eji mikaan̄ fidio ekisa ikween̄ Baibul ini echi eji ebekisa irọ mkpọ me uko. Keke orọ esan̄abe ema ge ge isibi?

• 

  Eneen̄ fidio Keke Orọ Ekikween̄ Baibul?—Eyi Ososo isasa iriki ulọk ebi ene me lek Baibul mè ekakpọge chieen̄ me lek uwu uriaak kiban̄. Fidio yi ikitap efuuk me owot ebi ikikpọ ibe eweek ufọọk-otu esa enyi idodo okukup ufiak me emen Baibul, ikpa si ubọk Baibul osabe ifọọk ge me lek idodo cha. Ikpa ubọk ebekọt isa ido nkween̄mkpọ Baibul.

• 

  Keke Orọ Ekikween̄ Baibul? (eyi mgbidim) ire inu yaage me lek eyi ososo, ire, ikamalek ijọn̄ọ. Mokọt itet mun̄ ichit me ere ebi ene kpekimalek ikaan̄ mgbọ.

• 

  Eneen̄ fidio Keke Okibọkọ Irek me Nkween̄mkpọ Eyi Baibul? isasa iriki ulọk ebi ene me lek nkween̄mkpọ Baibul eji ekikaan̄ me ikike, ifọọk si usini idodo ebi ene ekido mè ikpa ubọk eji ebekọt isa ido nkween̄mkpọ Baibul.

• 

  Fidio Onu Me Lek Nkween̄mkpọ Baibul ire eyi ebejeen̄ ebi eji ekigọọk ikween̄ Baibul. Ikerere ibe ke fidio ya ikup me isi ikpa iba me ikpa Nwọọn̄ Ugwem Re Mgbọ Geelek!, mekọt ijeen̄ si me mgbọ ekikween̄ brọshọ Nwọọn̄ Ugwem Re Mgbọ Geelek! Fidio ya ikpa mkpọ okup me ikpa Nwọọn̄ Ugwem Re Mgbọ Geelek! mè mkpọ ogwu ekigọọk ikween̄ mkpọ obomun̄ esikikween̄ Baibul.

Ikerere ibe ke ikaan̄ ibot ibot inu orọrọ eneen̄be fidio chi ge ge, eji mekọt ijeen̄ mè iyaka ire iria geelek me lek kiban̄ ijet ebi ene me mgbọ ogbegbe. Mitap efuuk me owot ebi ikilook ata etip ibe eriọọn̄ fidio chi ejaan̄ mè ekesa ema erọ mkpọ me uko me oniin̄ onwọnwọn.